Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Marzo tsiguʼ 2015

 RÍ KAYÁ EDXU̱U̱ NÁA INUU I̱YI̱I̱ʼ | JESÚS NAʼNI KÁWÁANʼ

Ndíjkha rí ndayóoʼ maguma káwáanʼ rá.

Ndíjkha rí ndayóoʼ maguma káwáanʼ rá.

“Xa̱biya̱, naxtáa náa a̱ʼgu̱, tséxtáa mba̱yu̱ʼ ga̱jma̱a̱ nagiʼdoo wéñuʼ xkujndu. Ikhaa nagájnuu xóo mbá ri̱ʼi̱ ga̱jma̱a̱ nda̱wa̱á nujndoʼ, nagáyúu xóo mbá ndájkua̱ ga̱jma̱a̱ nandáti̱ga̱.” (Job 14:1, 2.)

Asndu nákha wajyúúʼ, xa̱bu̱ numbaaʼ nandún rí xánindxu̱ún xa̱bu̱ wanii rí makuwá kámuu mbiʼi. Mú raʼkháa xúʼko̱ nindxu̱u̱, xúgiáanʼ nakháñulú. Ajngáa rí najuiʼthá tsu̱di̱i̱ niʼthí Job naʼni itháan rí ajtsú míí tsiguʼ ga̱jma̱a̱ gajkhun nindxu̱u̱ rí nijuiʼthá nákha ikhú asndu rí mbiʼi xúgi̱.

Xúgiáanʼ ra̱ʼkhá tháán eyulú makuwáanʼ má xúʼko̱ asndu tsíyulú rí makhañúlúʼ. Náa Biblia naʼthúlúʼ rí Dios má nigíwanʼ náa a̱jkiu̱lú rí maʼndulú makuwáanʼ kámuu mbiʼi, ga̱jma̱a̱ rí makru̱ʼu̱lú dí eyoo gáʼthúu̱n kámuu mbiʼi (Eclesiastés 3:11). Lá mani̱ndxu̱u̱ májánʼ rí mbáa Dios bi̱ nandoo kaʼyulúʼ magíwanʼ náa a̱jkiu̱lú rí makuwáanʼ kámuu mbiʼi, mu xáʼga̱nú marigá ráʼ. Á mu naratá rí na̱nguá, májánʼ nitriʼña̱a̱. Náa Ajngá rawunʼ Dios naʼthí rí nakháñulú nindxu̱u̱ xóo mbáa xa̱bu̱ bi̱ gíʼdáanʼ sia̱nʼ ga̱jma̱a̱ naʼthí rí mandáti̱ga̱a̱ “mbá kayuʼ” (1 Corintios 15:26).

Gajkhun má nindxu̱u̱ rí nakháñulú nindxu̱u̱ xóo mbáa bi̱ gíʼdáanʼ sia̱nʼ. Nimbáa xa̱bu̱ bi̱ nandxa̱ʼwáminaʼ májánʼ nandoo makhañúu. Rí nuʼni, índo̱ nduʼyáá rí migamíi makhañúlúʼ nduʼyáaʼ náa mumbaʼyúmíjná. Ga̱jma̱a̱ índo̱ naʼniulú nandii, nduyáaʼ thana. Asndu nuʼni gaʼduunʼ xúgíʼ rí naʼni makhañúlúʼ.

Lá gajkhun rí mambáa rí nakhañulúʼ dí rígá asndu nákha wajyúúʼ ráʼ. Xúʼko̱ mambáa. Jeobá bi̱ Niʼniáanʼ, táʼniáanʼ mu makuwáanʼ nguáthá mbiʼi. Ikhaa táʼndoo rí makhañúlúʼ asndu nákha ginii. Nindoo rí makuwáanʼ kámuu mbiʼi náa tsu̱du̱u̱ Ku̱ba̱ʼ, ga̱jma̱a̱ rí nakudaminaʼ maʼnimbánuu (Isaías 55:11).

Xú káʼnii gáʼni gámbáa Dios rí nakháñulú rá. Asndu nákha wajyúúʼ xa̱bu̱ nandoo maʼni gámbáa mu tséʼngo̱o̱ gáʼni. Xóó nugíiʼ nuni rí mbiʼi xúgi̱. Científicos nuni thana ga̱jma̱a̱ vacunas dí narikhoo tikhuu nandii. Kuwa runigajmaa xú káʼnii ni̱ndxu̱ún xa̱bu̱. Náa mbaʼa xuajen, xa̱bu̱ nakuwa itháan xúgi̱ ki xóo nákha 100 tsiguʼ. Mú xáʼngulúʼ gúʼni gámbáa rí nakháñulú. Xóo eʼthí náa Biblia, “xúgínʼ nagutangi̱i̱n náa yujndaʼ” (Eclesiastés 3:20).

Mú rígá ajngáa rí májánʼ muʼdxawíín: Ikháanʼ tseguaʼthi̱i̱n rí xa̱bu̱ numbaaʼ muni gámbáa xkujndu rígi̱. Jeobá niríyaʼ awan mu maʼni káwáanʼ náa rí nakháñulú, ga̱jma̱a̱ najmiuu Jesucristo mu maʼnimbánuu rígi̱.