Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Xóo kúwi̱i̱n ga̱jma̱a̱ xóo Etaraʼa Cristianos  |  Marzo tsiguʼ 2017

 XÓO KUWÁANʼ BI̱ NI̱NDXU̱LÚ CRISTIANOS

Xú káʼnii gájma̱ʼ folleto Atadxawíín Diúu̱

Xú káʼnii gájma̱ʼ folleto Atadxawíín Diúu̱

Folleto Atadxawíín Diúu̱ nigumaratáá mu mambáyulúʼ muʼsngúún xa̱bu̱ bi̱ naʼniún mingíjyúuʼ muraxnuu. I̱yi̱i̱ʼ rígi̱ kagu̱ mbaʼa xtiʼkhuu rí mambáyúu xa̱bu̱ makro̱ʼo̱o̱ kiʼsngáa rí gíʼdoo numuu rí na̱ʼkha̱ náa Biblia. Mámbá kíxnuu kagu̱ a̱jma̱ ináa ga̱jma̱a̱ tima xtiʼkhu rí nigumaratáá májánʼ ma̱ngaa tima flechas rí maʼga̱ kañán náa imbo̱o̱ xtiʼkhu.

Folleto Atadxawíín Diúu̱ ga̱jma̱a̱ araxtaa kámuu mbiʼi tima ikháá má xtiʼkhu rí na̱ʼkha̱ náa folleto Atadxawíín Diúu̱, mú kagu̱ itháan ajngáa. Xa̱bu̱ bi̱ nuraxnuu itháan májánʼ ma̱ndoo munigajmaa ga̱jma̱a̱ folleto rígi̱. Ma̱ngaa i̱yi̱i̱ʼ rígi̱ najmún bi̱ nusngáa maski ajndu bi̱ najuiʼsngáá najmuu folleto Atadxawíín Diúu̱. Tikhu ináa kagu̱ kúgumaʼá náa naʼthí i̱ʼwáʼ rí ma̱ndoo musngajmáá xa̱bu̱ á mu kaʼnii ma̱ndoo.

Ma̱ndoo muxnaxí folleto rígi̱ asndu xú káʼnii má gu̱nʼ. Índo̱ nuʼsngáa ga̱jma̱a̱ numuu Biblia, gajmaaʼ xtiʼkhu mu marata̱ rí na̱ʼkha̱ náa Biblia. Atani̱i̱ graxe̱ bi̱ narasngáá mu ikhaa mariʼña̱a̱ ga̱jma̱a̱ ma̱ta̱ya̱a̱ á mu nakro̱ʼo̱o̱ rí xtáa rajmañuu. Atraxnuu ga̱jma̱a̱ arathá textos rí na̱ʼkha̱ iwáá kayuʼ. Índo̱ gámbala folleto rígi̱, mu mumbayíí bi̱ nusngáá mu nda̱wa̱á majngúun iyááʼ, gunigajmaa libro Ndiéjunʼ phú eʼsngáa náa Biblia rá.