Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Xóo kúwi̱i̱n ga̱jma̱a̱ xóo Etaraʼa Cristianos  |  Marzo tsiguʼ 2016

 XÓO KUWÁANʼ BI̱ NI̱NDXU̱LÚ CRISTIANOS

Ma̱ndoo maguaxu̱ún bi̱ nikháñun numuu rí niʼtsiwáanʼlú

Ma̱ndoo maguaxu̱ún bi̱ nikháñun numuu rí niʼtsiwáanʼlú

Náa majmaku̱ma̱a̱ rí nikháñu Cristo naʼni dí mundxaʼwamíjna̱ náa xúgíʼ rí májánʼ dí gakhánulú numuu rí niʼtsiwáanʼ. Mbá dí ikhaa nindxu̱u̱ dí maguaxu̱ún índo̱ gakháñulú. Jeobá na̱nguá nindoo dí makhañúlúʼ. Ikha jngó, mbá rí naʼni makuwáanʼ gíná wéñuʼ nindxu̱u̱ índo̱ nakháñuu mbáa bi̱ nandulúʼ kuʼyáá (1Co 15:26). Jesús nimínuuʼ wéñuʼ índo̱ ndiʼyoo rí kuwa rumbiyaʼ discípulo ndrígóo ga̱jma̱a̱ numuu dí nikháñu Lázaro (Jn 11:33-35). Numuu rí Jesús nindxu̱u̱ ikhaa kayííʼ xó má Anu̱u̱, nduʼyáá rí Jeobá ma̱ngaa nagawúnʼ wéñuʼ índo̱ ndaʼyoo rí numbiyaʼ índo̱ nakháñuu mbáa bi̱ nandulúʼ kuʼyáá (Jn 14:7). Jeobá nandoo ma̱ʼkha̱nú mbiʼi dí makuxiín xa̱bi̱i̱ bi̱ nikuwa jmbu, ga̱jma̱a̱ ikháanʼ mangáanʼ nandulúʼ (Job 14:14, 15).

Numuu rí Dios naniguʼ dí marigá awan, ikha jngó índo̱ gáguaxúun bi̱ nikháñun ma̱ngaa gíʼmaa marigá mbá awan májánʼ (1Co 14:33, 40). Ní xúmbiyaʼ numuu rí nakháñun xa̱bu̱, ikhú makuwáanʼ gagi numuu bi̱ matuxi̱ín bi̱ nandulúʼ kuʼñúún. Lá natríyaʼ mbiʼi mu matatsaʼwamínáʼ ga̱jma̱a̱ numuu rí matuxi̱ín bi̱ nikháñun, mú itháan índo̱ nakháñuu mbáa ráʼ. (2Co 4:17, 18). Lá naraxnáa núma̱aʼ Jeobá numuu rí makuxiín bi̱ nikháñun ga̱jma̱a̱ rí najmuu Biblia mu maʼthúlú rí makuwá mbu̱júu̱ bi̱ nikháñun ráʼ. (Col 3:15).

  • Tsáa bi̱ xtayáá o mígiaʼ bi̱ itháan nandaʼ ma̱ta̱ya̱a̱ mbu̱júu̱ rá.

  • Tsáa xa̱bíi bi̱ naʼthí náa Biblia eyaʼ mataniʼníiʼ ga̱jma̱a̱ maratamíjná ga̱jma̱ʼ rá.