Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Xóo kúwi̱i̱n ga̱jma̱a̱ xóo Etaraʼa Cristianos  |  Enero tsiguʼ 2018

 GÍʼDOO NUMUU RÍ NA̱ʼKHA̱ NÁA BIBLIA | MATEO 8, 9

Jesús nindoo kaʼñún xa̱bu̱

Jesús nindoo kaʼñún xa̱bu̱

Náa capítulos 8 ga̱jma̱a̱ 9 ndrígóo Mateo naʼthí xóo kaʼnii niʼtáraʼa Jesús náa ku̱ba̱ʼ ndrígóo Galilea. Índo̱ niʼni thanún xa̱bu̱, Jesús nisngajmá tsiakii ndrígóo ga̱jma̱a̱, rí itháan gíʼdoo numuu ngajua ga̱jma̱a̱ rí nigáwiinʼ a̱jkiu̱u̱n kaʼñúún eʼwíínʼ.

  1. Jesús niʼni thanuu mbáa leproso (Mt 8:1-3).

  2. Jesús niʼni thanuu mbáa ñumbáá ndrígóo bi̱ kayá edxu̱u̱ náa ejército (Mt 8:5-13).

    Niʼni thanuu dxagiu̱u̱ Pedro (Mt 8:14, 15).

    Nixkawíin demonios ga̱jma̱a̱ niʼni thanún xa̱bu̱ bi̱ kuwa ruminiiʼ (Mt 8:16, 17).

  3. Jesús nixkawíin demonios bi̱ xkawiinʼ wéñuʼ ga̱jma̱a̱ nikuʼmiin magún náa kuwa agá (Mt 8:28-32).

  4. Jesús niʼni thanuu mbáa xa̱bu̱ bi̱ nikháñuu mbá xiʼtháa xuyuʼ (Mt 9:1-8).

    Niʼni thanuu mbáa a̱ʼgu̱ bi̱ niguájthuu xtíñuu ga̱jma̱a̱ niʼnigabi̱i̱ a̱ʼdióo Jairo (Mt 9:18-26).

    Nirmbáʼtháa idún bi̱ tsíkruigu̱u̱n ga̱jma̱a̱ bi̱ tsethi (Mt 9:27-34).

  5. Jesús ni̱jkha̱ náa mbaʼa xuajen ga̱jma̱a̱ niʼni thanún xa̱bu̱ bi̱ nandoo kañún (Mt 9:35, 36).

Xú káʼnii gándoo manindxa̱ʼ mbáa xa̱bu̱ guabaaʼ ga̱jma̱a̱ maʼnda̱ʼ xtañún eʼwíínʼ rá.