Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Bi̱ Nayejngoo  |  Enero tsiguʼ 2015

Náa numuu rí nuʼniriyaʼ Ganitsuwañu Señor rá.

Náa numuu rí nuʼniriyaʼ Ganitsuwañu Señor rá.

“Uni rigui camba nutun muri maguihuanʼ aʼcunʼla jma numuʼ icun.” (1 CORINTIOS 11:24)

1, 2. Ndiéjunʼ niʼni Jesús mbruʼun 14 ñajunʼ gu̱nʼ nisán tsiguʼ 33 rí nirígá nda̱wa̱á rá. (Atayáá timbá xtiʼkhu.)

NIKÍNA má náa xuajin Jerusalén, mú gu̱nʼ nijndi naʼni mambiʼi náa xuajin. Nindxu̱u̱ 14 ñajunʼ gu̱nʼ nisán tsiguʼ 33. Jesús gajmíi̱n apóstoles niguámbu̱u̱n niniriyaʼ Pascua, rí naniʼkuma̱a̱ rí xú nigájnun israelitas náa xuajin Egipto nákha 1,500 tsiguʼ kidíiʼ. Rí xúgi̱ Jesús gajmíi̱n mbá 11 apóstoles jmbiin, nagíʼ mbá ganitsu kiejunʼ. Ga̱jma̱a̱ numuu ganitsu rígi̱ majmakuma̱a̱ rí xú makhañúu, dí marigá índo̱ gámbá mbiʼi (Mat. 26:1, 2). *

2 Nda̱wa̱á rí niʼtájkáan, Jesús nixnúún apóstoles pan dí ragíʼdoo levadura ga̱jma̱a̱ niʼthúún: “Gudrigula, apola”. Ikhú, kagujtun mbá copa náa ga̱jnu̱ʼ vino, ga̱jma̱a̱ naʼtájkáan mbu̱júu̱ ga̱jma̱a̱ naʼthúún: “Anhuanla mba xuguianʼla rigueʼ” (Mat. 26:26, 27). Na̱nguá nixnúún itháan ganitsu xa̱bi̱i̱ jmbiin, mú gíʼdoo mbaʼa rí maʼthúún wakhííʼ rúʼko̱.

3. Xú káʼnii nindxu̱u̱ graxe̱ rí maxtiʼña̱a̱ náa artículo rígi̱ rá.

3 Xúʼko̱ Jesús nigíʼ majmakuma̱a̱ xú nikháñu, ma̱ngaa nagumbiʼyuu ‹Ganitsuwañu Señor› o Conmemoración (1 Cor. 11:20). Rí xúgi̱, náa numuu  rí nuʼniriyaʼ rí nikháñu Jesús rá. Ndiéjunʼ eyoo gáʼthúu̱n pan ga̱jma̱a̱ vino rá. Xú káʼnii gándoo guʼniratamijná índo̱ garigá Conmemoración rá. Tsíin gíʼmaa mu̱phu̱ pan ga̱jma̱a̱ muwa̱a̱n vino rá. Ga̱jma̱a̱ ndiéjunʼ eku̱mún xa̱bi̱i̱ Jeobá ga̱jma̱a̱ dí guáʼthi̱i̱n mudrigú nda̱wa̱á rá.

NÁA NUMUU NUʼNIKUMA̱A̱ RÍ NIKHÁÑU JESÚS RÁ.

4. Ndiéjunʼ nikhánúu ga̱jma̱a̱ numuu rí nikháñu Jesús rá.

4 Xúgiáanʼ bi̱ niguwaʼ náa Adán nindrígulú aʼkhá ga̱jma̱a̱ rí nakháñulú (Rom. 5:12). Nimbáa xa̱bu̱ aʼkhá xándoo maʼni kríyaminaʼ ikháá o maʼni káwíin eʼwíínʼ náa aʼkhá. Nda̱a̱ nimbá rí maʼngo̱o̱ maʼni numa̱a̱ Dios (Sal. 49:6-9). Mú rí nikháñu, Jesús nixnáxi̱ náa Dios mbá rí ma̱ndoo magruigú mu maʼtsiwáanʼ: Xuyuʼ ga̱jma̱a̱ eʼdiuu dí ragíʼdoo aʼkhá. Nixnáximinaʼ ga̱jma̱a̱ numulu ga̱jma̱a̱ nixnáxi̱ náa Jeobá tsigijñaʼ rí gíʼdoo numuu. Ndiéjunʼ nikhánúu xá. Rí makáwáanʼ náa aʼkhá ga̱jma̱a̱ rí nakháñulú mu xúʼko̱ makuwáanʼ kámuu mbiʼi (Rom. 6:23; 1 Cor. 15:21, 22).

¡Nuxnáa núma̱aʼ wéñuʼ Jeobá ga̱jma̱a̱ Jesús rí nini ga̱jma̱a̱ numulúʼ!

5. a) Xú káʼnii eʼyáá rí Jeobá ga̱jma̱a̱ Jesús nandún kuyulúʼ rá. b) Náa numuu rí gíʼmaa makuwáanʼ náa Conmemoración rá.

5 Dios nisngájma rí nandoo kaʼyulúʼ numuu rí nixnáa A̱ʼdióo mu maʼtsiwáanʼ (Juan 3:16). Ma̱ngaa Jesús nisngájma rí nandoo kaʼyulúʼ índo̱ nixnáximinaʼ ga̱jma̱a̱ numulúʼ. Asndu nákha xóó tséʼkha̱ náa tsu̱du̱u̱ Ku̱ba̱ʼ, índo̱ ikhaa nindxu̱u̱ “mbáa bi̱ nañajunʼ májánʼ wéñuʼ” náa Dios, nandoo má kaʼñúún wéñuʼ xa̱bu̱ (Prov. 8:30, 31). Á mu gajkhun rí nuxnáa núma̱aʼ Jeobá ga̱jma̱a̱ Jesús rí nini ga̱jma̱a̱ numulúʼ, makuwáanʼ náa Conmemoración. Xúʼko̱ gúʼnimbulúʼ rí naʼtáñajunlú: “Uni rigui camba nutun muri maguihuanʼ aʼcunʼla jma numuʼ icun” (1 Cor. 11:23-25).

NDIÉJUNʼ EYOO GÁʼTHÚU̱N PAN GA̱JMA̱A̱ VINO RÁ.

6. Ndiéjunʼ nindxu̱u̱ pan ga̱jma̱a̱ vino rí najmaa náa Conmemoración rá.

6 Índo̱ Jesús nigíʼ majmakuma̱a̱ rí xú makhañúu, ikhaa tártaxi̱i̱ pan ga̱jma̱a̱ vino xóo xuyuʼ o eʼdiuu. Índo̱ ikhaa niʼthí, ‹rígi̱ nandoo gáʼthúu̱n xuyuʼ› ga̱jma̱a̱ ‹rígi̱ nandoo gáʼthúu̱n eʼdiuʼ rí nimbánuu›, “ri nagadiramu numu mbaʼin xabo”, nisngájma kaʼwu rí pan ga̱jma̱a̱ vino ninindxu̱u̱ mbá xkri̱da (Mar. 14:22-24).

7. Ndiéjunʼ eyoo gáʼthúu̱n pan rí najmaa náa Conmemoración rá.

7 Nákha mbruʼun ndrígóo tsiguʼ 33, Jesús nijmuu pan dí ragíʼdoo levadura rí nipídunʼ náa ganitsu ndrígóo Pascua (Éx. 12:8). Náa Biblia najmuu nguáná ajngáa levadura mu maʼthí ga̱jma̱a̱ numuu aʼkhá (Mat. 16:6, 11, 12; Luc. 12:1). Ikha jngó, pan dí ragíʼdoo levadura ninindxu̱u̱ mbá xkridoo mu maʼthí ga̱jma̱a̱ numuu xuyuʼ Jesús dí ragíʼdoo aʼkhá (Heb. 7:26). Pan rígi̱ rí najmaa náa Conmemoración.

8. Ndiéjunʼ eyoo gáʼthúu̱n vino rí najmaa náa Conmemoración rá.

8 Vino rí nijmuu Jesús nindoo gáʼthúu̱n eʼdiuu, o vida ndrígóo, xó má vino rí najmulú náa Conmemoración rí mbiʼi xúgi̱. Náa rawunʼ xuajin Jerusalén náa nigumbiʼyuu Gólgota, Jesús nixídíí eʼdiuu “numu ri ika ruʼkue maʼga jagu aʼkan” (Mat. 26:28; 27:33). Á mu nangaju̱lú rí nixnáximinaʼ, muʼniratamijná mámbá tsiguʼ mu makuwáanʼ náa mbiʼi kiejunʼ.

XÚ KÁʼNII GÁNDOO GUʼNIRATAMIJNÁ RÁ.

9. a) Xú káʼnii embáyuluʼ rí muraxnuu Biblia xó má awan ndrígóo Conmemoración rá. b) Ndiéjunʼ eku̱ma̱ʼ ikháánʼ ga̱jma̱a̱ numuu rí Jesús niʼtsiwáanʼ rá.

9 Á mu nuraxnuu Biblia xó ma nigájnuu awan ndrígóo Conmemoración rí nakujmaa náa calendario ga̱jma̱a̱ náa folleto Examinando las Escrituras  diariamente, ma̱ndoo mundxaʼwámi̱jna̱ rí niʼni Jesús nákha inuu makhañúu. Rúʼko̱ mambáyulúʼ muʼniratáá a̱jkiu̱lú. Mbáa ndxájulú a̱ʼgu̱ niʼnirámáʼ: “Naguaʼthi̱i̱nxu wéñuʼ Conmemoración. Mámbá tsiguʼ ndu̱ya̱a̱xu rí nindxu̱u̱ itháan kiejunʼ. Xóó gíwanʼ a̱jkiu̱nʼ mbiʼi rí nixtáá náa funeraria índo̱ ndi̱yo̱o̱ rí anu̱ʼ nánguá eʼya, nigíʼdu̱u̱ ndiyamajkuu rí Jesús niʼtsiwáanʼ. [...] Xúʼko̱, naniʼnúʼ xúgíʼ texto ga̱jma̱a̱ numuu rúʼko̱ ma̱ngaa nijmañuʼ matajuíi májánʼ wéñuʼ. Mú índo̱ nigíʼnuʼ ikhúúnʼ, nikro̱ʼo̱ʼ nguáthá gíʼdoo numuu rí Jesús niʼtsiwáanʼ ga̱jma̱a̱ rí gíʼdoo wéñuʼ numuu náa ikháanʼlu. ¡Rúʼko̱ nixnúʼ wéñuʼ tsiakii!”. Índo̱ guʼniratamijná mu mu̱ʼgua̱ náa Conmemoración, gundxaʼwáá edxu̱lúʼ rí xú káʼnii nixnáximinaʼ Jesús naʼni káwáanʼ náa aʼkhá ga̱jma̱a̱ rí nakháñulú.

Gajmaʼ i̱yi̱i̱ʼ mu mataniratáá a̱jkia̱nʼ mu mi̱dxu̱ʼ náa Conmemoración (Atayáá kutriga̱ 9)

10. Ndiéjunʼ gándoo gúʼni itháan mu muʼniratamijná rí makuwáanʼ náa Conmemoración rá.

10 Imbo̱o̱ rí mambáyulúʼ muʼniratamijná mu makuwáanʼ náa Conmemoración rí muʼtáraʼa itháan. Mbáa asndu ma̱ndoo manindxu̱lúʼ precursor auxiliar xúgíʼ gu̱nʼ rúʼko̱. Guʼthún xúgínʼ bi̱ gándoo maguwáʼ náa Ganitsuwañu Señor. Rí muʼthúún eʼwíínʼ ga̱jma̱a̱ numuu Jeobá, ga̱jma̱a̱ numuu A̱ʼdióo ga̱jma̱a̱ rí maguma tsajkurámáánʼ maʼni makuwáanʼ itháan gagi (Sal. 148:12, 13).

11. Ndíjkha rí náa Biblia naʼthí rí tikhun corintios na̱nguá niguáʼdáá gamajkhún náa Conmemoración rá.

11 Ma̱ngaa, gundxaʼwamíjna̱ rí niʼnirámáʼ apóstol Pablo náa congregación dí rígá náa Corinto (atraxnuu 1 Corintios 11:27-34). Niʼthí rí asndu tsáa bi̱ gíkhu pan ga̱jma̱a̱ gágáan vino “rí asndu nda̱a̱ gamajkuu, [...] magiʼdoo aʼkhúun ga̱jma̱a̱ numuu xuyuʼ ma̱ngaa náa eʼdiuu Señor”. Ikha jngó nákha xóó tséʼkhu̱ rígi̱ cristiano bi̱ nixtiyáaʼ gíʼmaa mayejmaminaʼ tsumáá wéñuʼ mu mbaʼyoo á mu Dios nagruigú rí naʼni, á mu tséʼni xúʼko̱, “ikhaa má eyááʼ rí magíʼnuu”. Numuu rí túni rí májánʼ, mbaʼin xa̱bu̱ corintios ninindxu̱ún gua̱bi̱nʼ o niʼniún nandii, “ga̱jma̱a̱ mbaʼin nikháñun”. Mbáa tikhun ni̱ʼphu̱ ga̱jma̱a̱ niʼwa̱a̱n mbanda̱ʼkho nákha wapháá o índo̱ nirígá Conmemoración, ga̱jma̱a̱ ninuʼ, na̱nguá nikuwa xawii náa Dios. Jeobá tániguʼ kayuʼ numuu rí ni̱ʼphu̱ pan ga̱jma̱a̱ rí niʼwa̱a̱n vino xúʼko̱ kaʼnii.

12. a) Xú káʼnii xkri̱da nigíʼ Pablo ga̱jma̱a̱ numuu Conmemoración rá. b) Ndiéjunʼ niʼthún bi̱ kaxtaʼwíin xá. c) Ndiéjunʼ gíʼmaa maʼni mbáa bi̱ kaxtaʼwíin bi̱ nikudaminaʼ mbá aʼkhá mba̱a̱ rá.

12 Pablo nigíʼ xkri̱da ndrígóo Conmemoración xóo mbá ganitsu náa naguwáʼ xa̱bu̱, ga̱jma̱a̱ niʼthún bi̱ kaxtaʼwíin: “Xándoo muwa̱a̱nla náa copa ndrígóo Jeobá ga̱jma̱a̱ náa copa ndrígu̱ún xa̱bu̱ wéñiʼ; xándoo muphiʼtsulá náa ‹mésóo Jeobá› ga̱jma̱a̱ náa  mésuún xa̱bu̱ wéñiʼ” (1 Cor. 10:16-21). Á mu mbáa bi̱ kaxtaʼwíin nikudaminaʼ mbá aʼkhá mba̱a̱, gíʼmaa mbayáaʼ rí mumbayíí bi̱ kuya̱ edxu̱u̱ náa nagimbáanʼ (atraxnuu Santiago 5:14-16). Á mu nasngájma gajkhun rí natanga̱a̱ a̱jkiu̱u̱n ma̱ndoo mikhu pan ga̱jma̱a̱ maga̱a̱n vino ndrígóo Conmemoración. Xasngajma dí ragíʼdoo gamajkhu náa tsigijñaʼ ndrígóo Jesús (Luc. 3:8).

Tsíyulú musngajmá dí rakuáʼdáá gamajkhulúʼ náa tsigijñaʼ ndrígóo Jesús

13. Náa numuu rí májánʼ muʼtájkáan ga̱jma̱a̱ rí Dios nixnulu rá.

13 Májánʼ gáʼni rí índo̱ guʼniratamijná mu mu̱ʼgua̱ Conmemoración, mundxaʼwamíjna̱ ga̱jma̱a̱ muʼtájkáan mu ma̱ndoo mbuʼyáá ndiéjunʼ gárígá nda̱wa̱á dí Jeobá naxnulu ikháanʼ. Nimbáa ragíʼmaa mikhu pan ga̱jma̱a̱ maga̱a̱n vino á mu tseʼyoo májánʼ á mu nindxu̱u̱ mbáa cristiano bi̱ nixtiyáaʼ. Rúʼko̱ xasngájma gamajkhu náa tsigijñaʼ ndrígóo Jesús. Xú káʼnii gúʼyáá á mu gíʼmaa mu̱ʼphu̱ ga̱jma̱a̱ muʼwa̱a̱n rí gárígá náa Conmemoración rá.

TSÍIN E̱ʼPHU̱ PAN GA̱JMA̱A̱ NAʼWA̱A̱N VINO RÁ.

14. Ndiéjunʼ eyoo gáʼthúu̱n rí nuxi̱ʼ nimbánuu náa bi̱ naʼphu̱ ga̱jma̱a̱ naʼwa̱a̱n rí narígá náa Conmemoración rá.

14 Bi̱ naʼphu̱ pan ga̱jma̱a̱ naʼwa̱a̱n vino náa Conmemoración nduyáá májánʼ rí mangiin kúwi̱i̱n náa rí nimbánuu nuxi̱ʼ. Jesús niʼthí ga̱jma̱a̱ numuu vino: “Ri naʼ gajnuʼ iyaʼ vino riguiʼ ñajunʼ sinuʼ ri niguma nuxiʼla ri nicudaminaʼ Dios ri jma numu eʼdxuʼ” (1 Cor. 11:25). Dios niʼthí rí mariʼkuriyaʼ xtángoo rí nimbánuu gajmíi̱n israelitas ga̱jma̱a̱ i̱mba̱ nuxi̱ʼ rí nimbánuu (atraxnuu Jeremías 31:31). Jeobá niʼni i̱mba̱ nuxi̱ʼ rí nimbánuu gajmíi̱n israelitas bi̱ kaxtaʼwíin (Gál. 6:15, 16). Rígi̱ nimbánuu ga̱jma̱a̱ tsigijñaʼ ndrígóo Cristo índo̱ nixídíí eʼdiuu (Luc. 22:20). Jesús maʼnimbánuu rí nimbánuu nuxi̱ʼ, ga̱jma̱a̱ bi̱ kaxtaʼwíin bi̱ ni̱ndxu̱ún jmbiin makuwá mekhuíí gajmiún ikhaa (Heb. 8:6; 9:15).

15. a) Tsíin kuwa náa nimbánuu Reino rá. b) Ndiéjunʼ gakánun xá.

15 Cristianos bi̱ kaxtaʼwíin nduyáá rí kuwa náa rí nimbánuu Reino (atraxnuu Lucas 12:32). Rí nimbánuu rígi̱, Jesús nigíʼ gajmíi̱n bi̱ nikuwa níjniúu ga̱jma̱a̱ niʼngu̱u̱n niraʼníí ‹tsíngíná xóo ikhaa› (Filip. 3:10). Ga̱jma̱a̱ numuu rí nimbánuu rígi̱, xúgínʼ bi̱ kaxtaʼwíin bi̱ nikuwa jmbu makuwá mekhuíí mutañajunʼ gajmiún Jesús kámuu mbiʼi (Rev. 22:5). Cristianos bugi̱ ma̱ndoo mu̱phu̱ pan ga̱jma̱a̱ muwa̱a̱n vino náa ganitsuwañu Señor.

16. Arathá káʼnii eyoo gáʼthi Romanos 8:15-17.

16 I̱ndó á mu ikhiin nduyáá rí gajkhun ni̱ndxu̱ún e̱ji̱i̱n Dios ma̱ndoo mu̱phu̱ pan ga̱jma̱a̱ muwa̱a̱n vino (atraxnuu Romanos 8:15-17). Pablo nijmuu ajngáa Abba, rí nandoo gáʼthúu̱n “¡Anu̱ʼ!”. Ajngáa rígi̱ ma̱ndoo majmuu mbáa ada̱ índo̱ gáʼthúu̱n anu̱u̱. Índo̱ naʼthúu̱n “papá” nasngájma rí nandoo kaʼyoo ma̱ngaa índo̱ naʼthúu̱n “anu̱ʼ” nasngájma rí gíʼdoo gamajkhu náa ikhaa. Nasngájma májánʼ wéñuʼ rí bi̱ kaxtaʼwíin naguáʼnu nambáxu̱u̱n májánʼ gajmiún Jeobá índo̱ nundrigú xi̱ʼ kaʼwu rí ni̱ndxu̱ún ‹e̱ji̱i̱n Dios›. “Ga espíritu ndrígóo Dios” naʼni mbuyáá rí ikhiin ñajúnʼ e̱ji̱i̱n Dios. Raʼkháa i̱ndó nandoo gáʼthúu̱n rí tsíñún makuwá náa tsu̱du̱u̱ Ku̱ba̱ʼ. Ikhiin nduyáá rí á mu nakuwa jmbu asndu mbiʼi rí gakhañun, makuwá gajmiún Cristo náa Reino dí rígá mekhuíí. Rí mbiʼi xúgi̱ kuwa mbá nguáthi̱i̱n bi̱ xóó naguanún náa tsu̱du̱u̱ Ku̱ba̱ʼ bi̱ 144,000 bi̱ ni̱ndxu̱ún e̱ji̱i̱n Dios ‹bi̱ ikhaa niraʼwíin› (1 Juan 2:20; Rev. 14:1). Nakumún rí kuwa mijngii náa Dios rí nandoo nutháán: “¡Abba, Anu̱ʼ!”.

A̱JMA̱ RÍ GUÁʼTHI̱I̱N, A̱JMA̱ RÍ EKU̱MÚN

17. a) Ndiéjunʼ eguáʼthi̱i̱n bi̱ kaxtaʼwíin rá. b) Xú káʼnii eyáá rí ikhiin ni̱ndxu̱ún bi̱ kaxtaʼwíin xá.

17 Á mu ikháánʼ ni̱ndxa̱ʼ mbáa cristiano bi̱ nixtiyáʼ, mbáa naratá má xúʼko̱ rí mi̱dxu̱ʼ mekhuíí índo̱ naratháán Jeobá. Ga̱jma̱a̱ Biblia nanindxu̱u̱ kiejunʼ náa ikháánʼ. Mbá xkri̱da, índo̱ Biblia naʼthí rí manigu̱nʼ Jesús mekhuíí ga̱jma̱a̱ “novia” ndrígóo, natayáá  rí ikháánʼ ni̱ndxa̱ʼ, ga̱jma̱a̱ ra̱ʼkhá tháán eyaʼ maʼga̱nú mbiʼi rúʼko̱ (Juan 3:27-29; 2 Cor. 11:2; Rev. 21:2, 9-14). Índo̱ Jeobá nasngájma náa Biblia rí nandoo kaʼñúún e̱ji̱i̱n bi̱ kaxtaʼwíin, ikháánʼ natatsaʼwáminaʼ: “Ikhúúnʼ eʼthúnʼ”. Ga̱jma̱a̱ índo̱ nataxkamaa náa Biblia rí naʼthúún bi̱ kaxtaʼwíin, xi̱ʼ kaʼwu naxkaxi̱i̱n matanimbaʼ ga̱jma̱a̱ maʼthúu̱n a̱jkia̱nʼ: “Rígi̱ kaʼyoʼ mani ikhúúnʼ”. Xúʼko̱ kaʼnii rí xi̱ʼ kaʼwu ndrígóo Dios naʼtháanʼ rí ikháánʼ maraʼthi̱i̱n mi̱dxu̱ʼ mekhuíí.

18. a) Ndiéjunʼ guáʼthi̱i̱n “iʼhuinʼ mugu” rá. b) Ndiéjunʼ eku̱ma̱ʼ índo̱ natatsaʼwáá edxa̱ʼ náa gáraxtaa nda̱wa̱á rá.

18 Á mu ikháánʼ ni̱ndxa̱ʼ “xabu su pu-mbaʼjin” o “iʼhuinʼ mugu”, Dios nixnáʼ maraxtaa náa tsu̱du̱u̱ Ku̱ba̱ʼ (Rev. 7:9; Juan 10:16). Nandaʼ maraxtaa kámuu mbiʼi náa Ku̱ba̱ʼ mitsaan ga̱jma̱a̱ nanigua̱ʼ matatsaʼwa̱a̱ edxa̱ʼ rí naʼthí náa Biblia ga̱jma̱a̱ xú káʼnii gakuwáanʼ náa tsu̱du̱u̱ Ku̱ba̱ʼ. Nandaʼ rí maʼga̱nú mbiʼi rí maraxtaa tsímáá gajmiáanʼ bi̱ kuwa náa guʼwáaʼ ga̱jma̱a̱ bi̱ nambáxa̱ʼ gajmiáanʼ. Ma̱ngaa nandaʼ rí ewiʼ, tsingíná, rí numíniiʼ, nandii ga̱jma̱a̱ rí nakháñulú mambáa (Sal. 37:10, 11, 29; 67:6; 72:7, 16; Is. 33:24). Nandaʼ rí magabiín nacha̱ a̱ngia̱nʼ bi̱ xtañún mu matriguíin (Juan 5:28, 29). Mbáa naraxnáa núma̱aʼ wéñuʼ Jeobá numuu rí ikhaa naxnáʼ rí maraxtaa nda̱wa̱á. Ga̱jma̱a̱ maski ajndu tsétsu pan ga̱jma̱a̱ tségi̱i̱n vino, na̱dxu̱ʼ náa Conmemoración mu matasnga̱jmá rí naraxnáa núma̱aʼ ga̱jma̱a̱ numuu tsigijñaʼ ndrígóo A̱ʼdióo rí niʼni káwáanʼ.

LÁ MARAXTAA IKHÍ RÁʼ.

19, 20. a) Xú káʼnii gándoo matani mu maraxtaa kámuu mbiʼi rá. b) Náa numuu rí ikháánʼ maraxtaa náa Conmemoración rá.

19 Tséʼniuu má náa gáraxtaa, á mu nandaʼ maʼga̱nú marigá, ndayóoʼ maraʼdáá fe náa Jeobá, náa Jesús ga̱jma̱a̱ rí niʼtsiwáanʼ. Náa Conmemoración ma̱ndoo matatsaʼwa̱a̱ edxa̱ʼ rí xtaʼti̱i̱n nda̱wa̱á ga̱jma̱a̱ rí gíʼdoo wéñuʼ numuu rí nikháñu Jesús. Índo̱ garmáʼáan A̱jkha̱ʼ mbiʼi viernes 3 ñajunʼ gu̱nʼ abril tsiguʼ 2015, mbaʼin wéñuʼ xa̱bu̱ náa xúgíʼ tsu̱du̱u̱ numbaaʼ muniriyaʼ Ganitsuwañu Señor náa Guʼwá nagimbíi̱n bi̱ nutaraʼa numuu Jeobá ga̱jma̱a̱ i̱mba̱ níʼkhá.

20 Á mu naraxtaa náa Conmemoración, maraxna̱a̱ núma̱aʼ wéñuʼ ga̱jma̱a̱ numuu rí niguma káwáanʼ. Rí mataʼgíiʼ matadxun májánʼ discurso rí gíxna maxkaxiín rí maʼnda̱ʼ xtañún xa̱bu̱ ga̱jma̱a̱ marathu̱u̱n dí ra̱ʼkhá tháán eyoo kaʼyulúʼ Jeobá ma̱ngaa rí gáʼni ga̱jma̱a̱ numulúʼ nda̱wa̱á (Mat. 22:34-40). ¡Xándáti̱ga̱ʼ índo̱ gúniriyaʼ rígi̱!

^ párr. 1 Mbiʼi ndrígu̱ún judíos nagi̱ʼdu̱u̱ índo̱ narmáʼáan A̱jkha̱ʼ asndu imbo̱o̱ mbiʼi.