Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Agosto tsiguʼ 2015

Atraʼwíin májánʼ bi̱ mambaxáʼ gajmiáanʼ náa iwáá mbiʼi rígi̱

Atraʼwíin májánʼ bi̱ mambaxáʼ gajmiáanʼ náa iwáá mbiʼi rígi̱

“Rí mambaxáʼ gajmiáanʼ bi̱ nuni dí raʼkhí maʼgakañán matasiʼñáanʼ ratani dí májánʼ.” (1 CORINTIOS 15:33)

AJMÚÚ 73 GA̱JMA̱A̱ 119

1. Xú káʼnii nindxu̱u̱ mbiʼi rí kuwáanʼ rá.

KUWÁANʼ mbá mbiʼi rí mingíjyúuʼ wéñuʼ. Nákha tsiguʼ 1914 nigi̱ʼdu̱u̱ “iwáá mbiʼi” ndrígóo numbaaʼ rígi̱. Asndu nákha ikhú, narígá itháan dí ra̱májánʼ (2 Tim. 3:1-5). Ga̱jma̱a̱ nduʼyáá rí maʼga̱ raʼni itháan gakhi̱i̱ numuu rí náa Biblia niʼthí rí mbiʼi rí kuwáanʼ xa̱bu̱ mani̱ndxu̱ún itháan ra̱míjínʼ (2 Tim. 3:13).

2. Xú káʼnii enigagimijná rí mbiʼi xúgi̱ mbaʼin xa̱bu̱ rá. (Atayáá timbá xtiʼkhu.)

2 Rí mbiʼi xúgi̱, mbaʼin xa̱bu̱ nuni gagimijná ga̱jma̱a̱ rí Jeobá naguiyuʼ kaʼyoo, xóo rí nuxmijná xa̱bu̱, rí nubúnʼ gajmiún eʼwíínʼ, magia o xa̱bu̱ wéñiʼ. Rígi̱ nakujmaa rí nindxu̱u̱ májánʼ náa Internet, náa televisión, náa cine, náa libros ga̱jma̱a̱ revistas. Náa tikhuu xuajin mba̱ʼu̱, xtángoo naxtiʼkhuu wéñuʼ ga̱jma̱a̱ rí xúgi̱ nuniñaʼ marigá rí nákha wajyúúʼ nakujmaa raʼkhí. Mú Jeobá táriʼkhu̱u̱ xtángoo ndrígóo ga̱jma̱a̱ xóó naguiyuʼ kaʼyoo dí ra̱májánʼ (atraxnuu Romanos 1:28-32).

3. Ndiéjunʼ kumún mbaʼin xa̱bu̱ ga̱jma̱a̱ numún bi̱ nunimbánii xtángoo ndrígóo Dios rá.

3 Nákha nikuwa timbíi̱n cristianos, xa̱bu̱ ma̱ngaa nini gagimijná ga̱jma̱a̱ rí xkawiʼ ga̱jma̱a̱ rí nubúnʼ gajmiún eʼwíínʼ. Mú cristianos  na̱nguá nini rúʼko̱, numuu rí ikhiin ninimbu̱ún xtángoo ndrígóo Dios. Ikha jngó, mbaʼin xa̱bu̱ nindxa̱ʼwa̱míjna̱ rí mixtiʼkhuin wéñuʼ, nutsijmin ga̱jma̱a̱ nixkúún (1 Ped. 4:4). Rí mbiʼi xúgi̱, mangáanʼ nuʼnimbulúʼ xtángoo ndrígóo Dios. Ikha jngó mbaʼin xa̱bu̱ nakumu̱ún rí mixtiʼkuáanʼlu. Náa Biblia naʼthí rí xúgínʼ bi̱ nuni xó má niʼni Cristo majuixkhún (2 Tim. 3:12).

GUÑEUMÍJNALÚ MU XAMBÁXULÚ GAJMIÚLÚ BI̱ NUNI DÍ RA̱MÁJÁNʼ

4. Á mu nandulúʼ muʼnimbulúʼ kuʼyáá Dios, ndiéjunʼ dí ragíʼmaa muʼni rá.

4 Á mu nandulúʼ muʼnimbulúʼ kuʼyáá Dios, xáʼndulú kuʼyáá “numbaaʼ ni má [dí rígá] náa numbaaʼ” (atraxnuu 1 Juan 2:15, 16). * Náa Biblia naʼthí rí Satanás xtáa raʼtáñajunʼ náa numbaaʼ. Ikhaa najmuu religión, Xa̱bu̱ Ñajunʼ, xúgíʼ rí naxtango̱jo̱o̱ ga̱jma̱a̱ rí nakujmaa náa televisión o rí nawáán náa radio mu muninduwiinʼ xa̱bu̱ (2 Cor. 4:4; 1 Juan 5:19). Á mu tsíyulú rí numbaaʼ rígi̱ maʼni nduwáanʼlu, gíʼmaa muñewumíjna̱lú índo̱ nuraʼwíin bi̱ mambáxulúʼ gajmiúlú. Ikha jngó náa Biblia naʼthúlúʼ dí ragíʼmaa muʼniñamíjná muni nduwáanʼlú ga̱jma̱a̱ naʼthúlúʼ: “Rí mambaxáʼ gajmiáanʼ bi̱ nuni dí raʼkhí maʼgakañán matasiʼñáanʼ ratani dí májánʼ” (1 Cor. 15:33).

5, 6. a) Tsíin xándoo mambáxulúʼ gajmiúlú rá. b) Náa numuu dí ragíʼmaa mambáxulúʼ gajmiúlú mbáa bi̱ naʼni dí ra̱májánʼ rá.

5 Á mu nandulúʼ mambaxúlúʼ májánʼ gajmiúlú Dios, ragíʼmaa mambaxúlúʼ gajmiúlú xa̱bu̱ bi̱ nuni dí ra̱májánʼ. Ma̱ngaa ragíʼmaa mambaxúlúʼ gajmiúlú bi̱ nuthi rí nuni ñajunʼ Jeobá mu tsénimbu̱ún rí naʼthí. Ikha jngó, á mu mbáa dí ikhiin nakudaminaʼ mbá aʼkhá mba̱a̱ ga̱jma̱a̱ á mu tsegutanga̱a̱, muniʼñáʼ ruʼtámíjná gajmiúlú ga̱jma̱a̱ ní xambáxulú gajmiúlú (Rom. 16:17, 18).

6 Á mu nambáxulúʼ gajmiúlú mbáa bi̱ naʼni dí ra̱májánʼ, mbáa asndu mangáanʼ muʼni. Náa numuu rá. Numuu rí mbaʼin xa̱bu̱ nandún mani̱ndxu̱ún xóo bi̱ nambáxu̱u̱n gajmiún ga̱jma̱a̱ muni rí nanigu̱nʼ ikhiin. Mbá xkri̱da, á mu nambáxulúʼ gajmiúlú mbáa bi̱ nabóʼ gajmíi̱n eʼwíínʼ, mbáa asndu muʼni mangáanʼ. Rúʼko̱ rí niguaʼnii tikhun xa̱bi̱i̱ Jeobá. Tikhun nigutangi̱ín, mu eʼwíínʼ na̱nguá ga̱jma̱a̱ nigumiin expulsar náa congregación (1 Cor. 5:11-13). Á mu tsegutangi̱ín, magiʼnun xó má naʼthí náa 2 Pedro 2:20-22 (atraxnuu).

7. Tsíin gíʼmaa mambáxulúʼ gajmiúlú ráʼ.

7 Gajkhun má rí gíʼmaa mbuʼyamajkún xúgínʼ xa̱bu̱. Mú ragíʼmaa mambáxulúʼ gajmiúlú xa̱bu̱ bi̱ tsénimbu̱ún kuyáá Dios. Mbá xkri̱da, xánindxu̱u̱ májánʼ rí mbáa xa̱bi̱i̱ Jeobá magiʼdaa novio o novia bi̱ xóó tséjngúun iyááʼ. Ga̱jma̱a̱ ra̱májánʼ rí majngruigaʼ ga̱jma̱ʼ mbáa bi̱ na̱nguá nindxu̱u̱ xa̱bi̱i̱ Jeobá. Itháan gíʼdoo numuu rí mambaxúlúʼ gajmiúlú Dios ki xóo rí mambaxúlúʼ gajmiúlú bi̱ tsíyoo kaʼyoo Jeobá. I̱ndó gíʼmaa mambaxúlúʼ gajmiúlú bi̱ nuni xóo Dios nandoo. Jesús niʼthí: “Numu ri asjndo tsa tsi naʼne ri nando Dios, tsuʼkue ñajun dxiyoʼ” (Mar. 3:35).

8. Ndiéjunʼ niguaʼnii israelitas numuu rí nimbáxu̱u̱n gajmiún xa̱bu̱ bi̱ nuni dí ra̱májánʼ rá.

8 Bi̱ nambáxu̱u̱n gajmiún bi̱ nuni dí raʼkhí naguáʼdáá xkujndu rí gakhi̱i̱ wéñuʼ. Mbá xkri̱da, índo̱ rí israelitas niguánu náa Ku̱ba̱ʼ rí Jeobá niʼthí maxnún, ikhaa niʼthún rí xambáxu̱u̱n gajmiún xa̱bu̱ bi̱ kuwa ikhí. Ikhaa niʼthí: “Ragíʼmaa matasmbatíga̱ʼ náa inún dios ndrígu̱ún ga̱jma̱a̱ ragíʼmaa matani ñajúnʼ, ga̱jma̱a̱ xátayaridáá  nimbá rí nuni ikhiin, ma̱ngaa matani gámbíin xúgínʼ ga̱jma̱a̱ matani gámbáa columnas rí mitsáʼkháan. Ga̱jma̱a̱ ikháanʼ gíʼmaa muni ñajuunʼ Jeobá Dios ndrígála” (Éx. 23:24, 25). Mú mbaʼin israelitas na̱nguá ninimbu̱ún ga̱jma̱a̱ nda̱wa̱á nixudami̱jná aʼkhá rí gakhi̱i̱ wéñuʼ (Sal. 106:35-39). Ndiéjunʼ nirígá nda̱wa̱á rá. Rí Jeobá ní tándoo gáʼyoo xuajin Israel ga̱jma̱a̱ niraʼwíí xóo xuajñu congregación cristiana (Mat. 23:38; Hech. 2:1-4).

GUÑEUMÍJNA̱ GA̱JMA̱A̱ RÍ EʼYÁÁ, RÍ ERAXNUU MA̱NGAA RÍ NUʼDXAWÍÍN

9. Náa numuu dí ra̱májánʼ kayuʼ mbaʼa películas, i̱yi̱i̱ʼ, ajmúú ga̱jma̱a̱ Internet rá.

9 Mbaʼa películas, i̱yi̱i̱ʼ, rí nagájnuu náa televisión, ajmúú ga̱jma̱a̱ Internet ra̱májánʼ kayu, numuu rí ma̱ndoo maʼni gachúu rí nambáxulúʼ gajmiúlú Dios. Nindxu̱u̱ xóo bi̱ ra̱májánʼ mambaxáʼ ga̱jma̱ʼ numuu rí maʼni makumulúʼ kuʼyáá numbaaʼ ndrígóo Satanás ki xóo rí makumulúʼ kuʼyáá Jeobá ga̱jma̱a̱ rí nakudaminaʼ maʼni. Ikha jngó gíʼmaa rí muguaʼdáá tsu̱ma̱ wéñuʼ. Nimbá miʼtsu xúʼyáá, xuraxnuu nimbá rí maʼniuluʼ muʼni dí ra̱májánʼ dí rígá náa numbaaʼ rígi̱ (Tito 2:12).

10. Ndiéjunʼ gagiʼnuu películas, i̱yi̱i̱ʼ, ajmúú ga̱jma̱a̱ Internet dí ra̱májánʼ rá.

10 Nacha̱ má, numbaaʼ ndrígóo Satanás mambáa ga̱jma̱a̱ ní xárígá películas, libros, i̱yi̱i̱ʼ ní má Internet dí ra̱májánʼ. Náa Biblia naʼthí rí numbaaʼ rígi̱ maguma gámbáa, mu bi̱ nuni rí nandoo Dios makuwá kámuu mbiʼi (1 Juan 2:17). Náa libro ndrígóo Salmos ma̱ngaa naʼthí rí xa̱bu̱ ra̱míjínʼ mambíin, mú xa̱bu̱ míjínʼ makuwá kámuu mbiʼi náa tsu̱du̱u̱ Ku̱ba̱ʼ náa marigá rí tsímáá (Sal. 37:9, 11, 29).

11. Xú káʼnii embáyuluʼ Jeobá mu manindxu̱lúʼ xa̱bu̱ jmbii náa ikhaa rá.

11 Índo̱ Jesús niʼtájkáan, niʼthí rí á mu nandulúʼ makuwáanʼ kámuu mbiʼi, ndayóoʼ muniʼnííʼ májánʼ Jeobá ga̱jma̱a̱ A̱ʼdióo (Juan 17:3). Mínaʼ má Dios nambáyulúʼ mu muniʼnííʼ ga̱jma̱a̱ manindxu̱lúʼ jmbi náa ikhaa. Xú káʼnii rá. Ga̱jma̱a̱ numuu xuajñu. Xuajñu Dios tséʼni xóo eʼni numbaaʼ rígi̱, ikhaa naʼni i̱yi̱i̱ʼ, videos, ga̱jma̱a̱ ináa ndrígóo Internet rí naʼsngúlúʼ ndiéjunʼ gíʼmaa muʼni mu makuwáanʼ kámuu mbiʼi. Ma̱ngaa xuajñu Jeobá naʼsngúlúʼ náa reunión rí kuaʼdáálu náa itháan rí 110,000 congregaciones náa xúgíʼ numbaaʼ. Rí ejmañuluʼ náa reunión ga̱jma̱a̱ náa asambleas nambáyulúʼ makumulúʼ kuʼyáá itháan Jeobá ma̱ngaa rí nakudaminaʼ maʼni nda̱wa̱á (Heb. 10:24, 25).

GÍʼMAA MBUʼYÁA I̱NDÓ XA̱BU̱ BI̱ “NACUMU CAʼYO DIOS”

12. Ndiéjunʼ eyoo gáʼthúu̱n rí mbi̱ya̱a̱ bi̱ “nacumu caʼyo Dios” rá.

12 Á mu nandulúʼ muniʼgúnʼ o munujúnʼ, ndayóoʼ muñeumíjna̱ wéñuʼ. Náa Biblia naʼthúlúʼ dí ragíʼmaa majngruigulú gajmiúlú mbáa xa̱bu̱ bi̱ tséʼni ñajunʼ Jeobá, numuu rí ni̱ndxu̱lú mixtiʼkuáanʼ wéñuʼ xóo rí nambiʼi ga̱jma̱a̱ rí mikína (2 Cor. 6:14). Náa Biblia ma̱ngaa naʼthí rí gíʼmaa mbuʼyáa bi̱ “nacumu caʼyo Dios” (1 Cor. 7:39). Rígi̱ nandoo gáʼthúu̱n rí i̱ndó gíʼmaa mbuʼyáa mbáa bi̱ naʼtáraʼa numuu Jeobá bi̱ nijngún má iyááʼ bi̱ ndaʼyámajkhuu xtángoo Dios. Á mu nduʼyáa mbáa bi̱ nandoo kaʼyoo Jeobá, xa̱bu̱ buʼko̱ mambáyulúʼ mu manindxu̱lúʼ jmbii náa Dios.

13. Ndiéjunʼ niʼtañajúnʼ Jeobá muni israelitas rá.

13 Jeobá ndaʼyoo ndiéjunʼ gambáyuluʼ itháan. Ga̱jma̱a̱ naʼthúún má xúʼko̱ xa̱bi̱i̱ rí i̱ndó gíʼmaa munigu̱nʼ gajmiún xa̱bu̱ bi̱ nuni ñajunʼ ikhaa. Mbá xkri̱da, Jeobá niʼtañajúnʼ israelitas rí maxúdiin xa̱bu̱ bi̱ nduyamajkhún eʼwíínʼ dios. Náa numuu rá. Numuu rí xa̱bu̱ buʼko̱ muni rí israelitas mbuyamajkhún  eʼwíínʼ Dios. Ma̱ngaa Jeobá niʼthún rí á mu tsénimbu̱ún, makiʼnáa wéñuʼ kaʼñúún ga̱jma̱a̱ maʼni gámbíin (Deut. 7:3, 4).

14, 15. Ndiéjunʼ nigíʼnuu Salomón rí táʼnimbo̱o̱ náa Jeobá rá.

14 Índo̱ Salomón ninindxu̱u̱ rey náa Israel, nindo̱ʼo̱o̱ Jeobá rí mambáyúu mu mani̱ndxu̱u̱ mbáa xa̱bu̱ bi̱ ndaʼyoo wéñuʼ. Jeobá niriʼña̱a̱ rí niʼtájkáan ga̱jma̱a̱ Salomón nijmaʼniiʼ wéñuʼ numuu rí ninindxu̱u̱ mbáa rey bi̱ ndaʼyoo wéñuʼ ga̱jma̱a̱ xuajñu nigiʼdoo wéñuʼ. Náa Biblia naʼthí rí asndu mbáa reina bi̱ na̱ʼkha̱ imbo̱o̱ xuajin ni̱ʼkha̱ gáʼyoo numuu rí nitháán dí ra̱ʼkhá tháán eʼyoo ga̱jma̱a̱ gíʼdoo wéñuʼ. Ga̱jma̱a̱ índo̱ nininiʼ niʼniuu tsiánguá (1 Rey. 10:7). Maski ajndu xúʼko̱, Salomón nda̱wa̱á, rígá dí niʼni rí naʼsngúlúʼ ndiéjunʼ gúgiʼnii á mu tséʼnimbulú ga̱jma̱a̱ á mu nduʼyáa mbáa bi̱ na̱nguá eʼni ñajunʼ Jeobá (Ecl. 4:13).

15 Maski ajndu Jeobá nixnúu Salomón mbaʼa rí májánʼ, ikhaa taʼnimbo̱o̱ ga̱jma̱a̱ ninigúnʼ gajmíi̱n ‹mbaʼin gu̱ʼu̱ bi̱ naguwáʼ i̱mba̱ níʼkhá›. ¡Ni̱jkha̱nú nigiʼdiin mbá 1,000 gu̱ʼu̱! Ga̱jma̱a̱ ndiéjunʼ nigíʼnuu Salomón numuu rí táʼnimbo̱o̱ náa Jeobá xá. Rí índo̱ nikhi̱i̱, niniñuʼ raʼni ñajunʼ Jeobá numún gu̱ʼu̱ buʼko̱ (1 Rey. 11:1-6). Á mu rígi̱ nigíʼnuu mbáa xa̱bu̱ ndaʼyoo xóo Salomón, ma̱ndoo maguaʼnii mangáanʼ. Ikha jngó ragíʼmaa mundxaʼwamíjna̱ mbuʼyáa mbáa bi̱ tsíyoo kaʼyoo Jeobá.

16. Ndiéjunʼ gíʼmaa maʼni mbáa xa̱bi̱i̱ Jeobá á mu xtáa ga̱jma̱a̱ mbáa bi̱ na̱nguá eʼni ñajunʼ Jeobá rá.

16 Á mu mbáa nanindxu̱u̱ xa̱bi̱i̱ Jeobá mu xtáa má ga̱jma̱a̱ mbáa bi̱ tséʼni ñajunʼ Jeobá rá. Náa Biblia naʼthúún gu̱ʼu̱ bi̱ ninuju̱nʼ: “Gunimbánii rí ethi ajmbiala, mú xúʼko̱ gáʼni rí á mu tikuin na̱nguá enimbu̱ún ajngáa, maguanu munimbu̱ún ga̱jma̱a̱ numuu rí  xóo kuwa runi guʼñún” (1 Ped. 3:1). Ndiéjunʼ eyoo gáʼthúu̱n rígi̱ rá. Á mu a̱ʼgu̱ naʼniminaʼ mani̱ndxu̱u̱ mbáa a̱ʼgu̱ májánʼ ga̱jma̱a̱ á mu naʼnimbánuu xtágabu rí na̱ʼkha̱ náa Biblia, mbáa ajmbio̱o̱ mbaʼyoo rí ikhaa nanindxu̱u̱ itháan májánʼ xa̱bu̱ mámbá mbiʼi ga̱jma̱a̱ asndu maʼndoo mani̱ndxu̱u̱ mbáa xa̱bi̱i̱ Jeobá. Rígi̱ niguaʼnin má mbaʼin xa̱bu̱. Ma̱ngaa a̱ngiu̱lú bi̱ ninigu̱nʼ gajmiún mbáa a̱ʼgu̱ bi̱ na̱nguá ni̱ndxu̱u̱ xa̱bi̱i̱ Jeobá, mangiin gíʼmaa munimbánii xtágabu ndrígóo 1 Pedro 3:1.

GAMBÁXULÚ GAJMIÚLÚ BI̱ NANDÚN KUYÁÁ JEOBÁ

17, 18. a) Ndiéjunʼ nimbáyúu Noé mu makríyaʼ náa Ruʼwambiiʼ rá. b) Ndiéjunʼ nimbáñun timbíi̱n cristianos mu makáwíin índo̱ niguma gámbáa Jerusalén rá.

17 Rí mambáxulúʼ gajmiúlú bi̱ nuni dí raʼkhí ma̱ndoo maʼni rí xúʼnimbulú kuʼyáá Jeobá. Mú rí mambáxulúʼ gajmiúlú bi̱ nuni rí májánʼ ma̱ndoo mumbayulúʼ muʼni rí jmbu. Gundxaʼwamíjna̱ náa xkridoo Noé. Nákha nixtáa ikhaa, náa Ku̱ba̱ʼ kajtíin xa̱bu̱ bi̱ i̱ndó nundxaʼwamíjná muni dí ra̱májánʼ xúgíʼ mbiʼi (Gén. 6:5). Xa̱bu̱ ninindxu̱ún ra̱míjínʼ wéñuʼ rí Jeobá niʼthí maʼni gámbíin xúgínʼ. Mú náa Biblia naʼthí rí Noé ninindxu̱u̱ mbáa xa̱bu̱ jmbii ga̱jma̱a̱ niʼnimbo̱o̱ má xúʼko̱ náa Jeobá (Gén. 6:7-9). Ndiéjunʼ nimbáyúu mu mani̱ndxu̱u̱ jmbii xá.

18 Noé tambáxu̱u̱ nimbá miʼtsú gajmíi̱n bi̱ tsíñún kuyáá Jeobá. Rí phú niʼni, nimbáxu̱u̱ májánʼ ga̱jma̱a̱ a̱ʼgiu̱u̱, e̱ji̱i̱n ga̱jma̱a̱ gu̱jkui̱nʼ, ga̱jma̱a̱ xúgínʼ nigími̱jna̱ muni arca ma̱ngaa rí mutaraʼa (2 Ped. 2:5). Rígi̱ nimbáñun mu makáwíin náa Ruʼwambiiʼ. Rí mbiʼi xúgi̱, xúgiáanʼ naguwáʼlu náa Noé ga̱jma̱a̱ bi̱ nikuwa náa goʼwóo. Ikha jngó gíʼmaa muxnáa núma̱aʼ numuu rí ikhiin ninimbu̱ún ma̱ngaa rí ikhiin támbaxu̱u̱n gajmiún xa̱bu̱ bi̱ nini dí raʼkhí. Xúʼko̱ má timbíi̱n cristianos ninimbu̱ún ga̱jma̱a̱ támbaxu̱u̱n gajmiún bi̱ taʼndun kuyáá Jeobá. Rígi̱ nimbáñun mu makáwíin índo̱ niguma gámbáa Jerusalén nákha tsiguʼ 70 (Luc. 21:20-22).

Á mu nambáxulúʼ gajmiúlú bi̱ nandún kuyáá Jeobá, ma̱ndoo mundxaʼwamíjna̱ xú káʼnii nagui̱i̱ gakuwáanʼ náa Ku̱ba̱ʼ mitsaan (Atayáá kutriga̱ 19)

19. Ndiéjunʼ gíʼmaa muʼni á mu nandulúʼ manindxu̱lúʼ má xúʼko̱ jmbii náa Jeobá rá.

19 Á mu nandulúʼ manindxu̱lúʼ jmbi má xúʼko̱ náa Jeobá náa iwáá mbiʼi rígi̱, ndiéjunʼ gíʼmaa muʼni rá. (1 Cor. 16:13; Prov. 13:20.) Gíʼmaa mbuʼyaridáá rí niʼni Noé, bi̱ nikuwa náa goʼwóo ga̱jma̱a̱ timbíi̱n cristianos. Xambáxulú nimbá miʼtsú gajmiúlú xa̱bu̱ bi̱ tsíñún kuyáá Jeobá. Garmáʼáan a̱jkiu̱lú rí kuaʼdiin mbaʼin wéñuʼ a̱ngiu̱lú bi̱ ni̱ndxu̱ún jmbiin bi̱ ma̱ndoo mambáxulúʼ gajmiúlú. Ikhiin ma̱ndoo mumbayulúʼ manindxu̱lúʼ jmbii ga̱jma̱a̱ mu makáwáanʼ índo̱ gámbá numbaaʼ rígi̱ ma̱ngaa rí makuwáanʼ náa Ku̱ba̱ʼ mitsaan. Ikha jngó, guraʼwíin májánʼ wéñuʼ bi̱ mambáxulúʼ gajmiúlú náa iwáá mbiʼi rí kuwáanʼ.

^ párr. 4 1 Juan 2:15, 16: “Xáʼndala kuya̱a̱ numbaaʼ ni má [dí rígá] náa numbaaʼ. Á mu mbáa nandoo kaʼyoo numbaaʼ, Anu̱lú xándoo kaʼyoo; numuu rí xúgíʼ dí rígá náa numbaaʼ —rí nagua̱ʼa̱ xuyulúʼ, rí nagua̱ʼa̱ idulú ga̱jma̱a̱ ma̱ngaa rí nanigulúʼ muʼni mbaʼumíjna̱ ga̱jma̱a̱ rí kuaʼdáá— tséʼkha̱ náa Anu̱lú, na̱ʼkha̱ náa numbaaʼ”.