Visión ndrígóo templo rí ndiʼyoo Ezequiel nasngájma rí xuajñu Dios mayambáá xuʼkhíin. Xú káʼnii gándoo ikháanʼ muʼni mba̱a̱ Dios rá. (Heb 13:15, 16).

Mbá rí májánʼ nindxu̱u̱ rí manindxu̱lúʼ precursor auxiliar. Náa tsiguʼ 2018 rígá mbaʼa gu̱nʼ rí gíʼdoo witsu sábados o witsu domingos. Rígi̱ nambáñun wéñuʼ bi̱ nuñajunʼ káxi̱ numuu rí ikhiin nutaraʼa ka sábado ga̱jma̱a̱ domingo. Ma̱ngaa, bi̱ publicadores ma̱ndoo mani̱ndxu̱ún precursor auxiliar rí ka muxnaxi̱ 30 horas gu̱nʼ marzo ga̱jma̱a̱ abril, ma̱ngaa índo̱ gaguaʼdáá visita ndrígóo superintendente ndrígóo circuito.

Mú, á mu tsíyoo manindxu̱lúʼ precursores auxiliares rá. Á mu xúʼko̱, rígá mbá rí ma̱ndoo muʼni: Xúgiáanʼ ma̱ndoo muʼni tsiakimijna muʼtáraʼa itháán ga̱jma̱a̱ itháán májánʼ. Tséʼniuu ma ndiéjunʼ tséʼngulú guʼni, rí nandulúʼ kuʼyáá Jeobá gambáyulú muxna itháán tsiguʼ 2018 (Os 14:2).

Xú káʼnii gándoo gayaridoo Sabina Hernández rá.

ATAYÁÁ VIDEO “Á MU SABINA NAJMAA, XÚGIÁANʼ MAJMÁANʼ” GA̱JMA̱A̱ ATRIʼÑA̱A̱ GRAXE̱ RÍGI̱:

  • Ndiéjunʼ embáyúu Sabina maʼni itháán ñajunʼ Jeobá rá.

  • Xú káʼnii exnáʼ tsiakii ikháánʼ xkri̱da ndrígóo Sabina rá.

  • Káʼnii gu̱nʼ o mbaʼa gu̱nʼ ma̱ndoo manindxa̱ʼ precursor auxiliar náa tsiguʼ 2018 rá.