Atambaʼtaa mu matraxnuu

Ayuʼ náa naʼthí rí xú káʼnii nindxu̱u̱ ináa

Bi̱ nutaraʼa numuu Jeobá

Atraʼwíí ajngáa me̱ʼpha̱a̱

 Ajmúú 138

Mba̱a̱ mbiʼyuu Jeobá

Mba̱a̱ mbiʼyuu Jeobá

Atrígú:

(Salmo 83:18)

  1. Mitsidanʼ xtaa Jeobá,

    ikháánʼ ni̱ndxa̱ʼ Dios ndaʼya.

    Kámuu gárigá mbiʼyaaʼ,

    xáʼga̱nú maxtiʼkhuu.

    Phú gagi kuwáanʼxu

    rí mani̱ndxu̱xuʼ xa̱bia̱ʼ.

    Náa xúgíʼ tsu̱du̱u̱ numbaaʼ,

    mba̱a̱ mbiʼyaaʼ gunixu.

    (ESTRIBILLO)

    ¡Ra̱ʼkhá tháán mba̱a̱ mbiʼyaaʼ,

    mbáwiin ikháánʼ Jeobá!

    Rí náa mekhu jma̱a̱ náa ku̱ba̱ʼ,

    nakujmaa tsiakiyaʼ.

    ¡Ra̱ʼkhá tháán mba̱a̱ tsiakii ndrígáʼ!

    Ga̱jma̱a̱ mbaʼyoo numbaaʼ.

    ¡Ra̱ʼkhá tháán mba̱a̱ mbiʼyaaʼ!

    Nani ajmúú náa ikháánʼ, Jeobá.

  2. Ga̱jma̱a̱ numaʼ ma̱ndoo

    mani̱ndxu̱xuʼ xóo eyaʼ;

    rí ga̱jma̱a̱ numuu mbiʼyaaʼ,

    xáʼga̱nú maxtiʼkhuu.

    Rí nandaʼ xtayuxu

    nitraʼwáanʼxu náa numbaaʼ

    mu mani̱ndxu̱xuʼ xa̱bia̱ʼ.

    Ikha jngó nadxuxu.

    (ESTRIBILLO)

    ¡Ra̱ʼkhá tháán mba̱a̱ mbiʼyaaʼ,

    mbáwiin ikháánʼ Jeobá!

    Rí náa mekhu jma̱a̱ náa ku̱ba̱ʼ,

    nakujmaa tsiakiyaʼ.

    ¡Ra̱ʼkhá tháán mba̱a̱ tsiakii ndrígáʼ!

    Ga̱jma̱a̱ mbaʼyoo numbaaʼ.

    ¡Ra̱ʼkhá tháán mba̱a̱ mbiʼyaaʼ!

    Nani ajmúú náa ikháánʼ, Jeobá.

(Atayáá ma̱ngaa 2 Crón. 6:14; Sal. 72:19; Is. 42:8.)