Atambaʼtaa mu matraxnuu

Anújngaaʼ náa imbo̱o̱ ináa

Bi̱ nutaraʼa numuu Jeobá

me̱ʼpha̱a̱

Náa numuu rí tsendrigú eʼdi xa̱bi̱i̱ Jeobá rá.

Náa numuu rí tsendrigú eʼdi xa̱bi̱i̱ Jeobá rá.

Rí nuthi ga̱jma̱a̱ rí gajkhun

Rí nuthi: Xa̱bi̱i̱ Jeobá tsegun náa guʼwá thana numuu rí nakumu̱ún rí xambáñun thana.

Rí gajkhun: Bi̱ ñajunxu xa̱bi̱i̱ Jeobá nunixu mbá tsiakii mu mbuʼyáaʼxu thana rí itháan májánʼ. Índo̱ mbáa dí ikháanʼxu o mbáa bi̱ kuya̱a̱xu nandoo kháñuu o ndayóoʼ rí muthii, nuraxu̱nxu médicos ga̱jma̱a̱ cirujanos bi̱ najmañún itháan bi̱ tséjmún eʼdi. Nadxuxu wéñuʼ numuu rí nagún rajmañún itháan rí xájmún eʼdi. Ma̱ngaa técnicas rí tséjmaa eʼdi rí niguma mu majmúún xa̱bi̱i̱ Jeobá najmaa náa mbaʼa xuajin mba̱ʼu̱ mu muni thanún eʼwíínʼ xa̱bu̱. Rí mbiʼi xúgi̱ asndu tsáa ma̱ndoo maraʼwíí mbá thana rí na̱nguá migamíi, xóo makhánaa mbá nandii rí na̱ʼkha̱ ga̱jma̱a̱ numuu rí nataʼaʼ eʼdi, dí naku̱mu̱u̱ náa sistema inmunitario ga̱jma̱a̱ rí médicos najngawi̱i̱n.

Rí nuthi: Xa̱bi̱i̱ Jeobá naguma thanún ga̱jma̱a̱ numuu fe ndrígu̱ún.

Rí gajkhun: Ikháanʼxu nimbá miʼtsú eguma thanuxu ga̱jma̱a̱ numuu fe.

Rí nuthi: I̱ʼwáʼ thana rí tséjmuu eʼdi minumuu wéñuʼ.

Rí gajkhun: Rí muthii mbáa o thana rí na̱nguá gíʼdoo eʼdi itháan minumuu mu nayambáá itháan májánʼ. *

Rí nuthi: Mbaʼin xa̱bi̱i̱ Jeobá asndu e̱ji̱n, nakháñun mámbá tsiguʼ numuu rí tsendrigú eʼdi.

Rí gajkhun: Nda̱a̱ pruebas dí masngájma rí xúʼko̱ kaʼnii nindxu̱u̱. Rí mbiʼi xúgi̱ cirujanos nuni cirugía mingíjyúuʼ wéñuʼ xóo cirugía ortopédica o náa a̱jkiu̱ún ga̱jma̱a̱ rí maxtiʼkhu̱u̱ órganos náa na̱nguá ejmaa eʼdi. * Bi̱ tsendrigú eʼdi ikhaa má eʼni̱i̱ a̱jkiu̱ún o asndu itháan májánʼ ki xóo bi̱ nundrigú, xúʼko̱ má náa e̱ji̱n. * Mú nimbáa xándoo gáʼtulú rí mbáa makhañúu á mu tseta̱ʼa̱a̱ eʼdi ni má rí xákhañuu á mu nata̱ʼa̱a̱.

Náa numuu rí tsendrigú eʼdi xa̱bi̱i̱ Jeobá rá.

Nindxu̱u̱ ga̱jma̱a̱ numuu religión raʼkháa ga̱jma̱a̱ numuu thana. Xó má náa Antiguo ga̱jma̱a̱ náa Nuevo Testamento naʼthúlúʼ rí xátu̱ʼu̱lú eʼdi (Génesis 9:4; Levítico 17:10; Deuteronomio 12:23; Hechos 15:28, 29). Ma̱ngoo Dios ndaʼyoo rí eʼdi nandoo gáʼthúu̱n vida (Levítico 17:14). Ikha jngó xa̱bi̱i̱ Jeobá nunimbuxu rí naʼthí náa Biblia rí ma xátu̱ʼu̱xu eʼdi numuu rí nduyamajkuííxu Dios bi̱ nixnúlú vida.

Mixtiʼkhu ku̱ma̱

Rí xúgi̱ ma̱ndoo maguma Círugía dí mingíjyúuʼ wéñuʼ rí xájmaa eʼdi

Nirígá mbiʼi rí bi̱ najmañún wéñuʼ náa thana nikumu̱ún rí á mu tséjmún eʼdi náa cirugía nindxu̱u̱ migamíi wéñuʼ ga̱jma̱a̱ bi̱ nunda̱ʼa̱ mu maguma thanún rí xájmún eʼdi, nutún dí nandún guradímijna. Mú rígi̱ niriʼkhu̱u̱ tsiguʼ rí kuwáanʼ. Mbá xkri̱da, nákha tsiguʼ 2004, nigájnuu mbá revista ndrígóo thana náa na̱ʼkha̱ raʼthí: “Mbaʼa técnicas rí nagájnuu mu maguma thanún xa̱bi̱i̱ Jeobá rúʼko̱ gáʼni xtángoo rí majmaa náa i̱ʼwáʼ tsiguʼ rí gáʼkha̱”. * Ga̱jma̱a̱ nákha tsiguʼ 2010, libro ndrígóo Medicina trasnfusional niʼthí rí ga̱jma̱a̱ numuu técnicas rígi̱ “muʼni dí ‹cirugía rí xajmaa eʼdi› majmaʼnuʼ wéñuʼ xó má cirugía ambulatoria”.

Mbaʼin wéñuʼ médicos náa xúgíʼ numbaaʼ kuwa rajmún técnicas rí xú káʼnii xágadíí wéñuʼ eʼdi índo̱ nuthii mbáa náa mbá cirugía dí mingíjyúuʼ wéñuʼ. Alternativas rígi̱ rígá má náa xuajin mba̱ʼu̱ náa nda̱a̱ wéñuʼ mbújkha̱a̱ ga̱jma̱a̱ mbaʼin xa̱bu̱ bi̱ na̱nguá ni̱ndxu̱ún xa̱bi̱i̱ Jeobá nunda̱ʼa̱ rígi̱.

^ párr. 8 Revista Española de Cardiología, volumen 59, número 5, ináa 507-509; Acta Médica Colombiana, volumen 26, Número 5, ináa 261; The Journal of Thoracic and Cardiovascular Surgery, volumen 134, número 2, ináa 287 ga̱jma̱a̱ 288; Texas Heart Institute Journal, volumen 38, número 5, ináa 563; Basics of Blood Management, ináa 2; Continuing Education in Anaesthesia, Critical Care & Pain, volumen 4, número 2, ináa 39.

^ párr. 10 Revista de la Federación Argentina de Cardiología, volumen 34, número 3, ináa 407 ga̱jma̱a̱ 408; Revista Española de Cardiología, volumen 60, número 7, ináa 727 asndu 731.

^ párr. 10 Medicina transfusional, ináa 14; Transfusion and Apheresis Science, volumen 33, número 3, ináa 349.

^ párr. 14 Continuing Education in Anaesthesia, Critical Care & Pain, Volumen 4, número 2, ináa 39.