Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Biblia ga̱jma̱a̱ ajngóo

 KÍXNUU 11

Ajmúú rí naʼsnguluʼ ma̱ngoo naxnuluʼ sie̱khi̱i̱

Ajmúú rí naʼsnguluʼ ma̱ngoo naxnuluʼ sie̱khi̱i̱

Jeobá naxnúu ikha David gajmíi̱n eʼwíínʼ xa̱bu̱ mu muni ajmúú rí mbiʼyamajkhuíí ga̱jma̱a̱ Jeobá. Náa Salmos na̱ʼkha̱ 150 ajmúú

I̱YI̱I̱ʼ rí itháan mba̱a̱ na̱ʼkha̱ náa Biblia, rí niwa̱a̱ mbá xúgíʼ ajmúú mitsaʼkháán rígi̱, ndijyúuʼ mbá míí tsiguʼ. Bi̱ niniraʼmáʼ ajmúú rígi̱ nithi ga̱jma̱a̱ fe rí niguaʼda náa Jeobá, rí nimbá miʼtsú tagumaraʼmáʼ xóo ikhaa. Ma̱ngaa nasgájma mbaʼa enii rí xú káʼnii nikumuún mba̱a̱ rí gagi, gaʼkhu, ga̱jmá, ma̱ngaa rí nixnáa núma̱aʼ, rí nita̱nga̱a̱ a̱jkiu̱ún, ga̱jma̱a̱ xú rí ninimba̱a̱ Jeobá. Xúgínʼ ikhíínʼ nini̱ndxu̱ún xa̱bu̱ bi̱ nindun kuyaa Diúu̱ ma̱ngaa nikumuún dí nikúwi̱i̱n mijngii náa ikhaa. Guʼyaa tikhu edxu̱u̱ rí na̱ʼkha̱ náa i̱yi̱i̱ʼ ndrígóo Salmos.

Jeobá, bi̱ kaʼyoo maʼtáñajunʼ xúgíʼ numbaaʼ, ikhaa kaʼyoo rí muʼnimba̱a̱ ga̱jma̱a̱ mbuʼyamajkhuíí. Salmo 83:18 naʼthí kaʼwu: «Ikháánʼ mbiʼyaa Jeobá, indió ikháánʼ nindxaa bi̱ phú Mba̱a̱ náa tsu̱du̱u̱ ku̱ba̱ʼ». Tikhuʼ Salmos nunimba̱a̱ Jeobá numuu dí niʼni mekhu, aʼgua̱a̱n, rí ndaʼya náa tsu̱du̱u̱ Ku̱ba̱ʼ ga̱jma̱a̱ dí xú káʼnii májánʼ nigumáanʼ (Salmos 8, 19, 139 ga̱jma̱a̱ 148). Mbaʼa Salmos nunimba̱a̱ Jeobá mu nañawu̱u̱n ma̱ngaa naʼnikáwíín bi̱ kuwa jmbu (Salmos 18, 97 ga̱jma̱a̱ 138). Iʼwááʼ Salmos nuni jmúú náa inuu Diúu̱ bi̱ jmbii, ikhaa nambáñun xa̱bu̱ bi̱ nuni rí májánʼ ma̱ngoo nakuʼma castigo náa xa̱bu̱ bi̱ mixkawiinʼ wéñuʼ (Salmos 11, 68 ga̱jma̱a̱ 146).

Jeobá nambáñunʼ ma̱ngaa naxnun sie̱khi̱i̱ bi̱ nandun kuyáá. Ma̱ndoo muʼthá rí Salmo 23 na̱jma̱ʼnuuʼ itháan, ikhí David nagíiʼ xkrida ga̱jma̱a̱ mbáa baxtúu bi̱ nandoo kaʼñun mugiu̱u̱, naxnun ikha ma̱ngoo nañewu̱u̱n, xúʼko̱ má eʼni Jeobá ma̱ngaa. Náa Salmo 65:2 naʼni marmáʼáan a̱jkiu̱luʼ rí Jeobá ni̱ndxu̱u̱ bi̱ «naʼdxawun índo̱ nugríga̱a̱». Asndu xa̱bu̱ bi̱ nuni wéñuʼ dí raʼkhí nuxkama̱a̱ dí naxnún sie̱khi̱i̱ náa Salmos 39 ga̱jma̱a̱ 51. Gi̱i̱ nasngájma rí David phú gajkhun rí nita̱nga̱a̱ a̱jkiu̱u̱n ga̱jma̱a̱ aʼkhá rí niʼni, ma̱ngaa ndaʼyoo rí gajkhun rí Diúu̱ maʼnimba̱a̱ a̱jkiu̱u̱n kaʼyoo. Ma̱ngaa má Salmo 55:22 naʼthuluʼ gajkhun rí Jeobá ma gambáyuluʼ ga̱jma̱a̱ rí kuʼda̱.

Jeobá majmiuu Reino ndrígóo Mesías mu ma̱ʼkha̱ kayóo numbaaʼ nuxi̱ʼ. Náa Salmos naʼthí mbaʼa nuthu ga̱jma̱a̱ numuu Mesías, Rey bi̱ nijuiʼthá ma̱ʼkha̱. Mbá xkrida, náa Salmo 2 naʼthí rí Xa̱bu̱ Ñajunʼ bugi ma̱ʼnigambáa xúgíʼ xuajin mba̱ʼu̱ bi̱ xaʼndun kuyaa ikhaa. Náa Salmo 72 naʼsngáa rí maʼnigámbáa ewiʼ, dí ra̱májánʼ ga̱jma̱a̱ xa̱bu̱ bi̱ nuni asndu xó má eñun ikhíínʼ xúʼko̱ eniu̱u̱n eʼwíínʼ. Náa Salmo 46:9 naʼthí rí Diúu̱ majmiu Reino ndrígóo Mesías mu maʼnigámbáa aguʼ mba̱ʼu̱ ma̱ngoo maʼni̱i̱ eʼñúu xúgíʼ ajua̱nʼ. Ma̱ngaa, náa Salmo 37 nuraxnuu rí náa numbaaʼ nuxi̱ʼ ni xákúwi̱i̱n xa̱bu̱ xkawiinʼ ma̱ngoo xa̱bu̱ bi̱ nuni rí májánʼ makuwíín tsímáá mbá kambáxu̱u̱n.

(Na̱ʼkha̱ náa i̱yi̱i̱ʼ ndrígóo Salmos.)