Curso rí nuxna bi̱ nutaraʼa numuu Jeobá nariʼña̱a̱ mbaʼa graxe̱. Tikhuu nindxu̱u̱:

  • Tsáa nindxu̱u̱ Dios rá.

  • Lá gajkhun Dios naxmiéjunʼ kaʼyoʼ ráʼ.

  • Xú káʼnii gándoo maxtáá itháan májánʼ ga̱jmu̱ʼ bi̱ ndi̱ya̱a̱ rá.

  • Xú káʼnii gándoo maraxtaa tsímáá rá.

Gi̱jyooʼ guriʼñaxu graxe̱ rí naguma má xúʼko̱ ga̱jma̱a̱ numuu curso ndrígóo Biblia.

Xú káʼnii esngáaxu rá. Nusngáaxu Biblia xó má mámbá tema. Mbá xkri̱da, á mu nunigajmaaxu tema ga̱jma̱a̱ numuu “Dios” o numún “xa̱bu̱ bi̱ nidamijná”, nduʼyáaʼxu textos rí naʼthí ga̱jma̱a̱ numuu rígi̱. Índo̱ ndu̱ya̱a̱ xú káʼnii nambriguii texto ndrígóo Biblia ga̱jma̱a̱ numuu tema, xúʼko̱ nuniʼñáaʼ rí Biblia mariʼña̱a̱.

Índo̱ nunigajmaaxu Biblia najmuxu libro ¿Qué enseña realmente la Biblia? rígi̱ nayambáá wéñuʼ. Ikhí naʼthí kaʼwu rí eʼthí Biblia ga̱jma̱a̱ numuu Dios, Jesús ma̱ngaa rí xú gakuwáanʼ nda̱wa̱á.

Nguáthá numuu curso rá. Tsextuma curso ga̱jma̱a̱ tserumaxu nditháan ga̱jma̱a̱ numuu i̱yi̱i̱ʼ rí najmaa náa curso.

Nguáthá mba̱yu̱ʼ ejyúuʼ mámbá rí miʼsngáa rá. Mbaʼin xa̱bu̱ nunigajmaa mbá hora mámbá xmáná. Mú rígi̱ ma̱ndoo maʼni mixtiʼkhu ga̱jma̱a̱ ma̱ndoo mbajyúuʼ xó má gáʼndaʼ ikháánʼ.

Ndiéjunʼ garigá á mu natanda̱ʼa̱ mbá curso ndrígóo Biblia rá. Mbáa bi̱ naʼtáraʼa numuu Jeobá maʼga̱ gáʼyaaʼ ga̱jma̱a̱ náa hora rí gáguapan ikháánʼ mú maʼtháanʼ xú káʼnii nindxu̱u̱ curso. Á mu nanigua̱ʼ matrigú mbá curso, mbáa xa̱bi̱i̱ Jeobá maʼndoo ma̱ʼkha̱ gáʼyaaʼ.

Á mu nagruígú mbá curso, lá mbaʼyóoʼ mani̱ndxu̱ʼ mbáa bi̱ naʼtáraʼa numuu Jeobá ráʼ. Na̱nguá. Ikháanʼxu naniguxu musngúúnxu xa̱bu̱ ga̱jma̱a̱ numuu Biblia, ga̱jma̱a̱ tsendu̱ʼu̱u̱nxu rí mani̱ndxu̱ún xóo mbáa rí ikháanʼxu. Rí phú nunixu nuthu̱u̱nxu rí naʼthí náa Biblia, ga̱jma̱a̱ tsembumuxu rí ikhiin kaʼñúún muraʼwíí (1 Pedro 3:15).