Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Tsíin lá eni rí nandoo Jeobá rí mbiʼi xúgi̱ rá.

 KÍXNUU 5

Ndiéjunʼ gándoo gátayaa náa nagimbáanʼxo rá.

Ndiéjunʼ gándoo gátayaa náa nagimbáanʼxo rá.

Argentina

Sierra Leona

Bélgica

Malasia

Mbaʼin xa̱bu̱ nuniñanʼ ragún náa guʼwá ndxajkun ndrígu̱ún numuu rí na̱nguá exnún ikha ga̱jma̱a̱ na̱nguá exnún tsiakii rí na̱ʼkha̱ náa Biblia. Ikha jngó, náa numuu rí gíʼmaa mi̱dxu̱ʼ náa nagimbíin bi̱ nutaraʼa numuu Jeobá rá. Ndiéjunʼ gátaxkamaa ikhí rá.

Gagi rí maraxtaa gajmiáanʼ xa̱bu̱ bi̱ nusngajma rí nandún kuyamijná ga̱jma̱a̱ májánʼ a̱jkiún. Nákha timbá siglo, cristianos nikuwa organizados náa mámbá congregación ga̱jma̱a̱ nigimbúun mu mbuyamajkuíí Dios, munigajmaa Escrituras ga̱jma̱a̱ muxnamijná tsiakii mámbíin rí ikhiin (Hebreos 10:24, 25). Nigimbúun gajmiún a̱ngiu̱ún cristianos bi̱ phú nimbáxuun májánʼ wéñuʼ numuu rí nindúún kuñún (2 Tesalonicenses 1:3; 3 Juan 14). Ikháanʼxo nduyaridáá xkri̱da ndrígu̱ún ga̱jma̱a̱ nakuwáanʼxo gagi xó má nikúwi̱i̱n ikhiin.

Mambáyaaʼ á mu rí ikháánʼ najmañaʼ natani xó má eʼkha̱ raʼthí consejo rí naxná Biblia. Xó má nirígá nákha wajyúúʼ, xa̱bekha, go̱ʼo̱ ga̱jma̱a̱ e̱ji̱n nagimbáanʼxo mu mudxáwiin rí ethi xa̱bu̱ bi̱ najmañún itháan rí eʼthí Biblia, ikhiin nusngáa mu makruaʼaxo rí xú káʼnii gúgíiʼ munixo consejo rí eʼkha̱ raʼthí náa Biblia (Deuteronomio 31:12; Nehemías 8:8). Xúgiáanʼ bi̱ nagimbáanʼxo ikhí ma̱ndoo muriʼña índo̱ gúní graxe̱ ga̱jma̱a̱ muni ajmúú cántico, rígi̱ naʼni musngajma fe rí kuáʼdááxo (Hebreos 10:23).

Jeobá naʼni tsajkurámáánʼ índo̱ naʼni itháan gujkhuʼ fe ndrígáló. Nákha nixtáa apóstol Pablo nirígá mbaʼa congregación mu mbóó náa nikunguanʼ i̱yi̱i̱ʼ: “Muri icun nandoʼ mbayaʼla, [...] muri mbo-u muxnamijna[lu] siaqui ri jma numu siaquiyu acunʼlu ri icanʼlu cuaʼda” (Romanos 1:11, 12). Índo̱ ndu̱ñu̱u̱n a̱ngia̱xo náa nagimbáanʼxo naʼni itháan gujkhuʼ fe ndrígáxo ga̱jma̱a̱ nugíiʼ nakúwáanʼxo xó má eʼthí consejo ndrígóo Biblia.

Náa numuu rí tsédxúʼ imbo̱o̱ mbiʼi índo̱ gágimbáanʼxo, mu xúʼko̱ ma̱ta̱ya̱a̱ xú káʼnii nindxu̱u̱ rá. Mutha̱nʼxo dí ra̱ʼkhá tháán májánʼ rí ni̱dxu̱ʼ. Xúrumán á mu na̱dxu̱ʼ náa nagimbáanʼxo ga̱jma̱a̱ na̱nguá e̱nda̱ʼa̱ mbújkha̱a̱.

  • Náa eyaridááxo rí nagimbáanʼxo rá.

  • Xú káʼnii embayaxoʼ á mu najkua náa guʼwá rí nagimbáanʼxo rá.