Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Libro ndrígóʼ náa na̱ʼkha̱ raʼthí ga̱jma̱a̱ numuu Biblia

NÍʼKHÓO 4

Timbáa rey náa Israel asndu índo̱ nigún kudiin xóo esclavo náa Babilonia

Timbáa rey náa Israel asndu índo̱ nigún kudiin xóo esclavo náa Babilonia

Saúl na̱jkha̱nú nanindxu̱u̱ timbáa rey náa Israel. Mú Jeobá táʼndoo gáʼyoo, ikha jngó David nixtiyáaʼ mu maʼni xtiʼkuriyaaʼ Saúl xóo rey. Mbaʼa rí exkamaa ga̱jma̱a̱ numuu David. Nákha dxámá, nixnamíjna ga̱jma̱a̱ Goliat xa̱bu̱ bi̱ mba̱yi̱i̱ʼ wéñuʼ. Nda̱wa̱á nigájnuu ragáyúu náa rey Saúl xa̱bu̱ bi̱ naxígúu kaʼyoo. Ikhú mbáa a̱ʼgu̱ bi̱ nandxa̱ʼóo májánʼ edxu̱u̱ bi̱ nagumbiʼyuu Abigaíl tániñuʼ rí David maxíyáa mbáa xa̱bu̱.

Nda̱wa̱á gájmañuluʼ itháan ga̱jma̱a̱ numuu Salomón, a̱ʼdióo David, bi̱ niriʼkuriyaʼ David xóo rey náa Israel. Ajtsúun reyes bi̱ nikuwa ginii náa Israel nitañejunʼ 40 tsiguʼ mámbáa. Nda̱wa̱á rí nikháñu Salomón, xuajin ndrígóo Israel niwiʼthíin a̱jma̱ reinos, mbáa reino rígá xígií náa norte ga̱jma̱a̱ imba̱a̱ reino rígá xígií náa sur.

Reino bi̱ naʼtañajunʼ náa mbá 10 xuajin ma̱jkha̱ʼ ndrígóo norte, ndijyúuʼ 257 tsiguʼ nákha xóó xa̱bu̱ asirios tseni gámbáa reino bugi̱. Ikhú, 133 tsiguʼ nda̱wa̱á, reino bi̱ naʼtañajunʼ náa a̱jma̱ xuajen ma̱jkha̱ʼ ndrígóo sur niguma gámbáa ma̱ngaa. Ikhú nigún kudiin israelitas xóo esclavo náa Babilonia. NÍʼKHÓO 4 naʼthí rí nirígá mbá 510 tsiguʼ ga̱jma̱a̱ tsiguʼ rúʼko narígá mbaʼa wéñuʼ rí mitsaan mbuʼyáá.

 

IN THIS SECTION

HISTORIA 56

Saúl timbáa rey náa Israel

Ginii Dios nda̱yáaʼ, mú nda̱wa̱á nánguá nindoo gáʼyoo. Xkridoo Saúl naʼsngúlúʼ mbá ikha dí gíʼdoo numuu.

HISTORIA 57

Dios nda̱yáaʼ David xóo rey

Ndiéjunʼ eʼyoo Dios náa David rí gaʼyee Samuel tséʼyoo rá.

HISTORIA 58

David ga̱jma̱a̱ Goliat

David táxmínaʼ ga̱jma̱a̱ Goliat i̱ndó ga̱jma̱a̱ mbá xkarajtsi, ikhaa nijmuu mbá ajua̱nʼ rí itháan gíʼdoo tsiakii.

HISTORIA 59

Náa numuu egáyúu David

Nákha ginii, Saúl xtáa gagi ga̱jma̱a̱ David, mú nda̱wa̱á nindoo maxíyáa. Náa numuu rá.

HISTORIA 60

Abigaíl ga̱jma̱a̱ David

Abigaíl nixná mbiʼyuu xa̱bu̱ skágunʼ ajmbio̱o̱, mú ikhaa naʼni kríyaaʼ... maski ajndu i̱ndó nguáthá mbiʼi.

HISTORIA 61

David nugíiʼ xóo rey

David nasngájma rí ma̱ndoo mani̱ndxu̱u̱ rey, xó má dí naʼni ga̱jma̱a̱ xó má dí naʼni gaʼduunʼ maʼni.

HISTORIA 62

Narígá xkujndu náa goʼwóo David

David nakudaminaʼ aʼkhá rí mitsáʼkhúun, ga̱jma̱a̱ rígi̱ naʼni marigá xkujndu náa ikhaa ga̱jma̱a̱ náa goʼwóo mba̱yu̱ʼ tsiguʼ.

HISTORIA 63

Rey Salomón bi̱ gíʼdoo wéñuʼ edxu̱u̱

Lá phú gajkhun rí Salomón maxpiʼtáa ada̱ ráʼ.

HISTORIA 64

Salomón naʼni templo

Maski ajndu nijmañuu wéñuʼ, Salomón niʼngu̱u̱n nini̱i̱ mu maʼni mbá dí ra̱májánʼ.

HISTORIA 65

Nawiʼtáa reino

Índo̱ Jeroboán nagíʼdu̱u̱ raʼtáñajunʼ, naʼni rí xa̱bu̱ xuajen ní xúnimbu̱ún xtángoo ndrígóo Dios.

HISTORIA 66

Reina a̱ʼgu̱ Jezabel phú ra̱májánʼ

Nda̱a̱ nditháan dí gárikhoo mu magiʼdoo dí eyoo.

HISTORIA 67

Josafat nakumu̱u̱ kaʼyoo Jeobá

Ndíjkha rí nagún mbá ejército guxmijná ga̱jma̱a̱ ginii egún xa̱bu̱ bi̱ nuni ajmúú rí asndu na̱nguá kuda ajua̱nʼ rá.

HISTORIA 68

Ajmi̱i̱n e̱ji̱n nakuwa mbu̱júu̱

Lá ma̱ndoo mata̱nga̱a̱ maxtáa mbu̱júu̱ xa̱bu̱ bi̱ nikháñu ráʼ. ¡Nirígá má nákha ginii!

HISTORIA 69

Dxáʼgú nambáyuu mbáa xa̱bu̱ nikhi̱i̱

Támiñuu maʼthí, ga̱jma̱a̱ xúʼko̱ ni̱jkha̱nú nirígá mbá milagro.

HISTORIA 70

Jonás ga̱jma̱a̱ e̱gi̱ʼ mba̱a̱

Jonás nijmañuu dí ra̱ʼkhá tháán gíʼdoo wéñuʼ numuu maʼni xó má eʼthúu̱n Jeobá.

HISTORIA 71

Dios nakudaminaʼ maxná mbá Ku̱ba̱ʼ mitsaan

Timbá ku̱ba̱ʼ mitsaan dí nirígá ninindxu̱u̱ lájuíin, mú rígi̱ maʼni náa xúgíʼ tsu̱du̱u̱ Ku̱ba̱ʼ.

HISTORIA 72

Dios nambáyuu Ezequías

Náa mbóó mbruʼun, mbáa ángel nagudíin mbá 185,000 soldados asirios.

HISTORIA 73

Imba̱wíí rey májánʼ náa Israel

Imba̱wíí rey májánʼ náa Israel, Josías niʼne mbá rí ndiyóoʼ mba̱a̱ tsiake.

HISTORIA 74

Mbáa xa̱bu̱ bi̱ na̱nguá miñu

Jeremías nikumu̱u̱ rí dxámá nindxu̱u̱ mu mani̱ndxu̱u̱ gaʼyee, mú Dios ndaʼyoo dí maʼngo̱o̱ maʼni.

HISTORIA 75

Kuwa a̱jkhu̱u̱n jiáma náa Babilonia

Kuwa májánʼ maski na̱nguá kuwa mijngii náa guʼwún.

HISTORIA 76

Naguma gámbáa Jerusalén

Dí numuu rí Dios niniñuʼ xa̱bu̱ sia̱nʼ munigámbun Jerusalén rá.