Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Xóo kúwi̱i̱n ga̱jma̱a̱ xóo Etaraʼa Cristianos  |  Agosto tsiguʼ 2016

 XÓO KUWÁANʼ BI̱ NI̱NDXU̱LÚ CRISTIANOS

Gajmañaaʼ marataráʼa májánʼ: Atambáyii bi̱ narasngáá mu maxnáximinaʼ ga̱jma̱a̱ majngúun iyááʼ

Gajmañaaʼ marataráʼa májánʼ: Atambáyii bi̱ narasngáá mu maxnáximinaʼ ga̱jma̱a̱ majngúun iyááʼ

NDÍJKHA RÍ GÍʼDOO WÉÑUʼ NUMUU: Mu mbaʼñún májánʼ Jeobá, bi̱ nunigajmaa Biblia gíʼmaa dí muxnaxímíjná náa ikhaa ga̱jma̱a̱ majngún iyááʼ (1Pe 3:21). Bi̱ nuni xó má nixnaximi̱jna̱ muni, naxtiewu̱u̱n dí mambaxúún gajmiún Jeobá (Sl 91:1, 2). Ikháanʼ bi̱ ni̱ndxu̱lú cristianos nixnaxímíjná náa Jeobá, raʼkháa náa mbáa xa̱bu̱, ni má náa mbá ñajunʼ o mbá organización. Bi̱ nunigajmaa Biblia gíʼmaa dí maguánu maʼndún kuyáá ga̱jma̱a̱ mbuyamajkuíí Jeobá (Ro 14:7, 8).

XÚ KÁʼNII GÚʼNI:

  • Índo̱ xtaa narasngáa, gu̱ya̱a̱ ndiéjunʼ eʼsngáa i̱yi̱i̱ʼ ga̱jma̱a̱ numuu Dios. Arathá dí gíʼdoo numuu magixnuu Biblia xúgíʼ mbiʼi ga̱jma̱a̱ miʼtájkáan “má xúʼko̱” náa Jeobá (1Te 5:17; Snt 4:8).

  • Aratháán bi̱ narasngáá dí maxnáximinaʼ ga̱jma̱a̱ dí majngúun iyááʼ. Ma̱ngaa atambáyii maxkamaa i̱ʼwáʼ meta, xó má dí makuxi̱ ñawúunʼ náa reunión o maʼsngúún bi̱ kuwa náa mijngii xtáa ga̱jma̱a̱ bi̱ nañajunʼ gajmíi̱n, garmáʼáan a̱jkia̱nʼ dí Jeobá tséʼniuu tsiakii mbáa mu maʼne ñajuunʼ ga̱jma̱a̱ mámbáa má gáraʼwíí maxnáximinaʼ náa ikhaa (Dt 30:19, 20).

  • Atambáyii bi̱ narasngáá dí mariʼkuminaʼ mu maʼni rí naniguuʼ Jeobá ga̱jma̱a̱ dí maʼnimbánuu dí kaʼyoo mu majngúun iyááʼ (Pr 27:11). Mbáa mbaʼyóoʼ mixtambáyii má xúʼko̱ mu mariʼkuminaʼ, numuu rí xóo eʼni ga̱jma̱a̱ costumbre rí gíʼdoo naʼni mingíjyúuʼ maniñuuʼ (Ef 4:22-24). Atasngájmáá tikhuu artículos dí naʼthí “Biblia niriʼkhu̱u̱ rí xóo makuwá”, rí na̱ʼkha̱ náa revista Bi̱ Nayejngoo.

  • Aratháán bi̱ narasngáá dí ra̱ʼkhá tháán xtaa gagi ikháánʼ dí natani má xúʼko̱ ñajuunʼ Jeobá (Isa 48:17, 18).