Atambaʼtaa mu matraxnuu

Anújngaaʼ náa imbo̱o̱ ináa

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

me̱ʼpha̱a̱

Xóo kúwi̱i̱n ga̱jma̱a̱ xóo Etaraʼa Cristianos  |  Abril tsiguʼ 2017

 XÓO KUWÁANʼ BI̱ NI̱NDXU̱LÚ CRISTIANOS

Atrígúun májánʼ

Atrígúun májánʼ

Tsíin gatrígúun májánʼ rá. Xúgínʼ bi̱ nagún náa nagimbáanʼ, tséʼniuu má á mu ni̱ndxu̱ún nuxi̱nʼ o bi̱ niʼni má mba̱yu̱ʼ eniʼniúnʼlu (Ro 15:7; Heb 13:2). Mbáa nindxu̱u̱ mbáa ndxájulú bi̱ na̱ʼkha̱ i̱mba̱ níʼkhá o mbáa cristiano bi̱ niniñuʼ raʼni ñajunʼ Jeobá bi̱ na̱jkha̱ náa guʼwá nagimbáanʼ nákha ginii mú niʼni má mba̱yu̱ʼ tsiguʼ rí nánguá ejkha̱. Xú káʼnii ga̱ku̱ma̱ʼ ikháánʼ á mu xúʼko̱ xtaa rá. Lá xaʼnda̱ʼ rí mundriguíín májánʼ xáʼ. (Mt 7:12.) Ikha jngó májánʼ gáʼni rí muraxi̱ín eʼwíínʼ nákha xóó tségi̱ʼdu̱u̱ ga̱jma̱a̱ índo̱ niguámbá reunión. Rígi̱ maʼni rí makuwáanʼ tsímáá ga̱jma̱a̱ rí maʼndulú kuʼyamijná (Mt 5:16). Gajkhun má rí xándoo garatamíjna gajmiáanʼ xúgínʼ. Mú á mu rí xúgiáanʼ nuʼnimi̱jna̱ mundrígúun májánʼ xúgínʼ bi̱ nagún náa nagimbáanʼ, xúgínʼ makuwa májánʼ. *

Ndayóoʼ musngajmá xúgíʼ mbiʼi rí nundrígúun májánʼ a̱ngiu̱lú raʼkháa i̱ndó mbiʼi kiejunʼ, xóo índo̱ narígá Conmemoración. Índo̱ xa̱bu̱ nuxu̱nʼ nduyáá xú káʼnii nindxu̱u̱ ngajua dí nusngajmamijná cristianos, mbáa rúʼko̱ gáʼni rí maʼndún muni mba̱a̱ Dios ga̱jma̱a̱ maʼndún mbuyamajkuíí (Jn 13:35).

^ párr. 3 Ikha rí na̱ʼkha̱ náa Biblia naʼthí dí ragíʼmaa mambaxúlúʼ gajmiúlú expulsados o bi̱ niniñaaʼ Jeobá bi̱ nagún náa nagimbáanʼ (1Co 5:11; 2Jn 10).