Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Libro ndrígóʼ náa na̱ʼkha̱ raʼthí ga̱jma̱a̱ numuu Biblia

Náa nagiʼdu̱u̱

Náa nagiʼdu̱u̱

NIRÍGÁ gajkhun rí eʼkha̱ raʼthí náa libro rígi̱. Nigájnuu náa libro rí gíʼdoo wéñuʼ numuu dí rígá náa numbaaʼ, rí nagumbiʼyuu Biblia. Dí na̱ʼkha̱ raʼthí ikhí naʼthánʼ asndu nákha Dios nigíʼdu̱u̱ niʼni xúgíʼ dí rígá numbaaʼ asndu mbiʼi xúgi̱. Asndu naʼthánʼ rí ekudaminaʼ maʼni Dios nda̱wa̱á.

Libro rígi̱ naxnáʼ mbá ikha rí eʼkha̱ raʼthí náa Biblia. Naʼthánʼ ga̱jma̱a̱ numún xa̱bu̱ bi̱ nikuwa wajyúúʼ ga̱jma̱a̱ rí nini. Ma̱ngaa nasngájma rí xú káʼnii Dios maʼni rí xa̱bu̱ makuwá kámuu mbiʼi náa tsu̱du̱u̱ Ku̱ba̱ʼ mitsaan.

Rígá mbá 116 historias náa libro rígi̱. Gíʼdoo mbá migiñuʼ níʼkhóo. Náa timbá ináa rí mámbá níʼkhóo na̱ʼkha̱ nguéjma̱ ajngáa rí xtáa raʼthí náa xúgíʼ níʼkhóo rúʼko̱. Náa mámbá historia na̱ʼkha̱ raʼthí xóo má ni̱jkha̱ rarígá. Rígi̱ gambayaaʼ majmañaaʼ nguáná nirígá mámbá historia.

Rí na̱ʼkha̱ raʼthí náa libro rígi̱ na̱nguá mingíjyúu makruaʼaʼ. Mbaʼin e̱ji̱n ma̱ndoo muraxnuu i̱ndó ikhiin. Xa̱bu̱ bi̱ guaʼdiin e̱ji̱n mbuyáá rí e̱jñún manigu̱nʼ mudxawíín rí ikhiin guraxnuu mbaʼa nutu náa historia. Ikháánʼ ma̱ndoo ma̱ta̱ya̱a̱ dí libro rígi̱ na̱ʼkha̱ raʼthí rí gíʼdoo numuu, mu mbuyáá jiáma, waʼxaʼ ga̱jma̱a̱ xa̱bu̱ wanii.

Náa agoo mámbá historia na̱ʼkha̱ texto rí na̱ʼkha̱ náa Biblia. Nutha̱nʼxu matraxnuu texto rígi̱ náa eʼkha̱ raʼthí dí nirígá. Índo̱ gámbaʼ ratraxnuu mbá historia, ma̱ngaa atraxnuu graxe̱ rí na̱ʼkha̱ ki̱dxu̱ʼ historia 116. Nda̱wa̱á atagíiʼ marmáʼáan a̱jkia̱nʼ rí nitraxnuu.