Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Libro ndrígóʼ náa na̱ʼkha̱ raʼthí ga̱jma̱a̱ numuu Biblia

 HISTORIA 86

Nagún náa ejkha̱ a̱ʼgua̱a̱n

Nagún náa ejkha̱ a̱ʼgua̱a̱n

LÁ NÁNDOO natayáá a̱ʼgua̱a̱n bi̱ nambiʼi bi̱ xtáa rasngájmaa ga̱jma̱a̱ ñawúunʼ xa̱biya̱ bugi̱ ráʼ. A̱ʼgua̱a̱n nikujmaa índo̱ ikhiin nigájnun náa Jerusalén. Ikhiin naguwáʼ xígií náa nagájnuu a̱jkha̱ʼ, ga̱jma̱a̱ nunigajmaa mbuyáá xú káʼnii trigi̱i̱n a̱ʼgua̱a̱n. Nakumuún rí a̱ʼgua̱a̱n nuxi̱ʼ na̱jkha̱ kagu̱u̱n náa mbáa bi̱ gíʼdoo wéñuʼ numuu.

Índo̱ xa̱bekha naguanu náa xuajin Jerusalén, niraxi̱: ‹Náa xtáa ada̱ bi̱ maʼni rey ndrígu̱ún judíos rá.› “Judíos” ñajunʼ imba̱ rí xú exna mbiʼñún israelitas. Xa̱bekha nuthi: ‹Ndiya̱a̱xu ginii a̱ʼgua̱a̱n ndrígóo xígií náa nagájnuu a̱jkha̱ʼ, ga̱jma̱a̱ nagúwaʼxu gúyamajkuíí›.

Índo̱ rey Herodes bi̱ xtáa náa Jerusalén, niʼdxuun rígi̱, nikiʼnáa. Ikhaa na̱nguá eyoo rí imba̱a̱ rey maʼtáñajunʼ ga̱jma̱a̱ numuu. Ikha jngó niraxu̱u̱n ndxajkun bi̱ phú niguáʼdáá numún: ‹Náa gagumaa rey bi̱ niwaʼthá ma̱ʼkha̱ rá.› Ikhiin niriʼña: ‹Biblia naʼthí rí náa xuajin Belén›.

Ikha jngó Herodes niʼthún xa̱bekha bi̱ naguwá xígií náa nagájnuu a̱jkha̱ʼ: ‹Guʼyáaʼ ada̱. Guthu̱nʼ índo̱ guxkamaa. Nandoʼ gáʼgá gáyamajkhu mangun›. ¡Mú dí phú nandoo Herodes rí maxíyáa ada̱!

Ikhú a̱ʼgua̱a̱n na̱jkha̱ náa inún xa̱bekha asndu náa xuajin Belén, ga̱jma̱a̱ nawi̱ji̱ náa jmbu xtáa ada̱. Índo̱ xa̱bekha natu̱ʼu̱u̱n náa guʼwá, nuxkhamaa María ga̱jma̱a̱ ada̱ lájuíin Jesús. Nuxnáá mbaʼa regalo Jesús. Mú nda̱wa̱á Jeobá naʼthúu̱n náa mbá xnuʼndaa rí xátangi̱i̱n náa Herodes. Ikha jngó nurajtun imba̱ kamba̱a̱ mu matangi̱i̱n náa xuajñún.

Índo̱ Herodes naʼdxun rí xa̱bekha nigúun, nakiʼnáa wéñuʼ. Nakuʼmaa rí muradíin xúgínʼ jiáma náa xuajin Belén bi̱ guáʼdáá a̱jma̱ tsiguúnʼ ga̱jma̱a̱ bi̱ itháan lájuíin. Mú Jeobá nathúu̱n José náa mbá xnuʼndaa, ga̱jma̱a̱ José na̱jkha̱ náa Egipto gajmíi̱n bi̱ kuwa náa goʼwóo. Nda̱wa̱á índo̱ José naʼdxun rí Herodes nikháñu, ikhú natanga̱a̱ kayáa María ga̱jma̱a̱ Jesús náa xuajin Nazaret. Gi̱i̱ náa xuajin Nazaret náa nagaja̱a̱ Jesús.

Tsáa tatsaʼwá edxa̱ʼ rí niʼni mambiʼi a̱ʼgua̱a̱n nuxi̱ʼ rá. Garmáʼáan a̱jkia̱nʼ, xa̱bekha nigún ginii náa xuajin Jerusalén índo̱ ndiyáá a̱ʼgua̱a̱n buʼko̱. Satanás bi̱ nagumbiʼyuu Gixa̱a̱ nindoo maxíyáa A̱ʼdióo Dios, ga̱jma̱a̱ ndiʼyoo rí rey Herodes bi̱ xtáa náa Jerusalén magíiʼ maxíyáa. Ikha jngó mbáa Satanás niʼni mambiʼi a̱ʼgua̱a̱n.

Mateo 2:1-23; Miqueas 5:2.