Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Julio tsiguʼ 2015

Guʼni̱i̱ itháan mitsaan paraíso rí na̱ʼkha̱ náa Dios

Guʼni̱i̱ itháan mitsaan paraíso rí na̱ʼkha̱ náa Dios

“Ma̱ni̱ mba̱a̱ náa naʼgíʼ rajkúʼ.” (ISAÍAS 60:13)

AJMÚÚ 102 GA̱JMA̱A̱ 75

1, 2. Ndíjkha rí najmaa ajngáa ixi̱ náa natámáʼ rajkúu ga̱jma̱a̱ escabel náa Escrituras Hebreas rá.

MBÁ escabel nindxu̱u̱ mbá ixi̱ rí nutsi̱ji̱ náa inuu xílí mu muta̱ma̱ʼ rajkúún. Náa Isaías 66:1, Jeobá niʼthí rí mekhu nindxu̱u̱ xóo trono ndrígóo ga̱jma̱a̱ Ku̱ba̱ʼ nindxu̱u̱ xóo escabel. Ga̱jma̱a̱ náa Isaías 60:13 niʼthí: “Ma̱ni̱ mba̱a̱ náa naʼgíʼ rajkúʼ”. Xú káʼnii eʼni mba̱a̱ Jeobá o naʼni̱i̱ mitsaan náa nagíʼ rajkúu xá. Ga̱jma̱a̱, ndiéjunʼ eyoo gáʼthúu̱n rígi̱ bi̱ kuwáanʼ náa tsu̱du̱u̱ Ku̱ba̱ʼ rá.

2 Náa Escrituras Hebreas, ajngáa ixi̱ náa natámáʼ rajkúu ga̱jma̱a̱ escabel ma̱ngaa najmaa mu muʼthá numuu templo rí nirígá náa Israel (1 Crón. 28:2; Sal. 132:7). Templo rúʼko̱ ninindxu̱u̱ náa phú nduyamajkuíí Dios. Ikha jngó ninindxu̱u̱ mitsaan wéñuʼ náa Jeobá, numuu rí nijmaa mu mbuyamajkuíí asndu náa tsu̱du̱u̱ Ku̱ba̱ʼ ga̱jma̱a̱ muni mba̱a̱.

3. a) Ndiéjunʼ eniñulúʼ mbuʼyamajkuíí Dios rí mbiʼi xúgi̱ rá. b) Nguáná nigi̱ʼdu̱u̱ nirígá templo rí na̱ʼkha̱ náa Dios rá.

3 Ndiéjunʼ nindxu̱u̱ rí naniñulú mbuʼyamajkuíí Dios rí mbiʼi xúgi̱ rá. Na̱nguá nindxu̱u̱ mbá guʼwá, xóo mbá templo. Nindxu̱u̱ mbá rí ndaʼyámajkuu Jeobá itháan ki xóo mbá guʼwá, ga̱jma̱a̱ nuxnambiʼíxu “templo rí na̱ʼkha̱ náa Dios”. Ndiéjunʼ nindxu̱u̱ rígi̱ rá. Nindxu̱u̱ mbá awan rí Dios niríyaʼ mu xa̱bu̱ numbaaʼ ma̱ndoo mambaxúún gajmiún ga̱jma̱a̱  mbuyamajkuíí. Rígi̱ nindoo nirígá i̱ndó numuu rí Jesús nikháñu mu maʼtsiwáanʼ. Nguáná nigi̱ʼdu̱u̱ nirígá rígi̱ rá. Nákha tsiguʼ 29, índo̱ Jesús nijngúun iyááʼ ga̱jma̱a̱ nigi̱ʼi̱ xóo bi̱ kayá edxu̱u̱ náa ndxajkun náa templo rí na̱ʼkha̱ náa Jeobá (Heb. 9:11, 12).

4, 5. a) Xó má eʼthí Salmo 99, ndiéjunʼ gíʼmaa muni xa̱bi̱i̱ Jeobá rá. b) Ndiéjunʼ rí gíʼmaa muraximíjna̱ rá.

4 Nuxnáa wéñuʼ núma̱aʼ Jeobá numuu rí niʼni mbá náa ma̱ndoo mbuʼyamajkuíí. Xú káʼnii esngajmá rá. Índo̱ nuʼthúún xa̱bu̱ rí mbiʼyuu Dios nindxu̱u̱ Jeobá ga̱jma̱a̱ rí ikhaa nikuʼmaa Jesús mu makhañúu ga̱jma̱a̱ numulúʼ. Nadxulú wéñuʼ rí itháan rí migiñuʼ millón Testigos nduyamajkuíí Jeobá xúgíʼ mbiʼi. Mbaʼin xa̱bu̱ nakumu̱ún rí índo̱ gakhañun magúun mekhuíí ga̱jma̱a̱ ikhú muni mba̱a̱ Dios. Mú ikháanʼ nduʼyáá dí ragájkhun rúʼko̱. Nduʼyáá rí xúgi̱ ma̱ndoo muʼni mba̱a̱.

5 Índo̱ nuʼni mba̱a̱ Jeobá, kuwáanʼ ruʼyaridúún xa̱bi̱i̱ bi̱ niguájun jmbu nákha wajyúúʼ (atraxnuu Salmo 99:3, 5-7). * Mbaʼin rí ikhiin, xóo Moisés, Aarón ga̱jma̱a̱ Samuel niyambáá náa rí niʼni Dios mu mbuyamajkuíí. Rí mbiʼi xúgi̱ rígá a̱jma̱ grupo bi̱ nuni mba̱a̱ Jeobá mbá kambáxu̱u̱n. Timbíi̱n ni̱ndxu̱ún bi̱ kaxtaʼwíin bi̱ nuni ñajunʼ náa templo rí na̱ʼkha̱ náa Dios dí rígá náa tsu̱du̱u̱ Ku̱ba̱ʼ nákha xóó tségúun mekhuíí mu mani̱ndxu̱ún ndxajkun gajmiún Jesús. Ga̱jma̱a̱ bi̱ raga̱jma̱ grupo ni̱ndxu̱ún “iʼhuinʼ mugu” bi̱ mbaʼin wéñuʼ bi̱ numbañún bi̱ kaxtaʼwíin (Juan 10:16). Mú mámbáa rí ikháanʼ gíʼmaa maraximínáʼ: “Lá xtáá rañajunʼ náa awan rí niʼni Dios mu mbuʼyamajkuíí ráʼ.”

TSÍIN ENI ÑAJUNʼ NÁA TEMPLO RÍ NA̱ʼKHA̱ NÁA DIOS RÁ.

6, 7. a) Ndiéjunʼ nigi̱ʼdu̱u̱ nirígá nda̱wa̱á rí nigi̱ʼi̱ congregación cristiana rá. b) Ndiéjunʼ nirígá tsiguʼ 1919 rá.

6 Apóstol Pablo niʼthí rí tikhun xúnimbu̱ún náa religión gajkhun ga̱jma̱a̱ mugi̱ʼdi̱i̱ musngáa rí nduwaʼ náa congregación (Hech. 20:28-30; 2 Tes. 2:3, 4). Rígi̱ nigi̱ʼdu̱u̱ nimbánuu mbá 100 tsiguʼ nda̱wa̱á rí nigi̱ʼi̱ congregación cristiana. Ikhú niʼni mingíjyúuʼ mbuyáá tsíin phú ni̱ndxu̱ún xa̱bi̱i̱ Dios. Mú mba̱yu̱ʼ tsiguʼ nda̱wa̱á, Jeobá nijmiuu Jesús mu masngájma tsíin phú kuwa runi ñajunʼ náa templo rí na̱ʼkha̱ náa Dios.

7 Índo̱ niʼni tsiguʼ 1919 nikujmaa kaʼwu tsíin eni ñajunʼ Dios náa templo rí na̱ʼkha̱ náa ikhaa.  Ikhiin niriʼkhuíí rí nini mu mbuyamajkuíí Jeobá xó má eyoo ikhaa (Is. 4:2, 3; Mal. 3:1-4). Ikhú nigi̱ʼdu̱u̱ nimbánuu visión rí nigiʼdoo Pablo. Guʼyáá ndiéjunʼ ndiʼyoo.

8, 9. Ndiéjunʼ nindxu̱u̱ “paraíso” rí ndiʼyoo Pablo náa mbá visión rá.

8 Ga̱jma̱a̱ tsiakii ndrígóo Jeobá, niʼni rí Pablo mbaʼyoo mbá rí marigá nda̱wa̱á (atraxnuu 2 Corintios 12:1-4). * Pablo ndiʼyoo mbá rí nixná mbiʼyuu “paraíso”. Ndiéjunʼ nindxu̱u̱ paraíso rúʼko̱ rá. Mbáa nindxu̱u̱ ajtsú enii rí nandoo gáʼthúu̱n. Timbá, nindxu̱u̱ Ku̱ba̱ʼ mitsaan rí inuu marigá (Luc. 23:43). Raga̱jma̱, paraíso rí na̱ʼkha̱ náa Dios rí marigá náa numbaaʼ nuxi̱ʼ. Ragajtsú, “paraíso ndrígóo Dios”, nandoo gáʼthúu̱n rí mitsaan wéñuʼ dí rígá mekhuíí (Rev. 2:7).

9 Náa numuu rí Pablo niʼthí rí niʼdxuun mbaʼa rí xándoo maʼthí rá. Numuu dí raʼkháa mbi̱ʼi̱i̱ maʼthí xúgíʼ rí nagui̱i̱ rí ndiʼyoo. Mú rí mbiʼi xúgi̱, xa̱bi̱i̱ Jeobá ma̱ndoo muʼthúún xa̱bu̱ rí májánʼ, rí nundrígú náa xuajñu.

10. Lá ikháá má nindxu̱u̱ paraíso rí na̱ʼkha̱ náa Dios ga̱jma̱a̱ templo rí na̱ʼkha̱ náa Dios ráʼ.

10 Náa i̱yu̱lúʼ naʼthí má xúʼko̱ ga̱jma̱a̱ numuu paraíso rí na̱ʼkha̱ náa Dios. Mú, lá ikháá má nindxu̱u̱ paraíso rí na̱ʼkha̱ náa Dios ga̱jma̱a̱ templo rí na̱ʼkha̱ náa Dios ráʼ. Na̱nguá. Xó má ndiʼyáá, templo rí na̱ʼkha̱ náa Dios nindxu̱u̱ mbá awan rí niríyaʼ mu muʼni mba̱a̱. Mú, paraíso rí na̱ʼkha̱ náa Dios nindxu̱u̱ rí tsímáá ga̱jma̱a̱ rí makuwá kambáxu̱u̱n rí Jeobá naxnúu xuajñu. Paraíso rígi̱ naniñuʼ mbuʼyáá kaʼwu tsíin eni ñajunʼ náa templo rí na̱ʼkha̱ náa Dios (Mal. 3:18).

11. Xú káʼnii nindxu̱u̱ ñajunʼ rí kuaʼdáá mbiʼi xúgi̱ rá.

11 Ra̱ʼkhá tháán gagi kuwáanʼ índo̱ nduʼyáá rí asndu nákha tsiguʼ 1919 Jeobá naniñuʼ rí xa̱bu̱ numbaaʼ bi̱ guáʼdáá aʼkhá muñewa̱a̱n paraíso rí na̱ʼkha̱ náa ikhaa ga̱jma̱a̱ muni mbaja̱a̱ ma̱ngaa mani̱ndxu̱u̱ gujkhuʼ. Lá natiambáá ikháánʼ maguma rígi̱ ráʼ. Lá natayamajkuíí rí matiejunʼ ga̱jma̱ʼ Jeobá mu maguma mba̱a̱ náa tsu̱du̱u̱ Ku̱ba̱ʼ ráʼ.

JEOBÁ NAʼNI̱I̱ MITSAAN XUAJÑU

12. Xú káʼnii eʼyáá rí xtáa rambánuu rí naʼthí náa Isaías 60:17 rá. (Atayáá timbá xtiʼkhu.)

12 Xó má ejkha̱ ranújngoo tsiguʼ narígá rí naxtiʼkhuu náa xuajñu Dios dí rígá náa tsu̱du̱u̱ Ku̱ba̱ʼ. Ga̱jma̱a̱ rúʼko̱ rí phú niʼtáriyaʼ gaʼyee Isaías (atraxnuu Isaías 60:17). * Bi̱ nutaraʼa numuu Jeobá bi̱ ni̱ndxu̱ún xóó jiáma ga̱jma̱a̱ bi̱ nuxunʼ, mbáa i̱ndó nduyáá rí nixtiʼkhuu numuu rí xtáa tsáa niʼthún o numuu rí niraxnuu náa i̱yu̱lúʼ. Mú kuwa a̱ngiu̱lú bi̱ najmañún itháan bi̱ ndiyáá xú káʼnii ni̱jkha̱ raxtiʼkhuu. Ikhiin nduyáá gajkhun rí Dios xtáa rajmiuu Jesús mu maxná ikha náa xuajñu. Á mu nuʼdxawíín rí nutulú a̱ngiu̱lú bugi̱ bi̱ ni̱ndxu̱ún jmbiin, makumulúʼ kuʼyáá itháan Jeobá.

13. Xó má eʼthí náa Salmo 48:12-14, ndiéjunʼ gíʼmaa muʼni rá.

13 Xúgiáanʼ gíʼmáanʼ muʼthúún eʼwíínʼ ga̱jma̱a̱ numuu xuajñu Jeobá. Náa numbaaʼ rígi̱ rí mixkawiʼ wéñuʼ nindxu̱u̱ mbá milagro rí mbaʼin a̱ngiu̱lú bi̱ kuwa náa xúgíʼ numbaaʼ makuwáanʼ náa paraíso rí na̱ʼkha̱ náa Dios, náa nakuwáanʼ tsímáá ga̱jma̱a̱ mbá kambáxulú. Ikha jngó gíʼmáanʼ muʼthúún ga̱jma̱a̱ numuu reino ndrígóo Dios ma̱ngaa numuu paraíso rí na̱ʼkha̱ náa Dios “bi̱ gákuwá nda̱wa̱á”, nandoo gáʼthúu̱n, bi̱ ni̱ndxu̱ún itháan jiáma ga̱jma̱a̱ bi̱ nuxu̱nʼ (atraxnuu Salmo 48:12-14). *

14, 15. a) Ndiéjunʼ nixtiʼkhuu nákha tsiguʼ 1970 rá. b) Náa numuu rí májánʼ ninindxu̱u̱ rígi̱ rá.

 14 Mbaʼin xa̱bi̱i̱ Jeobá bi̱ najmañún itháan ndiyáá tikhuu rí nixtiʼkhuu rí niʼni̱i̱ mitsaan xuajñu Dios náa tsu̱du̱u̱ Ku̱ba̱ʼ. Mbá xkri̱da, naʼni mba̱yu̱ʼ tsiguʼ, mámbá congregación gíʼdaa mbáa siervo ndrígóo congregación, mámbá sucursal gíʼdaa mbáa siervo ndrígóo sucursal ga̱jma̱a̱ náa guʼwá rí naxná ikha kayá edxu̱u̱ presidente ndrígóo Sociedad Watch Tower. Maski ajndu mámbáa ndxájulú bugi̱ niguáʼdiin bi̱ nimbañúún bi̱ ninindxu̱ún jmbiin, mbáwíi bi̱ phú naxná ikha náa mámbá congregación, náa mámbá sucursal ga̱jma̱a̱ náa mámbá guʼwá rí naxná ikha. Nda̱wa̱á rí ninújngoo tsiguʼ 1970 nirígá rí nixtiʼkhuu mu ikhú bi̱ muxna ikha mani̱ndxu̱ún mbá grupo bi̱ kuya̱ edxu̱u̱. Rí mbiʼi xúgi̱, náa mámbá congregación kuwa bi̱ kuya̱ edxu̱u̱, náa mámbá sucursal kuwa Comité ga̱jma̱a̱ bi̱ nutaraʼa numuu Jeobá nutañajúnʼ mbá nguéjmi̱i̱n bi̱ kuya̱ edxu̱u̱ bi̱ kaxtaʼwíin bi̱ nuxna mbiʼñúnxu Cuerpo Gobernante.

15 Rí nixtiʼkhuu rígi̱ niyambáá wéñuʼ náa xuajñu Dios. Náa numuu rá. Numuu rí xúgi̱ nakru̱ʼu̱lú itháan májánʼ rí naʼthí náa Biblia. Nayambáá náa xuajñu Dios numuu rí tséxna ikha mbáwíi xa̱bu̱. Rí xúgi̱ xúgínʼ bi̱ kuya̱ edxu̱u̱ bi̱ Jeobá nimínáanʼlu, ma̱ndoo muyambáá wéñuʼ ga̱jma̱a̱ rí xú ni̱ndxu̱ún (Prov. 24:6; Efes. 4:8).

Jeobá xtáa raxnúún rí nda̱ñúnʼ xúgínʼ xa̱bu̱ numbaaʼ (Atayáá kutriga̱ 16 ga̱jma̱a̱ 17)

16, 17. Náa xúgíʼ rí nixtiʼkhuu tsiguʼ rí nijngoo, náa biʼyaa rí itháan nanigua̱ʼ ga̱jma̱a̱ náa numuu rá.

16 Guʼtá ga̱jma̱a̱ tikhuu rí niriʼkhuíílu tsiguʼ rí ninújngoo. Mbá xkri̱da, rí mbiʼi xúgi̱ i̱yi̱i̱ʼ ndrígúlú nindxu̱u̱ mitsaan wéñuʼ ga̱jma̱a̱ naʼthí xkujndu dí rígá mbiʼi xúgi̱. Ma̱ngaa najmulú tecnología mu muʼtáraʼa. Náa ináa jw.org, mbaʼin xa̱bu̱ nambáñun wéñuʼ. Xúgíʼ rígi̱ nasngájma rí Jeobá nandoo kaʼñúún wéñuʼ xa̱bu̱ ga̱jma̱a̱ naxmiéjunʼ kaʼñúún.

17 Ma̱ngaa nduʼyamajkuíí rí nixtiʼkhuu náa  reunión mu muguaʼdáá itháan mbiʼi mu muʼnigajmaa ndajkuáanʼ o náa mbá guʼwáanʼ. Ma̱ngaa nuxnáa núma̱aʼ ga̱jma̱a̱ numuu awan rí nixtiʼkhuu náa asamblea. ¡Mámbá tsiguʼ nindxu̱u̱ itháan májánʼ! Ma̱ngaa nuxnáa núma̱aʼ ga̱jma̱a̱ numuu xúgíʼ náa najuiʼsngáa ga̱jma̱a̱ numuu Biblia. Xúgíʼ rí naxtiʼkhuu rígi̱ nasngájma rí Jeobá exná ikha náa xuajñu ga̱jma̱a̱ rí naʼni̱i̱ itháan mitsaan náa paraíso rí na̱ʼkha̱ náa ikhaa.

XÚ KÁʼNII GÚʼNI̱I̱ ITHÁAN MITSAAN PARAÍSO RÍ NA̱ʼKHA̱ NÁA DIOS RÁ.

18, 19. Xú káʼnii gándoo gúyambáá mu maʼni̱i̱ itháan mitsaan paraíso rí na̱ʼkha̱ náa Dios rá.

18 Jeobá naniñulú muyambáá mu muʼni̱i̱ mitsaan paraíso rí na̱ʼkha̱ náa Dios. Xú káʼnii gándoo muʼni rá. Ma̱ndoo muʼtáraʼa ga̱jma̱a̱ muʼsngáa rí naʼthí náa Biblia ga̱jma̱a̱ gagi. Mámbá rí numbayíí mbáa mu mani̱ndxu̱u̱ xa̱bi̱i̱ Jeobá, nuʼni rí maʼni itháan mba̱a̱ paraíso rí na̱ʼkha̱ náa Dios (Is. 26:15; 54:2).

19 Imbo̱o̱ rí ma̱ndoo muʼni mu maʼni̱i̱ itháan mitsaan paraíso rí na̱ʼkha̱ náa Dios rí muʼni mbá tsiakii mu manindxu̱lúʼ itháan májáánʼ cristianos. Xúʼko̱ nuʼni rí paraíso rí na̱ʼkha̱ náa Dios maʼni itháan nagui̱i̱ náa inún iʼwíínʼ. Mú, ndiéjunʼ eʼni rí xa̱bu̱ maʼndún maguwáʼ náa xuajñu Jeobá ga̱jma̱a̱ rí maʼndún majmañún itháan numuu ikhaa ma̱ngaa numuu Jesús rá. Nguáná raʼkháa má numuu ku̱ma̱ rí kuaʼdáá, numuu rí nuʼni rí májánʼ.

Ikháánʼ ma̱ndoo matiambáá mu maʼni̱i̱ itháan mba̱a̱ paraíso rí na̱ʼkha̱ náa Dios (Atayáá kutriga̱ 18 ga̱jma̱a̱ 19)

20. Xó má eʼthí náa Proverbios 14:35, ndiéjunʼ gíʼmaa muʼni rá.

20 Jeobá ga̱jma̱a̱ Jesús nadxún wéñuʼ índo̱ nduyáá paraíso rí nagui̱i̱ wéñuʼ rí na̱ʼkha̱ náa Dios. Ga̱jma̱a̱ ikháanʼ nadxulú índo̱ nuyambáá mu maʼni̱i̱ mitsaan. Mú maʼdxulú itháan índo̱ muʼni̱i̱ mitsaan Ku̱ba̱ʼ. Proverbios 14:35 naʼthí rí mbáa rey nadxuu índo̱ mbáa xa̱bi̱i̱ ndaʼyoo wéñuʼ. Ikha jngó, ganindxu̱lú xa̱bu̱ ndaʼyoo ga̱jma̱a̱ guʼni mbá tsiakii mu muʼni̱i̱ mitsaan paraíso rí na̱ʼkha̱ náa Dios.

[Mbaʼa nota]

^ párr. 5 Salmo 99:3, 5-7: “Atatsíñunʼ rí muni mba̱a̱ mbiʼyaaʼ numuu rí mbiʼyaaʼ nindxu̱u̱ mikaʼwu wéñuʼ ga̱jma̱a̱ naʼni gamíi. Gu̱ʼni̱ mba̱a̱ Jeobá Dios ndrígúlú, gusmbati̱gu̱lú náa escabel náa trámáʼ rajkúu; ikhaa nindxu̱u̱ mikaʼwii wéñuʼ. Moisés ga̱jma̱a̱ Aarón nikuwa náa majñúnʼ ndxajkun ndrígu̱ún, ga̱jma̱a̱ Samuel nixtáa náa majñúnʼ bi̱ nigríga̱a̱ mbiʼyuu. Ninda̱ʼa̱a̱ má xúʼko̱ Jeobá, ga̱jma̱a̱ ikhaa má niriʼñún. Niʼthún má xúʼko̱ náa columna ndrígóo du̱u̱n. Ikhiin niyexi̱i̱ rí niʼthún ga̱jma̱a̱ xtángoo rí ikhaa nixnúún”.

^ párr. 8 2 Corintios 12:1-4: “Gúʼdoo rí manimbamínaʼ. Xáyambáá; mú mata visiones ga̱jma̱a̱ rí nisngájmuʼ mba̱yo̱o̱ Señor rí tsekujmaa kayuʼ. Naniʼníiʼ mbáa xa̱biya̱ bi̱ ñajunʼ náa Cristo, bi̱ niʼni nákha gu̱wa̱ʼ i̱jkhu̱ tsiguʼ, á mu ga̱jma̱a̱ xuyuʼ o wájíʼ náa xuyuʼ, na̱nguá e̱yo̱o̱; i̱ndó Dios ndaʼyoo, bi̱ ni̱jkha̱ kiʼyáa náa ragajtsú mekhu. Xúʼko̱, naniʼníiʼ xa̱biya̱ buʼko̱, á mu ga̱jma̱a̱ xuyuʼ o wájíʼ náa xuyuʼ, na̱nguá e̱yo̱o̱, i̱ndó Dios ndaʼyoo, bi̱ ni̱jkha̱ kiʼyáa náa paraíso ga̱jma̱a̱ niʼdxuun ajngáa dí rakáʼyoo xa̱biya̱ maʼthí”.

^ párr. 12 Isaías 60:17: “Ma̱ʼkhá ka̱yo̱ʼ oro ki xóo cobre, ma̱ʼkhá ka̱yo̱ʼ plata ki xóo hierro, ma̱ʼkhá ka̱yo̱ʼ cobre ki xóo xajpa, ma̱ʼkhá ka̱yo̱ʼ hierro ki xóo itsí; ga̱jma̱a̱ mani dí marigá rí tsímáá xó má superintendes ndrígáʼ, ga̱jma̱a̱ rí jmbu xóo bi̱ nutha̱nʼ rí matani”.

^ párr. 13 Salmo 48:12-14: “Guʼgua̱ mbájndi náa kúbá ndrígóo Sión, ga̱jma̱a̱ guʼgua̱ mbájndi náa kúbá, guraxnuu torres ndrígóo. A̱jkia̱nʼ ganigu̱ʼ xtátsí. Atayáá májánʼ wéñuʼ torres rí niguma, mu ma̱ndoo muthu̱u̱n bi̱ gákuwá nda̱wa̱á. Numuu rí Dios bugi̱ nindxu̱u̱ Dios ndrígúlú xúgíʼ mbiʼi, asndu kámuu mbiʼi. Mínaʼ má ikhaa gáxnulú ikha asndu índo̱ gakháñulú”.