Atambaʼtaa mu matraxnuu

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

Atraʼwíí ajngáa me̱ʼpha̱a̱

 KÍXNUU 20

Xú káʼnii eñajunʼ Mbá nguathi̱i̱n bi̱ Guáʼdáá mbá ñajunʼ rá.

Xú káʼnii eñajunʼ Mbá nguathi̱i̱n bi̱ Guáʼdáá mbá ñajunʼ rá.

Cuerpo Gobernante nákha timbá siglo

Nuraxnuu mbá carta ndrígu̱ún bi̱ Cuerpo Gobernante

Nákha timbá siglo, mbá nguathi̱i̱n xa̱bu̱ bi̱ ninindxu̱ún “apóstoles” ga̱jma̱a̱ bi̱ niyégun edxu̱u̱ náa congregación dí nirígá náa xuajen Jerusalén bi̱ nixna ikha ga̱jma̱a̱ numún bi̱ kaxtaʼwíin índo̱ nirígá mbá rí gíʼdoo wéñuʼ numuu muni (Hechos 15:2). Índo̱ ndayóoʼ muriyaaʼ mbá awan, ginii nduyáá rí naʼthí náa Escrituras ga̱jma̱a̱ nuniñami̱jna̱ rí espíritu ndrígóo Dios maxnún ikha (Hechos 15:25). Rí mbiʼi xúgi̱, xa̱bu̱ bi̱ nuxna ikha nagumbiʼñún Mbá nguathi̱i̱n bi̱ Guáʼdáá mbá ñajunʼ, ikhiin nduyaridáá xkri̱da xó má nini nákha wajyúuʼ.

Dios najmiu xa̱bu̱ bugi mu maʼnimbánuu rí nandoo. A̱ngiu̱xu bi̱ kaxtaʼwíin bi̱ ñajúnʼ Mbá nguathi̱i̱n bi̱ Guáʼdáá mbá ñajunʼ nduyáá rí gíʼdoo wéñuʼ numuu Ajngá rawunʼ Dios ga̱jma̱a̱ najmañún wéñuʼ nuxna ikha náa ñajunʼ ndrígóo Dios. Mámbá xmáná nagimbíin mu mbuyáá májánʼ rí ndañúnʼ a̱ngia̱lo náa xúgíʼ tsu̱du̱u̱ numbaaʼ. Xó má niguma nákha timbá siglo, xúʼko̱ má xúgi̱ nuxnún ikha rí na̱ʼkha̱ náa Biblia, nguáná najmún carta o najmiún superintendentes viajantes ga̱jma̱a̱ iʼwíínʼ a̱ngia̱lo. Xúʼko̱ numbañún bi̱ ñajúnʼ xa̱bi̱i̱ Dios mu mbrigu gundxaʼwamijna ga̱jma̱a̱ muñajunʼ mbá kambáxuun (Hechos 16:4, 5). Xúʼko̱ má gajkuáa ñawúunʼ dí muni májánʼ i̱yi̱i̱ʼ rí na̱ʼkha̱ náa ajngáa rawunʼ Dios, ga̱jma̱a̱ muni rí miʼtáraʼa numuu Reino ma̱ngaa nundrigi̱i̱n angialo bi̱ muyegun edxu̱u̱.

Nuni xó má ikha rí naxnún espíritu ndrígóo Dios. Mbá nguathi̱i̱n bi̱ Guáʼdáá mbá ñajunʼ nduyáaʼ ikha ndrígóo Jeobá bi̱ niʼni Xúgíʼ dí rígá, ga̱jma̱a̱ Jesús bi̱ Kayá edxu̱u̱ náa congregación (1 Corintios 11:3; Efesios 5:23). Ikhiin na̱nguá enimijna xóo xa̱bu̱ ede̱ náa xuajñu Dios. Xó má nuni xúgínʼ cristianos bi̱ kaxtaʼwíin, “nago quidxuʼ su Aʼda Mugu jndo naʼ-u eʼca” (Rí huasjŋgajma Juan 14:4). Mbá nguathi̱i̱n bi̱ Guáʼdáá mbá ñajunʼ nuxna̱a̱ núma̱aʼ índo̱ nuʼtájkháan ga̱jma̱á numún ma̱ngaa ñajunʼ rí nuni.

  • Tsíin lá ni̱ndxu̱ún bi̱ nixna ikha nákha timbá siglo rá.

  • Rí mbiʼi xúgi̱, xú káʼnii eyáaʼ ikha ndrígóo Dios Mbá nguathi̱i̱n bi̱ Guáʼdáá mbá ñajunʼ rá.