Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Guni rí Dios ma̱ndoo kaʼyala

 APÉNDICE

Dí nagájnuu náa a̱jkhu̱ enii dí gíʼdoo eʼdi ga̱jma̱a̱ dí najmún médicos

Dí nagájnuu náa a̱jkhu̱ enii dí gíʼdoo eʼdi ga̱jma̱a̱ dí najmún médicos

Dí nagájnuu náa a̱jkhu̱ enii dí gíʼdoo eʼdi. A̱jkhu̱ rí gíʼdoo eʼdi nindxu̱u̱: Glóbulos rojos, glóbulos blancos, plaquetas ga̱jma̱a̱ plasma. Náa glóbulos rojos nagájnuu mbá proteína dí mbiʼyuu hemoglobina. Hemoglobina, ndrígóo xa̱bu̱ o xujkhúʼ, najmaa mu maguma thana dí majmúún bi̱ guáʼdáá anemia aguda ga̱jma̱a̱ bi̱ nagadíí wéñuʼ eʼdiún.

I̱ʼwáʼ nagájnuu náa plasma, plasma rígi̱ gíʼdoo mbá 90% iyaʼ ga̱jma̱a̱ mbaʼa wéñuʼ hormonas, sales inorgánicas, enzimas ga̱jma̱a̱ nutrientes xó má minerales ga̱jma̱a̱ azúcares. Plasma ma̱ngaa gíʼdoo mbá rí nayambáá dí xágadíí wéñuʼ eʼdi, proteínas xó má albúmina ga̱jma̱a̱ rí nayambáá mu xáʼni nandii. Índo̱ mbáa xa̱bu̱ gamíi maʼniuu nandii, nutháán dí magu inyección ndrígóo gammaglobulina, rígi̱ nambáyúu mu xáʼniuu nandii rí nagájnuu náa plasma ndrígu̱ún xa̱bu̱ bi̱ nida má thana. Ga̱jma̱a̱ náa glóbulos blancos nagájnuu xó má interferones ga̱jma̱a̱ interleuquinas, dí naguma thanáá nandii dí narígá ga̱jma̱a̱ numuu mbá virus ga̱jma̱a̱ cáncer.

Lá ma̱ndoo bi̱ ni̱ndxu̱ún cristianos mudrigú tratamientos dí nagájnuu náa a̱jkhu̱ enii dí gíʼdoo eʼdi ráʼ. Náa Biblia tséʼthi mbájmbu ga̱jma̱a̱ numuu rígi̱, ikha jngó mámbáa gíʼmaa maraʼwíí dí maʼni náa inuu Dios xó ma eʼthúu̱n conciencia ndrígóo. Tikhun  tséndrigú nditháan dí nagájnuu náa a̱jkhu̱ enii dí gíʼdoo eʼdi, nundxaʼwamíjná rí índo̱ Dios nixnúún xtángoo xa̱bu̱ israelitas, niʼthún rí eʼdiún xujkhúʼ bi̱ nuradíin ‹gíʼmaa muxidíri̱ga̱ mbayííʼ› (Deuteronomio 12:22-24). Mú kuwa eʼwíínʼ bi̱ maski ajndu tséndrigú mbawíí eʼdi o a̱jkhu̱ dí phú gíʼdoo eʼdi, mú nundrigú tratamiento dí nagájnuu náa a̱jkhu̱ enii dí gíʼdoo eʼdi, numuu rí nduyáá dí rígi̱ nánguá nindxu̱u̱ vida náa nigájnuu.

Nákha xóó tséraʼwíí dí muʼni, guraximíjna̱: “Lá nakroʼoʼ rí á mu tsígruígú rí nagájnuu náa a̱jkhu̱ enii rí gíʼdoo eʼdi, xtáá rani̱ gaʼduunʼ xúgíʼ thana rí gíʼdoo mbá chíʼgíʼ rí na̱ʼkha̱ náa eʼdi, xó má thana dí najmaa mu xáʼniulu wéñuʼ nandii o mu mambáyulúʼ dí xágadíí wéñuʼ eʼdiulú ráʼ. Lá majmañuʼ mathu̱u̱n mbáa médico ndíjkha dí nani gaʼduunʼ o magruigú mbá o mbaʼa dí nagájnuu náa a̱jkhu̱ enii dí gíʼdoo eʼdi ráʼ.”

A̱jma̱ enii rí najmún médicos. Ikhaa nindxu̱u̱ hemodilución ga̱jma̱a̱ rí nuni kaʼwi̱i̱ eʼdi. Hemodilución ñajunʼ rí nuxníka eʼdi ga̱jma̱a̱ ikhí nuni expansor ndrígóo plasma ma̱ngaa nda̱wa̱á nuxuda̱a̱ má náa xa̱bu̱. Ga̱jma̱a̱ rí nuni kaʼwi̱i̱ eʼdi nindxu̱u̱ índo̱ naguma operación, eʼdi rí nagadíí náa nuthii mbáa nagixi̱i̱ mu maguma kaʼwi̱i̱ ga̱jma̱a̱ nda̱wa̱á nuxuda̱a̱ má náa xa̱bu̱. Nájma̱ rígi̱ ma̱ndoo maʼni mixtiʼkhu náa mámbáa doctor, ikha jngó mbáa cristiano gíʼmaa maraxu̱u̱ médico ndrígóo xóo endxa̱ʼwáminaʼ maʼni thanuu.

Índo̱ gáʼyóóʼ muraʼwíí nájma̱ rígi̱ muʼni, gíʼmaa muraximíjná: “Á mu eʼdiuʼ nagájnuu ga̱jma̱a̱ narígá mbégu̱ʼ rexa̱a̱, lá  maniñuʼ conciencia ndrígóʼ rí nijuiʼsngáá ga̱jma̱a̱ Biblia rí eʼdi rúʼko̱ kaʼyoʼ xóó ikhúúnʼ ga̱jma̱a̱ tséʼyóóʼ má ‹maxidíri̱ga̱ mbayííʼ› ráʼ.” (Deuteronomio 12:23, 24). “Lá xáʼni gawúunʼ conciencia ndrígóʼ rí muriyaʼ eʼdi ndrígóʼ mu muni kaʼwi̱i̱ ga̱jma̱a̱ nda̱wa̱á muxudu̱u̱nʼ mbu̱júu̱ xáʼ. Lá nakroʼoʼ rí á mu nani gaʼduunʼ xúgíʼ rí najmún médicos náa ndayóoʼ majmúún eʼdiuʼ nandoo gáʼthi rí xtáá rani gaʼduunʼ xó má dí muriyaʼ eʼdiuʼ mú mbuyáá káʼnii gíʼdoo, hemodiálisis ga̱jma̱a̱ bomba de circulación extracorpórea ráʼ.”

 Mámbáa cristiano kaʼyoo maʼthúún médico ndiéjunʼ gíʼmaa magumaa ga̱jma̱a̱ eʼdiuu índo̱ gárígá mbá operación. Xúʼko̱ má ma̱ngaa índo̱ gárígá estudio ndrígóo eʼdi ga̱jma̱a̱ terapias dí ndayóoʼ magajnúu eʼdi ga̱jma̱a̱ mata̱ʼa̱a̱ mbu̱júu̱ mbá chíʼgíʼ eʼdi, mbáa nda̱wa̱á rí niguma kaʼwi̱i̱.