Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Xóo kúwi̱i̱n ga̱jma̱a̱ xóo Etaraʼa Cristianos  |  Junio tsiguʼ 2016

 GÍʼDOO NUMUU RÍ NA̱ʼKHA̱ NÁA BIBLIA | SALMOS 34-37

Ga̱ku̱ma̱ʼ xtayáá Jeobá ga̱jma̱a̱ atani rí májánʼ

Ga̱ku̱ma̱ʼ xtayáá Jeobá ga̱jma̱a̱ atani rí májánʼ

‹Xaxiguaʼ xtañún bi̱ nuni dí ra̱májánʼ›

37:1, 2

  • Xátatsiʼñáʼ rí naguáʼdáá wéñuʼ xa̱bu̱ bi̱ ra̱míjínʼ rí mbiʼi xúgi̱ maʼnijngariga̱a̱n rí matani ñajunʼ Jeobá. Atatsaʼwáminaʼ náa meta rí xtaʼdáá ga̱jma̱a̱ xóo eʼni tsajkurámáánʼ Dios.

‹Ga̱ku̱ma̱ʼ xtayáá Jeobá ga̱jma̱a̱ atani rí májánʼ›

37:3

  • Ga̱ku̱ma̱ʼ xtayáá Jeobá rí ikhaa mañewa̱a̱n índo̱ tsítayáá rí matani o índo̱ gáraʼdáá gamiéjunʼ. Ikhaa mambáyaʼ má xúʼko̱ mu mañajún jmbu.

  • Araxtaa má xúʼko̱ raratáraʼa ajngáa rí májánʼ rí na̱ʼkha̱ náa Reino ndrígóo Dios.

‹Araxtaa gagi náa Jeobá›

37:4

  • Atríyaʼ mbiʼi mu matraxnuu Ajngá rawunʼ Dios ga̱jma̱a̱ matandxaʼwamínaʼ dí xóo matatsiʼniiʼ itháan Jeobá.

‹Atatsíñáminaʼ náa ñawúunʼ Jeobá›

37:5, 6

  • Araxtaa mbóó a̱jkia̱nʼ rí Jeobá mambáyaʼ mu matraʼníí xkujndu.

  • Atani rí májánʼ índo̱ gúthi rí nduwaʼ ga̱jma̱a̱ numaʼ, naraʼdáá xkujndu o nurikhaʼ mu xátani ñajunʼ Dios.

‹Nda̱a̱ rí gárata ga̱jma̱a̱ araʼthi̱i̱n náa Jeobá›

37:7-9

  • Xágigáán mbá nácháa rí maʼni maraxtaa gíná ga̱jma̱a̱ maʼchúu rí nambáxa̱ʼ ga̱jma̱ʼ Jeobá.

“Mú xa̱bu̱ bi̱ májánʼ a̱jkiún makuwá náa tsu̱du̱u̱ ku̱ba̱ʼ”

37:10, 11

  • Gani̱ndxa̱ʼ mbáa xa̱bu̱ wabaʼ a̱jkiu̱u̱n ga̱jma̱a̱ májánʼ a̱jkia̱a̱nʼ, ga̱jma̱a̱ ga̱ku̱ma̱ʼ xtayáá Jeobá rí ikhaa má gáʼni kríñanʼ índo̱ gátraʼníí dí ra̱májánʼ.

  • Atambáñun a̱ngiu̱lú ga̱jma̱a̱ atani maʼni̱i̱ a̱jkiu̱u̱n tsí juwa gíná índo̱ gárathu̱u̱n rí Dios nakudaminaʼ maxná mbá ku̱ba̱ʼ nuxi̱ʼ dí na̱ʼkha̱nú mijngii.

Reino mesiánico ra̱ʼkhá tháán mba̱a̱ gáʼni tsajkurámáánʼ.