Atambaʼtaa mu matraxnuu

Anújngaaʼ náa imbo̱o̱ ináa

Bi̱ nutaraʼa numuu Jeobá

me̱ʼpha̱a̱

Lá nundrigú thana xa̱bi̱i̱ Jeobá ráʼ.

Lá nundrigú thana xa̱bi̱i̱ Jeobá ráʼ.

Xúʼko̱, bi̱ ñajunxu xa̱bi̱i̱ Jeobá na̱jkuá náa guʼwá thana ga̱jma̱a̱ nawánxu thana ma̱ngaa nundríguxu thana. Maski ajndu nuñeumíjna̱xu májánʼ wéñuʼ mú nguáná ndayóoʼ mu̱ʼguáxu náa doctor (Lucas 5:31). Ma̱ngaa xó má Lucas, ninindxu̱u̱ médico nákha timbá siglo, tikhun xa̱bi̱i̱ Jeobá rí mbiʼi xúgi̱ nunigajmaa thana (Colosences 4:14).

Mú, ikháanʼxu bi̱ ni̱ndxu̱xu̱ʼ xa̱bi̱i̱ Jeobá tsendrígúxu thana rí nanújngorámuʼ rí na̱ʼkha̱ raʼthí náa Biblia. Mbá xkri̱da, náa Biblia naʼthí rí xataʼaʼlú eʼdi, ikha jngó tsindríguxú eʼdi (Hechos 15:20). Ma̱ngaa, náa Biblia naʼthí dí raʼkhí rí maguma thanaʼ ga̱jma̱a̱ xúgíʼ rí nuni xa̱bu̱ xawan (Gálatas 5:19-21).

Mú, náa Biblia naʼthí dí raʼkháa xúgíʼ thana nindxu̱u̱ ra̱májánʼ, ikha jngó mámbáa xa̱bi̱i̱ Jeobá gíʼmaa maraʼwíí rí maʼni. Mbáa maxtáa mbáa bi̱ maʼndoo magruigú mbá thana ga̱jma̱a̱ imba̱a̱ xándoo gagruigú (Gálatas 6:5).