Atambaʼtaa mu matraxnuu

Anújngaaʼ náa imbo̱o̱ ináa

Bi̱ nutaraʼa numuu Jeobá

me̱ʼpha̱a̱

Atlanta nagruiguíin bi̱ nutaraʼa numuu Jeobá

Atlanta nagruiguíin bi̱ nutaraʼa numuu Jeobá

“Nandoʼ mata dí ra̱ʼkha̱ tháán májánʼ eni bi̱ kúwi̱i̱n náa organización ndrígála, ga̱jma̱a̱ numuu tsiakii dí nuni mu muni ñajunʼ Reino ndrígóo Dios. Ndu̱ya̱a̱xu dí gíʼdoo numuu ga̱jma̱a̱ nuxna̱a̱xu núma̱aʼ wéñuʼ dí nuni ga̱jma̱a̱ numún eʼwíínʼ bi̱ nutaraʼa numuu Jeobá ma̱ngaa dí nuni ga̱jma̱a̱ numuu xúgíʼ xuajen.”

Ajngáa rígi̱ niʼthí mbáa presidente bi̱ xtáa náa Atlanta (Georgia, Estados Unidos), bi̱ mbiʼyuu Kasim Reed, náa mbóo carta dí niʼnirámáʼ mu maʼthúún dí májánʼ niguwáʼ bi̱ nutaraʼa numuu Jeobá bi̱ nikúwi̱i̱n ajtsú asamblea rí mba̱a̱ dí nirígá náa xuajen.

Náa ayuntamiento dí rígá Atlanta ma̱ngaa niʼni mbóo i̱yi̱i̱ʼ mú maʼthúún dí májánʼ niguwáʼ xúgínʼ bi̱ nikuwa náa asamblea rígi̱. Náa i̱yi̱i̱ʼ rígi̱ Xa̱bu̱ Ñajunʼ nithi ma̱ngaa: “Itháán maʼni migiñuʼ millones bi̱ nutaraʼa numuu Jeobá kúwi̱i̱n náa xúgíʼ tsu̱du̱u̱ numbaaʼ, bi̱ naguwáʼ náa mixtiʼkhu xuajen ga̱jma̱a̱ mixtiʼkhu ajngáa ethi, mú xúgínʼ nundxaʼwamíjná mbóo [...], dí muni mba̱a̱ Jeobá, Dios bi̱ niʼthí dí maguma Biblia ga̱jma̱a̱ bi̱ niʼni xúgíʼ dí rígá,”

Nákha julio ga̱jma̱a̱ agosto tsiguʼ 2014 nirígá ajtsú asamblea náa Atlanta, a̱jma̱ dí inglés imbo̱o̱ dí xtílo̱o̱. Niguwáʼ bi̱ kúwi̱i̱n náa mbá 28 xuajen mba̱ʼo̱. Nirígá asamblea náa ajngáa inglés mú nirawíi ajngáa ruso ga̱jma̱a̱ japonés. Dí mbá xúgínʼ niwi̱i̱n mbáa 95,689 náa asamblea.

Nákha tsiguʼ 2014, bi̱ nutaraʼa numuu Jeobá nini dí marigá mbáa 24 asambleas internacionales náa mbáa míjna gu̱wa̱ʼ xuajen mba̱ʼo̱, 16 dí asamblea rúʼko̱ nirígá náa mixtiʼkhu xuajen dí rígá náa Estados Unidos.