Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Tsíin lá eni rí nandoo Jeobá rí mbiʼi xúgi̱ rá.

 KÍXNUU 9

Xú káʼnii gándoo muʼnigajmaa itháan májánʼ rí manújngoo náa nagimbáanʼxo rá.

Xú káʼnii gándoo muʼnigajmaa itháan májánʼ rí manújngoo náa nagimbáanʼxo rá.

Camboya

Ucrania

Á mu rí ikháánʼ natanigajmaa Biblia gajma̱ʼ mbáa bi̱ naʼtaraʼa numuu Jeobá, mbáa natanigajmaa ikháánʼ ginii i̱yi̱i̱ʼ rí ma̱ta̱ya̱a̱. Ma̱ngaa nákha xóó tsédxúʼ náa nagimbáanʼxo ma̱ndoo matanigajmaa̱. Rígi̱ mambáyaʼ itháan a mu natani má xúʼko̱.

Atayáá náa mbi̱ʼi̱i̱ ga̱jma̱a̱ náa minaʼ gatanigajmaa. Nguáná gándoo gátaʼgíiʼ edxa̱ʼ mu matanigajmaa itháan májánʼ rá. Miʼcha̱ índo̱ matagíʼdi̱i̱ matiejunʼ, o wakíʼ índo̱ ejñaʼ kuwa má runuʼ ráʼ. Á mu ikháánʼ na̱nguá guapán wéñuʼ, arathá nguátha mba̱yu̱ʼ gatanigajmaa, xátatsiʼñáanʼ rí nimbá marikha̱ʼ matani rígi̱. Ma̱ndoo matanigajmaa náa nda̱a̱ nimbá rí maʼnigajmáʼ o maxkájkia̱nʼ ga̱jma̱a̱ atandijuíʼ radio, televisión ga̱jma̱a̱ teléfono. Á mu ikháánʼ naratajkáan nákha xóó tsitagíʼdi̱i̱ matanigajmaa mambáyaʼ rí ní xátandxaʼwa̱a̱ edxa̱ʼ rí xtáa raʼni maxmiéjuanʼ ga̱jma̱a̱ xúʼko̱ ma̱ndoo mataʼgíiʼ edxa̱ʼ majmañaaʼ rí eʼthí Ajngáa rawunʼ Dios (Filipenses 4:6, 7).

Ataníʼ ajngáa ga̱jma̱a̱ araxtaa xawi mu marata̱ rí nikruaʼaʼ. Ginii gakruaʼaʼ rí eʼkha̱ raʼthí náa xúgíʼ i̱yi̱i̱ʼ. Atatsaʼwáminaʼ ga̱jma̱a̱ numuu título ndrígóo i̱yi̱i̱ʼ o capítulo, atayáá xú káʼnii mámbá subtítulo nambánii ga̱jma̱a̱ xúgíʼ rí eʼkha̱ raʼthí náa i̱yi̱i̱ʼ, atayáá májánʼ xtiʼkhu rí tima náa i̱yi̱i̱ʼ ga̱jma̱a̱ atraxnuu graxe̱ rí naguma nda̱wa̱á kayuʼ náa naʼthí rí gíʼdoo itháan numuu náa i̱yi̱i̱ʼ. Nda̱wa̱á, atraxnuu mámbá ku̱triga ga̱jma̱a̱ atriʼña̱a̱ rí kaʼyoo mámbá graxe̱. Atayááʼ ga̱jma̱a̱ atraxnuu texto náa Biblia rí na̱nguá kiʼniriyaʼ ga̱jma̱a̱ atandxaʼwáá edxa̱ʼ xú káʼnii xtáa rambanii rí eʼkha̱ raʼthí náa texto ga̱jma̱a̱ rí eʼkha̱ raʼthí náa i̱yi̱i̱ʼ (Hechos 17:11). Índo̱ gátaxkamaa ajngáa rí maxtiʼña̱a̱, ataníʼ tikhu ajngáa rí mambáyaʼ marmáʼáan a̱jkia̱nʼ ga̱jma̱a̱ numuu graxe̱. Mu xúʼko, índo̱ gáraxtaa náa nagimbáanʼ ma̱ndoo mataxuxí ñawáanʼ á mu nandaʼ ma̱ngaa ma̱ndoo marata̱ rí nigidaʼ edxa̱ʼ.

Índo̱ gátayaa mbaʼa rí moʼnegajmaa mámbá xmáná náa nagimbáanʼxo, ikháánʼ maraʼdáá nuxi̱ʼ rí matandxaʼwa̱a̱ edxa̱ʼ ma̱ngaa Biblia naʼthí rí gíʼdoo wéñuʼ numuu majmañaaʼ ga̱jma̱a̱ numuu Dios (Mateo 13:51, 52).

  • Xú káʼnii gándoo gatríyaʼ mbiʼi mu matanigajmaa i̱yi̱i̱ʼ rí mbuʼyáá náa nagimbáanʼxo rá.

  • Xú káʼnii gándoo gátanigajmaa mu matriʼña̱a̱n graxe̱ náa nagimbáanʼxo rá.