Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Ajngáa rí májánʼ na̱ʼkha̱ náa Dios

 KÍXNUU 9

Xú káʼnii gándoo makuwa gagi xa̱bu̱ bi̱ kuwa náa mbá guʼwíin rá.

Xú káʼnii gándoo makuwa gagi xa̱bu̱ bi̱ kuwa náa mbá guʼwíin rá.

1. Náa numuu rí ndayóoʼ munigu̱nʼ a̱jmi̱i̱n xa̱bu̱ bi̱ kuwa mbóó mu makuwa gagi rá.

Ajngáa rí májánʼ na̱ʼkha̱ náa Jeobá, ikhaa ñajunʼ mbáa Dios gagi, ikhaa nandoo rí mbá guʼwíin makuwa gagi (1 Timoteo 1:11). Ikhaa bi̱ niʼni rí munigu̱nʼ timbíin xa̱bu̱ bi̱ nikuwa. Índo̱ mbáa xa̱biya̱ ga̱jma̱a̱ mbáa a̱ʼgu̱ nunigu̱nʼ xóo má e̱nda̱ʼa̱ Xa̱bu̱ Ñajunʼ, ikhiin nakuwa gagi gajmiún e̱jñún ga̱jma̱a̱ nandún kuyamijná. Índo̱ cristianos nunigu̱nʼ gíʼmaa manújngun náa registro civil xó má eʼthí náa xtángoo dí rígá náa xuajñún. Atraxnuu Lucas 2:1, 4, 5.

Xú káʼnii eʼyoo Dios ga̱jma̱a̱ numún xa̱bu̱ bi̱ ninigu̱nʼ rá. Jeobá nandoo rí makuwíin má xúʼko̱ a̱jmi̱i̱n xa̱bu̱ mbo ninigu̱nʼ. Jeobá tsíyoo rí mbáa xa̱biya̱ maʼninduwaʼ a̱ʼgiu̱u̱ ga̱jma̱a̱ imba̱a̱ a̱ʼgu̱ ga̱jma̱a̱ xúʼko̱ má a̱ʼgu̱ ragíʼmaa maʼninduwaʼ ajmbio̱o̱ ga̱jma̱a̱ imba̱a̱ xa̱bu̱ (Hebreos 13:4). Ikhaa tsíyoo gáʼyoo nditháan divorcio (Malaquías 2:16). Mú Jeobá naniñuʼ rí Cristianos muniñamijna̱a̱ ga̱jma̱a̱ munigu̱nʼ o munuju̱nʼ mbu̱júu̱ á mu mbáa dí ikhiin nakudaminaʼ aʼkhá ga̱jma̱a̱ imba̱a̱ xa̱bu̱ kaníí. Atraxnuu Mateo 19:3-6, 9.

2. Xú káʼnii gíʼmaa makuwíin xa̱bu̱ bi̱ ninigu̱nʼ rá.

Jeobá niʼnii xa̱biya̱ ga̱jma̱a̱ a̱ʼgu̱ mu mumbayumijna̱ nájmi̱i̱n (Génesis 2:18). Bi̱ kayá edxu̱u̱ náa guʼwá kaʼyoo maxnún rí ndañúnʼ bi̱ kúwi̱i̱n náa goʼóo ga̱jma̱a̱ maʼsngúún numuu Dios. Xa̱biya̱ ra̱gíʼmaa maxmiéjunʼ rí maxtáa gagi i̱ndó ikhaa, rí phú itháan gíʼmaa maʼni rí maʼndoo kaʼyoo a̱ʼgiu̱u̱ ga̱jma̱a̱ gíʼmaa maʼni tsiekiminaʼ rí maxtáa gagi a̱ʼgiu̱u̱. Xa̱bekha ga̱jma̱a̱ gu̱ʼu̱ bi̱ ninigu̱nʼ ndayóoʼ rí maʼndún kuyamijná ga̱jma̱a̱ mbuyamajkumijná nájmi̱i̱n. Xúgínʼ xa̱bu̱ bi̱ nunigu̱nʼ nindxuún xa̱bu̱ aʼkhá, ikha jngó gíʼmaa rí majmañún muni mba̱a̱ a̱jkiu̱ún kuyamijná, mu xúʼko̱ ma̱ndoo makuwa gagi nájmi̱i̱n. Atraxnuu Efesios 4:31, 32; 5:22-25, 33, ga̱jma̱a̱ 1 Pedro 3:7.

 3. Lá gíʼmaa matatsiʼñáanʼ a̱ʼgia̱ʼ o ajmbiaʼ á mu ikháánʼ na̱nguá xtaa gagi ráʼ.

Á mu ikháanʼ kuaʼdáá xkujndu, nájmáanʼ dí ikháanʼ gíʼmaa rí muni mbá tsiakii mu mutamíjna ga̱jma̱a̱ májánʼ (1 Corintios 13:4, 5). Ajngá rawunʼ Dios na̱nguá eʼthí rí muniñamijna̱ a̱jmi̱i̱n xa̱bu̱ bi̱ ninigu̱nʼ á mu guáʼdáá xkujndu dí ramingíjyúu. Atraxnuu 1 Corintios 7:10-13.

4. E̱ji̱n, xú káʼnii eyoo Dios rí makuwáanʼ rá.

Jeobá nandoo rí maraxtaa gagi. Ikhaa naxná consejo rí itháan májánʼ mu maraxtaa gagi nákha xóó nindxa̱ʼ mbáa ndxáma o ndxáʼgú. Ikhaa nandoo rí ikháánʼ majmañaaʼ dí xú káʼnii eguwáʼ rakuwa ana̱ʼ ga̱jma̱a̱ ru̱dáʼ, mu xúʼko̱ majmañaaʼ mangáán (Colosenses 3:20). Jeobá nandoo matani ga̱jma̱a̱ gagi rí eʼthí Dios ndrígáʼ bi̱ niʼnín ikháánʼ ga̱jma̱a̱ Jesús. Atraxnuu Eclesiastés 11:9–12:1; Mateo 19:13-15, ga̱jma̱a̱ 21:15, 16.

5. Xa̱bu̱ bi̱ guáʼdiin e̱ji̱n, ndiéjunʼ gíʼmaa muni ikháanʼ mu e̱jña̱la makuwa gagi rá.

Ikháanʼ gíʼmaa muñajunʼ gakhi̱i̱, mu muxniʼtsun bi̱ kuwa náa guʼwálaʼ, mutsi xtíñún, ga̱jma̱a̱ muxnu̱u̱n mbá guʼwá náa makuwíin (1 Timoteo 5:8). Mu e̱jña̱laʼ makuwa gagi, ikháanʼ mangáanʼ gíʼmaa rí musngúún rí maʼndún kuyáá Dios ga̱jma̱a̱ majmañún itháan ga̱jma̱a̱ numuu ikhaa (Efesios 6:4). Á mu ikháanʼ nandalaʼ ku̱ya̱a̱ Jeobá ga̱jma̱a̱ xúgíʼ a̱jkia̱laʼ, e̱jña̱la muni xúʼko̱ mangiin. Índo̱ gárathu̱u̱n rí gíʼmaa muni ejñaan, arathún ga̱jma̱a̱ rí eʼkha̱ raʼthí náa Biblia, mu xúʼko̱ matambáñun manindxu̱ún xa̱bu̱ míjínʼ. Atraxnuu Deuteronomio 6:4-7 ga̱jma̱a̱ Proverbios 22:6.

Asndu májánʼ eʼni a̱jkiún e̱jña̱laʼ índo̱ ikháanʼ nutu̱u̱n dí ra̱ʼkhá tháán májánʼ rí kuwa runi. Gíʼmaa rí muxprigun índo̱ kuwa runi dí ra̱májánʼ. Mu e̱jña̱laʼ xaguaʼdáá xkujndu nda̱wa̱á, ndayóoʼ rí mataxprigun asndu nákhi xúgi̱ mu xúʼko̱ ikhiin makuwa gagi (Proverbios 22:15). Mú índo̱ ikháanʼ guxprigun e̱jña̱laʼ, ragíʼmaa muni rí asndu muni gíníín mbanda̱ʼkho wéñuʼ. Atraxnuu Colosenses 3:21.

Bi̱ nutaraʼa numuu Jeobá nurawíi mbaʼa libro rí phú mambañuun xa̱bu̱ bi̱ guáʼdiin e̱ji̱n ga̱jma̱a̱ mu mambañuun e̱ji̱n mangiin. Xúgíʼ libro rígi̱ naʼthí xóo má eʼkha̱ raʼthí náa Biblia. Atraxnuu Salmo 19:7, 11.