Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Xóo kúwi̱i̱n ga̱jma̱a̱ xóo Etaraʼa Cristianos  |  Marzo tsiguʼ 2016

 GANINDXU̱LÚ MBÁA BI̱ NAʼSNGÁA MÁJÁNʼ

Gajmañaaʼ marataráʼa májánʼ: Atani májáánʼ presentación ndrígáʼ dí xóo maraxnaxí revistas

Gajmañaaʼ marataráʼa májánʼ: Atani májáánʼ presentación ndrígáʼ dí xóo maraxnaxí revistas
ATRIʼKHU̱U̱ RÍ XÚ KÁʼNII MA̱TA̱YA̱A̱
Text
Image

NDÍJKHA RÍ GÍʼDOO WÉÑUʼ NUMUU: Maski ajndu náa I̱yi̱i̱ʼ dí najmulú náa reunión naʼtháanʼ xú maraxnaxí i̱yi̱i̱ʼ ga̱jma̱a̱ nindxu̱u̱ májánʼ mú i̱ndó naʼtháanʼ xú káʼnii matani. Ma̱ndoo marata̱ ga̱jma̱a̱ ajngáaʼ. Mbáa maʼnda̱ʼ maraxnaxí i̱mba̱ núthu tema rígi̱, o asndu maraxna imbo̱o̱ rí itháan nanigu̱nʼ mudxawíín xa̱bu̱ bi̱ kuwa náa territorio ndrígáʼ. Á mu xúʼko̱, ginii atraxnuu revista, atayáá presentación náa nasngájma xú matani ga̱jma̱a̱ atayáá videos náa na̱ʼkha̱ demostración; ikhú ataniratháá presentación ndrígá xó má e̱ʼkha̱ raʼthí ge̱jyooʼ.

XÚ KÁʼNII GÚʼNI:

Lá majmaʼ mbá presentación náa nasngájma xú matani ráʼ.

XÚʼKO̱

  • Ataniratháá dí maratha ginii. Índo̱ gátraxi̱i̱ xa̱bu̱ ga̱jma̱a̱ naratháán náa numuu edxu̱ʼ gáta̱ya̱a̱. (Mbá xkri̱da: “Ni̱ʼkhá numuu dí...”).

  • Atatsaʼwáminaʼ ndiéjunʼ gárata nda̱wa̱á rí nitani̱ graxe̱ mu manújngaʼ náa texto ndrígóo Biblia, ga̱jma̱a̱ nda̱wa̱á rí nitraxnuu texto maraxna̱a̱ i̱yi̱i̱ʼ. (Mbá xkri̱da, mu matraxnuu mbá versículo, ma̱ndoo maratha: “Atayáá rí eʼthí Biblia”).

NA̱NGUÁ

  • Atraʼwíí mbá tema ndrígóo revista rí nanigua̱ʼ ga̱jma̱a̱ rí nanigu̱nʼ xa̱bu̱ bi̱ kuwa náa territorio ndrígáʼ.

  • Atatsaʼwáminaʼ mbá graxe̱ rí ma̱ndoo matani xa̱bu̱ mu ma̱ndoo maʼthí ma̱ngaa, mú xátani rí matiyuuʼ. (Mbá xkri̱da: Gajmaʼ graxe̱ rí na̱ʼkha̱ náa ináa 2 ndrígóo revistas).

  • Atraʼwíí mbá versículo ga̱jma̱a̱ atraxnuu. (Xí mu revista ¡Despertad!, ma̱ndoo má xátraxnuu numuu dí revista rígi̱ na̱jkha̱ náa inún xa̱bu̱ bi̱ tséniʼnuuʼ májánʼ Biblia o na̱nguá enimbu̱ún náa mbá religión).

  • Ataniratháá ajngáa dí maratha̱a̱n xa̱bu̱ mu mbaʼyoo xú káʼnii gámbáyúu á mu naguxnuu artículo rígi̱.

Á MU XÚʼKO̱

  • Atani májánʼ mbá graxe̱ mu matriʼña̱a̱ índo̱ gídxúʼ imbo̱o̱ míʼtsú.

  • Ataniraʼmáʼ dí mambáyaʼ ma̱ta̱ya̱a̱ ndiéjunʼ gárata nda̱wa̱á índo̱ matangaán.