Atambaʼtaa mu matraxnuu

Anújngaaʼ náa imbo̱o̱ ináa

Bi̱ nutaraʼa numuu Jeobá

me̱ʼpha̱a̱

Nduyáá dí bi̱ nutaraʼa numuu Jeobá numbañún bi̱ nagún guʼwá e̱jua̱nʼ

Nduyáá dí bi̱ nutaraʼa numuu Jeobá numbañún bi̱ nagún guʼwá e̱jua̱nʼ

Náa Guʼwá e̱jua̱nʼ Curtin náa nagún kudiin xa̱bu̱ bi̱ naguwáʼ i̱mba̱ níʼkhá, mijngii Derby (Australia Occidental), nixnúún diploma mbáa 9 bi̱ nutaraʼa numuu Jeobá numuu dí “ra̱ʼkhá tháán májánʼ ñajunʼ dí nuni” ga̱jma̱a̱ numún xa̱bu̱ bi̱ nagún kudiin náa guʼwá e̱jua̱nʼ. Rígi̱ nindxu̱u̱ mbóo guʼwá e̱jua̱nʼ dí itháán mba̱a̱ dí rígá náa xuajen rígi̱ náa nagún kudiin xa̱bu̱ bi̱ naguwáʼ i̱mba̱ níʼkhá. *

Mámbá xmáná, bi̱ Testigos nagún gúñún bi̱ kúwi̱i̱n náa guʼwá e̱jua̱nʼ mu mudxawíín dí niguaʼnii ga̱jma̱a̱ mutún ajngáa dí maʼni̱i̱ a̱jkiún ma̱ngaa rí mutún dí na̱ʼkha̱ raʼthí náa Biblia dí muguaʼthi̱i̱n nda̱wa̱á. Christopher Riddoch, bi̱ nagruiguíin xa̱bu̱ bi̱ kuwa náa mbá religión bi̱ naguwáʼ náa guʼwá e̱jua̱nʼ niʼthí dí “índo̱ naguwáʼ gúñún bi̱ kúwi̱i̱n náa guʼwá e̱jua̱nʼ mbá nacha̱ ekujmaa rí nambáñun wéñuʼ”. Riddoch naʼthí rí Testigos nuñambá dí makuwá gagi bi̱ kúwi̱i̱n náa guʼwá e̱jua̱nʼ. Ikhaa nandxa̱ʼwáminaʼ rí índo̱ naguwáʼ náa guʼwá e̱jua̱nʼ nambáñun xa̱bu̱ bugi̱ mú mundxaʼwamíjna̱ dí “xtáa mbáa bi̱ gajkhun naxmiéjunʼ kaʼñúún”

Christopher Riddoch ma̱ngaa niʼthí dí diploma rí nikhánún bi̱ Testigos nindxu̱u̱ mbáa chíʼgíʼ rí xú káʼnii nusngajma dí nuxna núma̱aʼ numuu dí “numbañún muriʼkhumijná xa̱bu̱ bi̱ nagún náa guʼwá rígi̱”. Nda̱wa̱á niʼthí dí náa i̱yi̱i̱ʼ rí nikhánún bi̱ Testigos “naʼthí dí májánʼ ga̱jma̱a̱ numún bi̱ kúwi̱i̱n náa guʼwún, náa congregación ndrígu̱ún ga̱jma̱a̱ náa religión ndrígu̱ún”.

^ párr. 2 Náa guʼwá rígi̱ ma̱ndoo majtiin asndu 1,500 xa̱bu̱.