Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Septiembre tsiguʼ 2015

 RÍ KAYÁ EDXU̱U̱ NÁA INUU I̱YI̱I̱ʼ | BI̱ NUTARAʼA NUMUU JEOBÁ. TSÍIN NI̱NDXU̱ÚN

Xú káʼnii xa̱bu̱ ni̱ndxu̱ún xá.

Xú káʼnii xa̱bu̱ ni̱ndxu̱ún xá.

Ni̱ndxu̱xu̱ʼ mbá religión wájíʼ, rí najmaʼnuʼ náa xúgíʼ numbaaʼ ga̱jma̱a̱ tséndawamíjna̱xu náa i̱ʼwáʼ religión. Oficinas rí naxnúxu ikha rígá náa Estados Unidos. Mú, mbaʼánʼ bi̱ nutaráʼaxu kuwáanʼ náa mbaʼa xuajen mba̱ʼu̱. Náa xúgíʼ numbaaʼ kuwáanʼxu itháan rí migiñuʼ millón, ma̱ngaa nusngáaxu ga̱jma̱a̱ numuu Biblia náa itháan rí 230 xuajen mba̱ʼu̱ ma̱ngaa territorios. Xúʼko̱ nunimbániixu ajngóo Jesucristo: “Jame miʼtaraʼa apa ajnga ri majan nuxiʼ numu ri naʼ-tañajun mba xuguinʼ xabo gentil” (Mateo 24:14).

Tséʼniuu má náa kuwáanʼxu, nduyamajkuíí ga̱jma̱a̱ nunimbuxuʼ xtángoo dí rígá náa xuajen, mú tséndawamíjna̱xu náa política. Xúʼko̱ nunimbánii rí Jesús niʼthún cristianos índo̱ niʼthí: “Rañajuanʼla naʼ numba”. Ikha jngó tsembáñunxu políticos ma̱ngaa tséjkuáxú náa guerras (Juan 15:19; 17:16). Ikha jngó, índo̱ nirígá Raga̱jma̱ Guerra náa xúgíʼ Numbaaʼ mbaʼin bi̱ nutaraʼa numuu Jeobá nijtin náa guʼwá e̱jua̱nʼ, nijmagíníin ga̱jma̱a̱ tikhun niradíin. Mbáa exobispo alemán niʼnirámáʼ: “Ma̱ndoo muʼthá mbájmbu rí i̱ndó ikhiin ni̱ndxu̱ún mbá grupo bi̱ nunimbaníí rí enimbu̱ún náa Tercer Reich”.

“[Bi̱ nutaraʼa numuu Jeobá] nunimbánii má xúʼko̱ rí naʼthí náa Biblia ga̱jma̱a̱ nuni rí májánʼ. Ma̱ndoo majmiulúʼ xa̱bu̱ bi̱ nandún muniu̱u̱n rí májánʼ eʼwíínʼ asndu náa ñajunʼ rí guáʼdáá político rí itháan gíʼdoo numuu, mú xáʼngulú guʼni rí ikhiin muñajunʼ ikhí. [...] Nduyamajkhún Xa̱bu̱ Ñajunʼ, mú nduyáá rí i̱ndó Reino ndrígóo Dios maʼngo̱o̱ maʼnimbánuu xúgíʼ xkujndu rí guaʼdáá xa̱bu̱ numbaaʼ.” (Náa periódico Nová Svoboda, República Checa)

Mú, rúʼko̱ tsíyoo gáʼthi rí tsetamíjnaxu gajmiúxú xa̱bu̱. Jesús niʼthá kháñuu Dios: “Tsitajañaloʼ ri marahuin naʼ numba” (Juan 17:15). Ikha jngó nuñajunʼxu, na̱jkuáxú gutsi ga̱jma̱a̱ na̱jkuáxú náa escuela xó má eni eʼwíínʼ xa̱bu̱.