República Dominicana

Japón

Haití

Índo̱ narígá mbá gamiéjunʼ, bi̱ nutaráʼaxo numuu Jeobá nacha̱ embañúnxo a̱ngia̱xo bi̱ ndañúnʼ mixtambañun. Índo̱ nonexo rúʼko̱ nusngajmáxo rí nandaxoʼ kuyamíjna gajkhun (Juan 13:34, 35; 1 Juan 3:17, 18). Xú káʼnii embañunxo rá.

Numbañúnxo ga̱jma̱a̱ mbújkha̱a̱. Cristianos bi̱ nikuwa náa xuajin Antioquía nixuʼma mbújkha̱a̱ mu mumbañún a̱ngiu̱ún bi̱ nuni ñajunʼ Dios, bi̱ nikúwi̱i̱n náa xuajin Judea nákha nirígá wéñuʼ ewiʼ (Hechos 11:27-30). Xúʼko̱ má xúgi̱, índo̱ nudxáwinxo rí a̱ngia̱xo kúwi̱i̱n numiniʼ náa imba̱ níʼkhá xuajen, nuxuʼmáxo mbújkha̱a̱ rí nuxnaxo náa congregación ndrígáxoʼ mu majmúún náa ndañúnʼ (2 Corintios 8:13-15).

Numbáñunxo asndu ndiéjunʼ má rí eñúnʼ. Bi̱ kuya̱ edxu̱u̱ náa congregación, bi̱ kuwa náa nirígá gamiéjunʼ nduñínʼ xúgínʼ bi̱ kúwi̱i̱n náa congregación ndrígu̱ún ga̱jma̱a̱ nduyáá á mu nda̱a̱ rí nigíʼnii. Mbáa comité bi̱ nambáñun a̱ngia̱lo ndayá awan mu maxnún ganitsu, iyaʼ ga̱jma̱a̱ xtíin, xúʼko̱ má rí maguma thanún ga̱jma̱a̱ guʼwá náa maguanún a̱ngia̱xo. Mbaʼin xa̱bu̱ bi̱ nutaraʼa bi̱ najmañún muni guʼwá nagún gúmbañún a̱ngia̱xo muni̱i̱la guʼwún o muni̱i̱ Guʼwá náa nagimbíin, ikhiin má eni numáá pasaje ndrígu̱ún. Dí nambáyaxoʼ muñajunʼ nacha̱ índo̱ narígá gamiéjunʼ nindxu̱u̱ rí nuñajunʼxo mbóó mu mumbáñun a̱ngia̱xo. Numbañún a̱ngia̱xo “su huaʼda siaquiyu aʼcuñu” xóo ikháanʼ, ma̱ngaa numbañún iʼwíínʼ bi̱ guáʼdáá imbo̱o̱ religión índo̱ nandoo (Gálatas 6:10).

Nuxnún tsiakii ga̱jma̱a̱ Biblia ma̱ngaa numbáñunxo rí xákuwa gíná. Rí phú ndañúnʼ a̱ngia̱xo bi̱ nigiʼnin gamiéjunʼ rí mixnún tsiakii. Mbiʼi rúʼko̱ Jeobá “Dios su naʼnila” a̱jkiún (2 Corintios 1:3, 4). Ikha jngó, xa̱bu̱ bi̱ naxmiéjunʼ wéñuʼ nusngajmúnxo rí naʼthí náa Biblia dí Reino ndrígóo Dios maʼni gámbáa gamiéjunʼ rí naʼni marigá gaʼkhu̱ ga̱jma̱a̱ tsingíná (Rí huasjŋgajma Juan 21:4).

  • Ndíjkha rí bi̱ nutaráʼaxo numuu Jeobá nandoo nonexo nacha̱ ñajunʼ índo̱ narígá mbá gamiéjunʼ rá.

  • Ndiéjunʼ gándoo gíʼthún ga̱jma̱a̱ numuu Biblia xa̱bu̱ bi̱ nikáwíin náa gamiéjunʼ rá.