Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Biblia ga̱jma̱a̱ ajngóo

 KÍXNUU 8

Xa̱bu̱ israelitas nitu̱ʼu̱u̱n náa Canaán

Xa̱bu̱ israelitas nitu̱ʼu̱u̱n náa Canaán

Jeobá nimbáyuu Josué mu maxnún ikha xa̱bi̱i̱ mu maʼngu̱u̱n muxmijná náa Canaán. Jeobá nigrui̱gi̱i̱n jueces mu ma̱ʼnikáwiin xojiun náa xa̱bu̱ bi̱ sia̱nʼ gajmiún

MBA̱YU̱U̱ʼ tsiguʼ nákha xóó tsetu̱ʼu̱u̱n tsú israelitas náa Canaán, Jeobá niʼthúu̱n Abrahán rí maxnún e̱ji̱i̱n ku̱ba̱ʼ rúʼko̱. Mú rí xúgi̱ Josué naʼtáñajúúnʼ israelitas, ikhíínʼ kúwi̱i̱n xawii mu matu̱ʼu̱u̱n murajtun Ku̱ba̱ʼ rí Niʼthí Jeobá maxnún.

Diúu̱ ndiʼyoo rí xa̱bu̱ cananeos kaʼñún rí makañún, numuu dí ikhíínʼ nuxmi̱jna̱ asndu nuradímijná, ma̱ngaa nuni dí xkawiiʼ wéñuʼ. Ikha jngó, Diúu̱ nixná awan rí xú káʼnii tsú israelitas munigámbáa mbá kayuu xúgíʼ xuajin Canaán.

Mú nákha xóó tsetu̱ʼu̱u̱n, Josué nikunguinʼ a̱jmi̱i̱n xa̱bu̱ mu muyama náa xuajin rúʼko̱. Ikhíínʼ nitu̱ʼu̱u̱n náa xuajin Jericó ma̱ngoo niguanún náa guʼwóo mbáa a̱ʼgu̱ bi̱ mbiʼyuu Rahab. Maski ajndu ikhaa ndiʼyoo rí ikhíínʼ ni̱ndxu̱ún israelitas, mú niniñuʼ rí matu̱ʼu̱u̱n náa guʼwóo ma̱ngaa niñewu̱u̱n. Náa numuu rá. Numuu dí niʼdxawun nithi ga̱jma̱a̱ numuu milagro dí niʼni Jeobá mú ma̱ʼnikáwiin xa̱bi̱i̱, rí xúgi̱ naʼnimbo̱o̱ kaʼyoo ikhaa. Rahab niʼni rí xa̱bu̱ buʼko̱ muxna ajngúún mu xákhañu ikhaa asndu má bi̱ kuwa náa guʼwóo.

Nguáta mbiʼi nda̱wa̱á, tsú israelitas nitu̱ʼu̱u̱n náa Canaán ga̱jma̱a̱ ninigámbáa Jericó. Jeobá niʼni rí majngudiri̱ga̱a̱ xtátsi, xa̱bi̱i̱ Josué ninigámbáa xuajin, mú Rahab gajmíi̱n bi̱ kúwa náa guʼwóo nikáwiin. Ikhú nigi̱ʼdi̱i̱ nirajtun Ku̱ba̱ʼ rí Niʼthí Jeobá maxnún. Nda̱wa̱á kayuu niwiʼtami̱jna̱ náa xa̱bu̱ Israel ku̱ba̱ʼ rí niʼngu̱u̱n nirajthun.

Mba̱yu̱u̱ʼ tsiguʼ má rí Josué eʼni ñajunʼ Diúu̱, índo̱ nigímbíi̱n xúgínʼ xa̱bu̱. Niʼni dí maku̱mii̱n dí niʼni Diúu̱ ga̱jma̱a̱ numún xa̱bu̱ bi̱ nikuwa wajyúú ma̱ngaa niʼthúún rí makuwá jmbu. Mú índo̱ nikháñu Josué gajmíi̱n xa̱bi̱i̱, tsú israelitas niniñaʼ Jeobá ikhú ikhíínʼ nigi̱ʼdi̱i̱ ndiyamajkhún eʼwíínʼ Diúu̱. Rí niʼni ajtsú sientu tsiguʼ, mbaʼa nuthu ikhíínʼ túnimbu̱ún xtángoo ndrígóo Jeobá. Índo̱ nini xúʼko̱ israelitas, Jeobá niniñúunʼ mu munigíníin xa̱bu̱ filisteos ga̱jma̱a̱ bi̱ sia̱nʼ gajmiún. Mú índo̱ nunda̱ʼa̱a̱ má xúʼko̱ rí Jeobá mambáñun, ikhaa nigíiʼ mbáa bi̱ ma̱ʼnikáwiin. Gu̱wa̱ʼ i̱jmi̱i̱n jueces niʼni rí mbá xúgínʼ.

I̱yi̱i̱ʼ ndrígóo jueces nagi̱ʼdu̱u̱ naʼthí ga̱jma̱a̱ numuu Otniel nambáa ga̱jma̱a̱ Sansón xa̱bu̱ bi̱ itháan mixkujiʼ. Rí phú naʼsnguloʼ náa Jueces: Rí á mu nuʼnimbuluʼ kuʼyáá Jeobá, ikhaa má ma̱ʼnitsajkuramáanʼ; á mu, tseʼnimbuluʼ ma̱ʼkha̱nú gamiéjunʼ náa inaluʼ.

(Na̱ʼkha̱ náa Josué, Jueces ga̱jma̱a̱ Levítico 18:24, 25.)