Atambaʼtaa mu matraxnuu

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

Atraʼwíí ajngáa me̱ʼpha̱a̱

 APÉNDICE

Ndiéjunʼ nindxu̱u̱ “Babilonia ri ñajunʼ xuajin apa” rá.

Ndiéjunʼ nindxu̱u̱ “Babilonia ri ñajunʼ xuajin apa” rá.

NÁA libro ndrígóo Revelación, o Apocalipsis, na̱ʼkha̱ ajngáa di̱ ragíʼmaa makru̱ʼu̱lú xó má e̱ʼkha̱ raʼthí ikhí (Revelación 1:1). Mbá xkri̱da, naʼthí ga̱jma̱a̱ numuu mbáa a̱ʼgu̱ bi̱ gíʼmaa náa xkídoʼ ajngáa rígi̱: “Babilonia ri ñajunʼ xuajin apa”. Ma̱ngaa naʼthí rí nagi̱ʼi̱ náa inún mbaʼin “xabu [ga̱jma̱a̱ náa] su mamba numbaʼ” (Rí huasjŋgajma Juan 17:1, 5, 15). Rígi̱ xándoo maʼni mbáa a̱ʼgu̱ bi̱ xtáa náa tsu̱du̱u̱ ku̱ba̱ʼ, ikha jngó Babilonia rí ñajunʼ xuajin apa nindxu̱u̱ mbá xkri̱da. Mú, ndiéjunʼ eyoo gáʼthúu̱n ajngáa rígi̱ rá.

 Náa Revelación 17:18 naʼthí rí nindxu̱u̱ “xuajin rí mba̱a̱ bi̱ xtáa raʼtañajúnʼ reyes bi̱ kuwa náa tsu̱du̱u̱ ku̱ba̱ʼ”. Ajngáa “xuajin” naʼni mundxaʼwamíjná mbá nguájmi̱i̱n xa̱bu̱ bi̱ kuwa organizado. Ma̱ngaa “xuajin rí mba̱a̱” rígi “xtáa raʼtañajúnʼ reyes bi̱ kuwa náa tsu̱du̱u̱ ku̱ba̱ʼ”. Ikha jngó, Babilonia rí ñajunʼ xuajin apa nindxu̱u̱ mbá organización rí xtáa raʼtáñajunʼ náa xúgíʼ tsu̱du̱u̱ ku̱ba̱ʼ. Nandoo gáʼthi xúgíʼ religión dí ragájkhun dí rígá náa numbaaʼ. Mú xú káʼnii nindxu̱u̱ rá. Nandoo gáʼthi xúgíʼ religión. Guʼyáá tikhuu texto rí na̱ʼkha̱ náa Revelación mu mbuʼyáá náa numuu rí nuʼthá xúʼko̱ kaʼnii.

Xa̱bu̱ bugi̱ ni̱ndxu̱ún Xa̱bu̱ Ñajunʼ, xa̱bu̱ bi̱ nutsi ga̱jma̱a̱ bi̱ nugujua̱ o religión bi̱ ragájkhun. Nduʼyáá rí Babilonia ñajunʼ xuajin apa na̱nguá xú mani̱ndxu̱u̱ Xa̱bu̱ Ñajunʼ numuu rí náa Ajngá rawunʼ Dios naʼthí dí reyes bi̱ kuwa náa tsu̱du̱u̱ ku̱ba̱ʼ ni̱ndxu̱ún xúgínʼ xa̱bu̱ político, bi̱ “nini ri ramejanʼ jmiñi aʼgu suʼcui”. Rí naʼni dí ra̱májánʼ gajmíi̱n Xa̱bu̱ Ñajunʼ bi̱ kuwa náa tsu̱du̱u̱ Ku̱ba̱ʼ nandoo gáʼthi rí nambáxu̱u̱n gajmíi̱n ikhiin. A̱ʼgu̱ bugi̱ bi̱ nagumbiʼyuu Babilonia rí ñajunʼ xuajin apa niʼni mbaʼa dí ra̱májánʼ mú magiʼdoo tsiakii ga̱jma̱a̱ rí maʼtáñajúúnʼ xa̱bu̱. Ikha jngó, nagumbiʼyuu “aʼgu xŋaʼjun apa” (Rí huasjŋgajma Juan 17:1, 2; Santiago 4:4).

Náa Biblia naʼthí rí índo̱ a̱ʼgu̱ bugi̱ gámbáa, ikhú “xabu nugujua ri su cuhua naʼ inu numbaʼ” makuwá gíná. Rígi̱ nasngájma kaʼwu rí Babilonia rí ñajunʼ xuajin apa na̱nguá nindxu̱u̱ mbáa xa̱bu̱ bi̱ naʼtsi ga̱jma̱a̱ bi̱ nagujua̱ náa numbaaʼ rígi̱. Ma̱ngaa, náa texto ndrígóo Biblia naʼthí rí reyes ga̱jma̱a̱ xa̱bu̱ bi̱ nugujua̱ mbuyáá a̱ʼgu̱ asndu “misiŋguaʼ” (Rí huasjŋgajma Juan 18:3, 9, 10, 15-17). Ikha jngó, nandoo nuʼthá rí Babilonia rí ñajunʼ xuajin apa na̱nguá ni̱ndxu̱ún Xa̱bu̱ Ñajunʼ, na̱nguá ni̱ndxu̱ún xa̱bu̱ bi̱ nutsi ga̱jma̱a̱ bi̱ nugujua̱, ikhiin ni̱ndxu̱ún religión dí ragájkhun.

Rígá i̱mba̱ prueba rí nasngájma rí nindxu̱u̱ xúgíʼ religión dí ragájkhun: Nakujmaa kaʼwu rí nuni nduwiinʼ mbaʼin xa̱bu̱ ga̱jma̱a̱ xúgíʼ rí ‹kuwa runi xa̱bu̱ espiritista› (Revelación 18:23). Xúgíʼ enii espiritismo ga̱jma̱a̱ religión dí ragájkhun na̱ʼkha̱ náa xa̱bu̱ wéñiʼ. Ikha jngó náa Biblia naxná mbiʼyuu Babilonia “naʼ cuhua xabu güinʼ” (Rí huasjŋgajma Juan 18:2; Deuteronomio 18:10-12). Ma̱ngaa, nduʼyáá rí imperio tsíyoo gáʼyoo religión dí gajkhun numuu rí naxkúún “gaʼyee” ga̱jma̱a̱ “santos” (Revelación 18:24). Ra̱ʼkhá tháán guiyuʼ kaʼyoo religión dí gajkhun rí naʼni gíníin mixkawiʼ wéñuʼ ‹xa̱bi̱i̱ Jesús› ga̱jma̱a̱ na̱jkha̱nú nagudíin (Revelación 17:6). Ikha jngó Babilonia rí ñajunʼ xuajin apa nandoo gáʼthi xúgíʼ religión dí ragájkhun rí tséʼni xó má eyoo Jeobá.