Atambaʼtaa mu matraxnuu

Anújngaaʼ náa imbo̱o̱ ináa

Bi̱ nutaraʼa numuu Jeobá

me̱ʼpha̱a̱

Bi̱ nutaraʼa numuu Jeobá nusngúún bi̱ guáʼdiin e̱jñún xú káʼnii gúñewu̱u̱n náa xa̱bu̱ bi̱ nutsijmin e̱ji̱n

Bi̱ nutaraʼa numuu Jeobá nusngúún bi̱ guáʼdiin e̱jñún xú káʼnii gúñewu̱u̱n náa xa̱bu̱ bi̱ nutsijmin e̱ji̱n

Náa Biblia naʼsngúún bi̱ guáʼdiin e̱jñún dí e̱ji̱n nindxu̱u̱ mbá regalo dí Dios nixná ga̱jma̱a̱ dí gíʼmaa maʼndún kuñún, muxnún ikha ga̱jma̱a̱ muñewu̱u̱n (Salmo 127:3; Proverbios 1:8; Efesios 6:1-4). Mbóo dí migamíi mugíʼnii e̱ji̱n nindxu̱u̱ rí mutsijmin, ikha jngó anu̱ún ga̱jma̱a̱ ru̱du̱ún e̱ji̱n gíʼmaa majmañún muñewu̱u̱n náa xkujndu rígi̱.

Mba̱yu̱ʼ tsiguʼ bi̱ nutaraʼa numuu Jeobá kúwi̱i̱n runiwíi ga̱jma̱a̱ nuxnaraʼa i̱yi̱i̱ʼ dí mambáñún mbá guʼwíin mú makuwá gagi. Ma̱ngaa naʼsngúún xa̱bu̱ wanii mú muñewu̱u̱n e̱jñún náa xa̱bu̱ bi̱ nutsijmin e̱ji̱n ga̱jma̱a̱ numbañún e̱ji̱n ma̱ngaa jiáma ga̱jma̱a̱ wa̱ʼxa̱ʼ xú káʼnii gúni á mu nuraʼníí xkujndu rígi̱. Gi̱jyooʼ rígá mbá lista náa na̱ʼkha̱ mbaʼa i̱yi̱i̱ʼ ga̱jma̱a̱ videos dí nini bi̱ nutaraʼa numuu Jeobá náa na̱ʼkha̱ raʼthí ga̱jma̱a̱ numuu xkujndu rígi̱. Atayáá nguáthá mbaʼa i̱yi̱i̱ʼ nigájnuu ma̱ngaa nguáthá ajngáa niguma. *

Bi̱ nutaraʼa numuu Jeobá musngúún má xúʼko̱ bi̱ kúwi̱i̱n mbáa guʼwíin mu muñeumíjna̱ náa xa̱bu̱ bi̱ nutsijmin e̱ji̱n.

^ párr. 3 Fechas dí na̱ʼkha̱ nindxu̱u̱ i̱yi̱i̱ʼ dí nigájnuu náa ajngáa xtílo̱o̱.