Josué ga̱jma̱a̱ Salomón nithi dí xúgíʼ ajngáa dí niʼthí Jeobá nimbánuu (Jos 23:14; 1Re 8: 56). Ajngáa dí nithi a̱jmi̱i̱n bi̱ ndiyáa naʼni dí maʼni itháan gujkhuʼ fe ndrígúlú (2Co 13:1; Tit 1:2).

Mú mbuʼyáá xú káʼnii Jeobá niʼnimbánuu ajngóo mbiʼi rí nixtáa Josué, atayáá gajmiáanʼ bi̱ kuwa náa guʼwáaʼ película rí naʼthí ga̱jma̱a̱ rí nirígá wajyúúʼ Xúgíʼ rí niʼthí Jeobá nimbánuu. Nda̱wa̱á gúya̱a̱ graxe̱ rígi̱: 1) Xú káʼnii gándoo guʼyaridáá fe ndrígóo Rahab rá. (Heb 11:31; Snt 2:24-26). 2) Xú káʼnii esngajma rí niʼni Acán rí bi̱ tsénimbún nagíʼniin dí ra̱májánʼ rá. 3) Ndíjkha rí gabaonitas nininduwaʼ Josué mu munimbánii xkujndu gajmiún Israel maski ajndu nuni guerra rá. 4) Xú káʼnii nimbánuu ajngóo Jeobá índo̱ witsuun reyes amorreos nithi rí muni gámbáa Israel rá. (Jos 10:5-14). 5) Ndiéjunʼ niʼni Jeobá ga̱jma̱á numaʼ numuu rí natagíʼ gíníi Reino náa vida ndrígáʼ rá. (Mt 6:33).

Índo̱ nundxaʼwamíjná ga̱jma̱a̱ rí Jeobá niʼni, naʼni ga̱jma̱a̱ maʼni, fe ndrígúlú naʼni itháán gujkhuʼ (Ro 8:31, 32).

Lá gujkhuʼ fe ndrígáʼ xóo ndrígóo Josué ráʼ.