Atambaʼtaa mu matraxnuu

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

Atraʼwíí ajngáa me̱ʼpha̱a̱

 GRAXE̱ 7

Ndiéjunʼ gáni á mu nutsudún mabo̱ʼ gajmíi̱nʼ xá.

Ndiéjunʼ gáni á mu nutsudún mabo̱ʼ gajmíi̱nʼ xá.

NDÍJKHA GÍʼDOO NUMUU

Rí gátraʼwíí matani xúgi̱ nindxu̱u̱ xóo gáraxtaa nda̱wa̱á.

NDIÉJUNʼ GÁTANI IKHÁÁNʼ RÁ.

Atatsaʼwáminaʼ rígi̱: Sandra ga̱jma̱a̱ Marcos kuwa ragájnun ndiʼkhún a̱jma̱ igu̱nʼ, mú Sandra naku̱mu̱u̱ xóo rí nikuwa má mba̱yu̱ʼ wéñuʼ. Mbá xúgíʼ mbiʼi nuxuʼma mensajes ga̱jma̱a̱ nutamijná náa teléfono, ma̱ngaa asndu nduyáá ndiéjunʼ guthi índo̱ gámbu̱u̱n rutamijná. Mú Marcos raʼkháa i̱ndó nandoo maʼtámijna ga̱jma̱a̱.

Rí xúgi̱, Marcos ga̱jma̱a̱ Sandra i̱ndó nurajtuun ñawúunʼ ga̱jma̱a̱ nguáná naʼphu̱ rawúnʼ. Sandra tsíyoo gaʼni itháan, mú ma̱ngaa tsíyoo maʼnimbáti̱ga̱a̱ Marcos. Nimbáa tséʼthúu̱n rí tsiʼyáa ga̱jma̱a̱ rí gíʼdoo numuu. Ikhaa nandxa̱ʼwáminaʼ: “Marcos ga̱jma̱a̱ ikhúúnʼ nanduxu kuyamíjna̱, lá na̱nguá ráʼ.”

Á mu xtaʼdáá má tsiguaʼ mu magajnáʼ ga̱jma̱ʼ mbáa ga̱jma̱a̱ á mu xtaa xó má Sandra, ndiéjunʼ rí gátraʼwíí matani rá.

ATATSAʼWÁMINAʼ MBÉGU̱ʼ

Rí mataba̱ʼ ga̱jma̱a̱ mbáa nindxu̱u̱ mbá regalo rí naxnún Dios i̱ndó xa̱bu̱ bi̱ nidamijná má. Á mu natani wapháá rí xóó tséyáa mbáa xa̱bu̱ nandoo gáʼthúu̱n rí tsetayamajkuíí regalo rí nikhánaʼ. Nindxu̱u̱ xóo rí mbáa naxnáʼ mbá camisa mitsaan ga̱jma̱a̱ ikháánʼ najmaʼ mu matani kaʼwi̱i̱.

Á mu ikháánʼ nakixi̱i̱n náa mbá ixi̱ ga̱jma̱a̱ nandaʼ mi̱dxu̱ʼ xóo mbáa ñu̱ʼu̱, matamíniiʼ wéñuʼ. Xúʼko̱ má kaʼnii gátagiʼnii á mu nanújngorámáánʼ xtángoo ndrígóo Dios, xóo rí mataba̱ʼ ga̱jma̱ʼ mbáa bi̱ tíyáa (1 Tesalonicenses 4:3).

Ndiéjunʼ garigá á mu tsétatsimbaaʼ xtángoo rígi̱ rá. Náa Biblia naʼthí: Bi̱ “nakudaminaʼ aʼkhá ga̱jma̱a̱ mbáa, xtáa raʼni gachúu xúgíʼ xuyuʼ” (1 Corintios 6:18). Ndiéjunʼ eyoo gáʼthúu̱n rígi̱ rá.

 Mbaʼa estudios rí niguma nasngájma rí mbaʼin jiáma ga̱jma̱a̱ wa̱ʼxa̱ʼ bi̱ nubúunʼ gajmiún mbáa nákha xóó tsedamijná numíniiʼ xóo rí naʼthí gi̱jyooʼ:

  • NAʼNI GAWÚUNʼ EDXÚN. Mbaʼin jiáma ga̱jma̱a̱ wa̱ʼxa̱ʼ bi̱ nibúunʼ gajmiún mbáa nákha xóó tsedamijná nuthi rí nagáwiinʼ a̱jkiu̱ún ga̱jma̱a̱ numuu rí nini.

  • NÁNGUÁ ENIMBU̱ÚN KUYAMIJNÁ. Nda̱wa̱á rí nini aʼkhá, tikhun nuraximíjna̱ tsáa lá imba̱a̱ nibóo̱ʼ ga̱jma̱a̱ bi̱ ndi̱ya̱a̱ rá.

  • NÁNDÁA RÍ GUÁʼTHI̱I̱N. Mbaʼin wa̱ʼxa̱ʼ nandún makuwá gajmiún mbáa bi̱ ma̱ndoo mañewu̱u̱n, raʼkháa mbáa bi̱ xkawiiʼ a̱jkiu̱u̱n. Ga̱jma̱a̱ mbaʼin jiáma nánguá enigu̱nʼ kuñún wa̱ʼxa̱ʼ bi̱ tseyamajkumijná.

  • Mu mambúlú: Á mu nataxúdaminaʼ aʼkhá nákha xóó tséyáa nimbáa xa̱bu̱, xatayamajkuminaʼ (Romanos 1:24). Xuyaaʼ ra̱ʼkhá tháán gíʼdoo numuu. ¡Maxáraxna!

Atasngájma rí xtaʼdáá tsiakii mu xátaxuʼdáminaʼ aʼkhá nákha xóó tséyáa xa̱bu̱ (1 Tesalonicenses 4:3). Índo̱ gíyáa mbáa xa̱bu̱ ikhú ma̱ndoo matani. Ga̱jma̱a̱ ikhú ní xágawúunʼ edxa̱ʼ, xaxmiéjuanʼ ga̱jma̱a̱ xagáwiinʼ a̱jkia̱nʼ, rígi̱ nugíʼnii bi̱ nuni aʼkhá nákha xóó tsedamijná (Proverbios 7:22, 23; 1 Corintios 7:3).

 NDIÉJUNʼ TATSAʼWÁMINAʼ RÁ.

  • Á mu mbáa nandoo kaʼyaʼ, lá ragájkhun rí maʼndoo maraxtaa májánʼ xáʼ.

  • Ga̱jma̱a̱ á mu gajkhun mbáa naxmiéjunʼ ga̱jma̱a̱ numaʼ, lá manda̱ʼa̱ʼ matani mbá rí maʼni gachúu rí nambáxa̱ʼ ga̱jma̱ʼ Dios ráʼ. (Hebreos 13:4.)