Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Libro ndrígóʼ náa na̱ʼkha̱ raʼthí ga̱jma̱a̱ numuu Biblia

 HISTORIA 57

Dios nda̱yáaʼ David xóo rey

Dios nda̱yáaʼ David xóo rey

LÁ NANDOO natayáá rí nirígá ráʼ. Dxámá lájuíin niʼnikríyaʼ aʼdá múgú náa oso. Oso ni̱jkha̱ kayáa aʼdá múgú mu mikhu̱u̱. Mú dxámá ni̱jkha̱ ki̱dxu̱ʼ oso mu maʼnikríyaʼ aʼdá múgú náa rawunʼ. ¡Índo̱ oso nituxi̱i̱, rí niʼni dxámá bugi̱ nixnúu oso ga̱jma̱a̱ nixíyáa! I̱mba̱ míʼtsú dxámá niʼnikríyaʼ mbáa mugu̱ náa mbáa león. Dxámá bugi̱ na̱nguá nimiñuu mbá kayuʼ. Lá ragájkhun ráʼ. Lá natayáá tsáa ni̱ndxu̱u̱ dxámá bugi̱ ráʼ.

Ikhaa ni̱ndxu̱u̱ dxámá David. Ikhaa xtáa náa xuajen Belén. Xiʼñúuʼ ninindxu̱u̱ Obed, a̱ʼdióo Rut ga̱jma̱a̱ Booz. Lá narmáʼáan a̱jkia̱nʼ xtañún ráʼ. Anu̱u̱ David nagumbiʼyuu Jesé. David ndaʼñún mugiu̱u̱ anu̱u̱. Ikhaa nigumaa 10 tsiguʼ nda̱wa̱á rí Jeobá ndiyáaʼ Saúl mu mani̱ndxu̱u̱ rey.

Na̱jkha̱nú mbiʼi rí Jeobá naʼthúu̱n Samuel: ‹Ayá mbá aceite kiejunʼ ga̱jma̱a̱ ayuʼ náa goʼwóo Jesé dí rígá náa Belén. Ndiʼyáaʼ mbáa bi̱ a̱ʼdióo mu mani̱ndxu̱u̱ rey›. Índo̱ rí Samuel eʼyoo Eliab, aʼdá giʼnii ndrígóo Jesé, naʼthúu̱n a̱jkiu̱u̱n: ‹Ikhaa bugi̱ bi̱ phú ndiyáaʼ Jeobá›. Mú Jeobá eʼthúu̱n: ‹Xata̱ya̱a̱ i̱ndó rí mitsiʼyáa ga̱jma̱a̱ rí mba̱yi̱i̱ʼ. Na̱nguá ndiʼyáaʼ ikhaa mu mani̱ndxu̱u̱ rey›.

Ikha jngó Jesé nandxa̱ʼóo a̱ʼdióo bi̱ nagumbiʼyuu Abinadab ga̱jma̱a̱ na̱jkha̱ kayáa náa Samuel. Mú Samuel eʼthí: ‹Na̱nguá, Jeobá táyáaʼ má ma̱ngaa›. Nda̱wa̱á Jesé na̱ʼkha̱ kayáa a̱ʼdióo bi̱ nagumbiʼyuu Sama. Samuel eʼthí: ‹Jeobá na̱nguá má ndiyáaʼ bugi̱ ma̱ngaa›. Jesé na̱ʼkha̱ kagu̱u̱n mbá juwiin e̱ji̱i̱n náa Samuel, mú Jeobá na̱nguá má ndiyáaʼ nimbáa. Samuel naraxi: ‹Lá xúgínʼ má jiáma bugi̱ rá.›

Jesé eʼthí: ‹Naguanúu bi̱ itháan lájuíin. Mú xtáa raʼñún mugu̱›. Índo̱ naguwáʼ ku̱ya̱a̱ David, Samuel ndaʼyoo rí mitsiʼyáa. Ikhú Jeobá naʼthí: ‹Ikhaa bugi̱. Atastrámaʼ aceite náa edxu̱u̱›. Samuel naʼni xúʼko̱ kaʼnii. Nda̱wa̱á, David maʼga̱nú mani̱ndxu̱u̱ rey náa Israel.

1 Samuel 17:34, 35; 16:1-13.