Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Guni rí Dios ma̱ndoo kaʼyala

Mbá carta ndrígóo Cuerpo Gobernante

Mbá carta ndrígóo Cuerpo Gobernante

Xúgínʼ bi̱ nandún kuyáá Jeobá:

Jesús niʼthí: “[Ikháanʼ] muninuhuinla ri gako, jame ri gako maʼnejahuiñaʼla” (Juan 8:32). ¡Ra̱ʼkhá tháán exnulú tsiakii ajngáa rígi̱! Xúʼko̱, dí gajkhun rígá mijngii náa ikháanʼ maski ajndu kuwáanʼ mbiʼi mingíjyúuʼ wéñuʼ, rí “iwáá mbiʼi” dí rígá wéñuʼ rí minduwaʼ (2 Timoteo 3:1). Mbáa narmáʼáan a̱jkiu̱lú dí ra̱ʼkhá tháán gagi ninindxu̱u̱ índo̱ nijmañulúʼ dí gajkhun rí naʼthí náa Ajngá rawunʼ Dios. ¡Ra̱ʼkhá tháán mitsaan!

Mú raʼkháa i̱ndó ndayóoʼ muniʼnuʼ májánʼ rí gajkhun ga̱jma̱a̱ rí muʼtáraʼa xúgíʼ mbiʼi. Gíʼdoo numuu rí makuwáanʼ ga̱jma̱a̱. Xúʼko̱, gíʼmaa muʼni rí Dios ma̱ndoo kaʼyulú má xúʼko̱. Mú, xú káʼnii gándoo gúʼni mu ma̱ndoo kaʼyulú xá. Mbruʼun nákha inu makhañúu Jesús niʼthí xú káʼnii, índo̱ niʼthún apóstoles ndrígóo: “Xi munimbanila ri natañajunloʼ, maʼne akianʼla juyamijna, xoma ri naʼne akuinʼ Ikun-jayaʼla, xoma ri ninimbanuloʼ mangun ri niʼtañajuinʼ Tateʼ, jame naʼne akuinʼ-jayo xoma ri naʼne akuin Ika-jaʼyeʼ” (Juan 15:10).

Lá ndiʼyáá xú káʼnii niʼni Jesús mu Dios ma̱ndoo kaʼyoo má xúʼko̱ ráʼ. Niʼnimbo̱o̱ rí niʼthí Anu̱u̱. Ga̱jma̱a̱ xúʼko̱ má gíʼmaa muʼni mangáanʼ. Mu Dios ma̱ndoo kaʼyulú má xúʼko̱, gíʼmaa maxnúlúʼ ikha rí gajkhun náa xúgíʼ rí gúʼni. Xó má niʼthí Jesús mbruʼun rúʼko̱: “Xi namañaʼla ri nitanʼla guejio majuhuala gagui xi xkuaʼni gunila” (Juan 13:17).

Nandulúʼ wéñuʼ dí libro rígi̱ mambáyulúʼ xúgiáanʼ mu muʼgíʼ muʼni rí gajkhun ga̱jma̱a̱ xúʼko̱ gúʼni rí Dios ma̱ndoo kaʼyulú ga̱jma̱a̱ “maʼni makuwáanʼ kámuu mbiʼi nda̱wa̱á” (Judas 21).

Cuerpo Gobernante ndrígu̱ún bi̱ nutaraʼa numuu Jeobá