Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Libro ndrígóʼ náa na̱ʼkha̱ raʼthí ga̱jma̱a̱ numuu Biblia

 HISTORIA 17

Mixtiʼkun e̱ji̱n bi̱ mbó nigumiin

Mixtiʼkun e̱ji̱n bi̱ mbó nigumiin

NÁJMI̱I̱N jiama bi̱ natañún gi̱i̱ ra̱ʼkhá tháán mixtiʼkun, lá ragájkhun ráʼ. Lá natayáá káʼnii mbiʼñún xáʼ. Bi̱ nagudíin xujkhúʼ ni̱ndxu̱u̱ Esaú, ga̱jma̱a̱ dxámá bi̱ ndaʼñún mugu̱ ni̱ndxu̱u̱ Jacob.

Esaú ga̱jma̱a̱ Jacob ninindxu̱ún e̱ji̱i̱n Isaac ga̱jma̱a̱ Rebeca bi̱ mbó nigumiin. Isaac, niniguʼ kaʼyoo Esaú, numuu rí najmañuu nagujtun májánʼ xujkhúʼ ga̱jma̱a̱ na̱ʼkha̱ kagu̱u̱ ganitsu mu̱phu̱ bi̱ kúwi̱i̱n goʼwóo. Mú Rebeca nindoo kaʼyoo itháan Jacob, numuu rí xa̱bu̱ gua̱ba̱ʼ ninindxu̱u̱ nda̱a̱ rí eʼni.

Xóó xtáa ndaʼya xa̱bu̱ nikhi̱i̱ Abrahán, ma̱ndoo mundxaʼwamíjna̱ dí ra̱ʼkhá tháán niniguʼ Jacob maʼdxaun índo̱ xiʼñúʼ niʼthí ga̱jma̱a̱ numuu Jeobá. Abrahán nikháñu índo̱ rí nigiʼdoo 175 tsiguʼ, índo̱ rí jiama bi̱ mbó nigumiin guáʼdaa 15 tsigúnʼ.

Índo̱ Esaú nigiʼdoo 40 tsiguʼ ninigúnʼ gajmíi̱n a̱jmi̱i̱n gu̱ʼu̱ bi̱ kuwa náa ku̱ba̱ʼ ndrígóo Canaán. Rígi̱ niʼni rí maxtáa gíná Isaac ga̱jma̱a̱ Rebeca, numuu rí gu̱ʼu̱ bugi̱ na̱nguá eyamajkuíí Jeobá.

Ikhú, mbóo mbiʼi nirígá mbá rí niʼni makiʼnáa wéñuʼ Esaú kaʼyoo ndxájuu Jacob. Ni̱ʼkha̱nú mbiʼi rí Isaac maʼni tsajkurámááʼ a̱ʼdióo bi̱ nixtáa ginii. Numuu rí Esaú ninindxu̱u̱ giʼnii ki xóo Jacob, Esaú nigi̱ʼthu̱u̱n rí maguma tsajkurámááʼ. Mú Esaú nigujo̱o̱ Jacob rí kaʼyoo maguma tsajkurámááʼ. Ma̱ngaa, índo̱ nigumiin nájmii̱n jiama, Dios niʼthí rí Jacob ni̱ndxu̱u̱ bi̱ maguma tsajkurámááʼ. Ikhaa rígi̱ dí nirígá. Isaac niʼni tsajkurámááʼ a̱ʼdióo Jacob.

Nda̱wa̱á, índo̱ Esaú niʼdxuun rígi̱, nikiʼnáa kaʼyoo Jacob. Ra̱ʼkhá tháán nikiʼnáa wéñuʼ rí asndu niʼthí maxíyáa Jacob. Índo̱ Rebeca niʼdxuun rígi̱, nixmiéjunʼ wéñuʼ. Ikha jngó, niʼthúu̱n ajmbio̱o̱ Isaac: ‹Ra̱ʼkhá tháán gakhi̱i̱ gáʼkha̱ dí muraʼní á mu rí ma̱ngaa Jacob nanigúnʼ gajmíi̱n gu̱ʼu̱ bi̱ kuwa náa Canaán›.

Ikha jngó Isaac nindxa̱ʼóo a̱ʼdióo Jacob niʼthúu̱n: ‹Xátatsiʼgúnʼ gajmiáanʼ gu̱ʼu̱ bi̱ kuwa náa Canaán. Rí phú gátani, ayuʼ náa goʼwóo xiʼñáaʼ Betuel bi̱ xtáa náa Harán. Atatsigúnʼ ga̱jma̱ʼ mbáa aʼdá xíñiiʼ wáxioo Labán›.

Jacob niʼnimbo̱o̱ kaʼyoo anu̱u̱, núkhu má nigájnuu ni̱jkha̱ mitsinguánʼ wéñuʼ náa kúwi̱i̱n a̱ngui̱i̱n náa Harán.

Génesis 25:5-11, 20-34; 26:34, 35; 27:1-46; 28:1-5; Hebreos 12:16, 17.