Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Agosto tsiguʼ 2015

 RÍ KAYÁ EDXU̱U̱ NÁA INUU I̱YI̱I̱ʼ | NDIÉJUNʼ ERÍGÁ NDA̱WA̱Á RÍ NIKHÁÑAʼ RÁ.

Lá naguámbá xúgíʼ índo̱ nakháñulú ráʼ.

Lá naguámbá xúgíʼ índo̱ nakháñulú ráʼ.

Lá ma̱ndoo mbuya mbu̱júu̱ bi̱ nikháñun ráʼ.

RÍ NARIʼÑA̱A̱ NÁA BIBLIA: “Na̱ʼkha̱nú hora rí xúgínʼ bi̱ kajtiin náa iñá wa̱jinʼ mudxawíín aʼwóo [Jesús] ikhú mawaxu̱ún” (Juan 5:28, 29).

Jesucristo niʼtáriyaʼ rí nda̱wa̱á, índo̱ gáʼtañajunʼ, maʼni mijchúu iñá wa̱jinʼ. “Niguanúʼ tsiánguá nda̱wa̱á rí nigúxnuu Juan 5:28, 29, niʼthí Fernando, bi̱ niʼthá ga̱jma̱a̱ numuu náa timbá artículo. Nindxu̱u̱ mbá rí gajkhun mambanúu, ga̱jma̱a̱ nigíʼdu̱u̱ ndi̱yo̱o̱ rí májánʼ nindxu̱u̱ rí marigá nda̱wa̱á.”

Job bi̱ nixtáa jmbu niku̱mu̱u̱ rí maʼga̱nú mbá mbiʼi rí Dios maʼni rí maxtáa mbu̱júu̱. Job niraxu̱u̱: “Á mu mbáa xa̱bu̱ [...] nakhañu, lá ma̱ndoo maxtáa mbu̱júu̱ xáʼ.” Ga̱jma̱a̱ ikhaa niʼthí rígi̱: “Magúʼthu̱u̱n xúgíʼ mbiʼi rí gáxtáá rañejunʼ [mbiʼi rí gáxtáa náa iñá wa̱jinʼ] asndu índo̱ gáʼkha̱ bi̱ maʼni kríñunʼ. Ikháánʼ matandxaʼoʼ ga̱jma̱a̱ ikhúúnʼ mariʼñaʼ” (Job 14:14, 15).

Rí ni̱ga̱bi̱i̱ Lázaro naʼniulú muguaʼthi̱i̱n rí marigá nda̱wa̱á

Marta ndxájuu Lázaro ndaʼyoo májánʼ rí magabiín bi̱ nikháñun. Nda̱wa̱á rí nikháñu Lázaro, Jesús niʼthúu̱n: “Mbaʼya” ndxiyaʼ. Ga̱jma̱a̱ Marta niriʼñuu: “Ndayo ri mbaʼya mbiʼi ri mariguo rido mbuya xabo”. Ikhú Jesús niʼthúu̱n: “Ikun ini ri mbuya xabo tsi nijañu, jame indo-ma Ikun ixna ri ndaʼya. Tsi najumu-jaʼyeʼ, maske asjndo nijañu, mbaʼya” (Juan 11:23-25). Nda̱wa̱á Jesús niʼniga̱bi̱i̱ Lázaro. Xkri̱da rígi̱ naʼni mundxaʼwamíjna̱lú xú káʼnii gáʼni nda̱wa̱á. ¡Ra̱ʼkhá tháán gagi gáʼni índo̱ gagabi̱ín mbaʼin wéñuʼ xa̱bu̱ náa xúgíʼ tsu̱du̱u̱ numbaaʼ!

Lá magabiín xa̱bu̱ mekhuíí ráʼ.

RÍ NARIʼÑA̱A̱ NÁA BIBLIA: Ajngóo Dios nasngájma rí ninindxu̱u̱ mixtiʼkhu wéñuʼ xú káʼnii nigabi̱i̱ Jesucristo ki xóo migiñinʼ bi̱ naʼthí ikhí. Xú káʼnii rá. Ikhiin nigabi̱ín náa tsu̱du̱u̱ Ku̱ba̱ʼ. Mú, náa Biblia naʼthí ga̱jma̱a̱ numuu rí xú káʼnii nigabi̱i̱ Jesucristo: “Su Jesucristo neguixila mecui, ga xuguiʼ-ra Ica guiʼ naʼ nijñu mejunʼ Dios” (1 Pedro 3:21, 22). Lá i̱ndió Jesucristo nigabi̱i̱ mu maxtáa mekhuíí ráʼ. Nákhi wapháá Jesús niʼthún discípulos ndrígóo: “Xi maʼgaʼloʼ, manemujunʼ naʼ majuhuala, maʼkaʼ mbuju, jame Ikun-ma gaʼkaʼ gaguanʼla. Ikajngo naʼ xta Ikun, iki gajuhuala manganʼla” (Juan 14:3).

Jesucristo ni̱jkha̱a̱ gáʼni mújúnʼ mekhuíí mu magruigúun tikhun discípulos. Náa Biblia naʼthí rí  bi̱ magúun mekhuíí ni̱ndxu̱ún mbá 144,000 xa̱bu̱ (Rí huasjŋgajma Juan [Apocalipsis] 14:1, 3). Mú, ndiéjunʼ gúni ikhí cristianos buʼko̱ rá.

Marigá wéñuʼ rí muni. Náa Biblia naʼthí: “Gagi ga̱jma̱a̱ kaʼwun bi̱ muguaxu̱ún ginuu; bugi nánguá xóo makhañún dí maʼni a̱jma̱ aʼphu̱, ikhiin manindxu̱ún ndxajkun ndrígio̱o̱ Dios ga̱jma̱a̱ Cristo, ga̱jma̱a̱ mutañajunʼ gajmiún ikhaa mbá míí tsiguʼ” (Revelación 20:6). Xúgínʼ mani̱ndxu̱ún reyes ga̱jma̱a̱ ndxajkun, ga̱jma̱a̱ mbóó gútañajunʼ gajmiún Jesús náa xúgíʼ tsu̱du̱u̱ Ku̱ba̱ʼ.

Lá magabiín xa̱bu̱ náa tsu̱du̱u̱ Ku̱ba̱ʼ ráʼ.

RÍ NARIʼÑA̱A̱ NÁA BIBLIA: Náa Escrituras na̱ʼkha̱ ajngáa rí niʼthí Pablo: “Ikhúúnʼ gúʼthu̱u̱n náa Dios, ikhaa má dí guáʼthi̱i̱n bugi mangiin, dí maguaxu̱ún xa̱bu̱ bi̱ nikháñun bi̱ nini rí jmbu xúʼko̱ má bi̱ túni rí jmbu” (Hechos 24:15).

Náa Biblia naʼthúlúʼ rí mbaʼin wéñuʼ makuwá mbu̱júu̱

Tsíin lá ni̱ndxu̱ún xa̱bu̱ “bi̱ nini rí jmbu” rá. Gundxaʼwamíjna̱ ga̱jma̱a̱ numuu mbáa xa̱bu̱ jmbii: Daniel. Ikhaa ninindxu̱u̱ mbáa gaʼyee jmbii bi̱ niʼthúu̱n Dios índo̱ inuu makhañúu: “Mbi̱ya̱a̱ xa̱ʼ, mú magabiín mu matrigú rí kaʼyaʼ índo̱ gámbá mbiʼi” (Daniel 12:13). Náa gagabi̱i̱ Daniel rá. Náa Biblia naʼthí: “Xa̱bu̱ bi̱ nuni rí jmbu makuwá kámuu mbiʼi náa tsu̱du̱u̱ ku̱ba̱ʼ” (Salmo 37:29). Ma̱ngaa Jesús niʼthí: “Juhua gagui xabo tsi masun, numu ri ikin mudrigüi jubaʼ ri jaʼñu” (Mateo 5:5). Xó má Daniel ga̱jma̱a̱ iʼwíínʼ xa̱bu̱ jmbiin magabiín mu makuwá mbu̱júu̱ náa tsu̱du̱u̱ Ku̱ba̱ʼ, ga̱jma̱a̱ makuwá tsímáá kámuu mbiʼi.

Tsíin lá ni̱ndxu̱ún “bi̱ túni rí jmbu” rá. Ni̱ndxu̱ún mbaʼin wéñuʼ xa̱bu̱ bi̱ nikháñun bi̱ tuniʼnúʼ ga̱jma̱a̱ takuwa xó má eʼsngáa náa Biblia. Índo̱ gagabi̱ín, majmañún tsáa nindxu̱u̱ Jeobá * ga̱jma̱a̱ Jesucristo ga̱jma̱a̱ maguanu maʼndún kuñún (Juan 17:3). Bi̱ guraʼwíí muni ñajunʼ Dios makuwá xó má mbiʼi rí gáxtáa Jeobá: Kámuu mbiʼi.

Bi̱ guraʼwíí muni ñajunʼ Dios ma̱ndoo makuwá tsímáá kámuu mbiʼi

Xú káʼnii gakuwáanʼ náa tsu̱du̱u̱ Ku̱ba̱ʼ rá.

RÍ NARIʼÑA̱A̱ NÁA BIBLIA: Dios “maʼni kaʼwi̱i̱ xúgíʼ iyoʼ idún, ní xákhañun itháan, ní xárígá xtambiyaʼ, gitsawaʼskha asndu má gaʼkhu” (Revelación 21:4). “Munila guʼwá, ga̱jma̱a̱ makuwáanʼla ikhí; mudula ixi̱ uva ga̱jma̱a̱ muphula xndúu” (Isaías 65:21).

¡Atatsaʼwáminaʼ dí ra̱ʼkhá tháán tsímáá gáʼni rí maraxtaa gajmiáanʼ a̱ngia̱nʼ! Mú naguanúu mbá graxe̱ rí xóó tsixtiʼña̱a̱: Xú káʼnii eʼyáá rí gajkhun magabiín xa̱bu̱ rá.

^ párr. 15 Náa Biblia naʼthí rí Dios mbiʼyuu Jeobá.