Atambaʼtaa mu matraxnuu

Anújngaaʼ náa imbo̱o̱ ináa

Bi̱ nutaraʼa numuu Jeobá

me̱ʼpha̱a̱

Náa numuu rí xa̱bi̱i̱ Jeobá tséjmún cruz xá.

Náa numuu rí xa̱bi̱i̱ Jeobá tséjmún cruz xá.

Mbaʼin xa̱bu̱ nduyáá rí cruz nindxu̱u̱ mbá tsinaʼ rí najmún cristianos. Mú maski ajndu xa̱bi̱i̱ Jeobá ñajunxu cristianos, na̱nguá ejmuxu cruz ga̱jma̱a̱ na̱nguá eyamajkuíí. Náa numuu rá.

Timbá numuu, náa Biblia tsesngájma rí Jesús nikháñu náa cruz, nikháñu náa mbá ixi̱ jmbu. Ma̱ngaa naʼtáñajunʼ cristianos rígi̱: “Xúyamajkún xándú”. Rí majmulúʼ cruz índo̱ guʼyamajkuíí, nindxu̱u̱ rí mbuʼyamajkuíí mbáa xándú (1 Juan 5:21; 1 Corintios 10:14).

Ma̱ngaa Jesús má niʼsngáa ndiéjunʼ ganindxu̱u̱ tsinaʼ ndrígu̱ún cristianos índo̱ niʼthí: “Xúʼko̱ xúgínʼ gúyáá dí ikháanʼla nindxalá xa̱bi̱ʼ, á mu nandala kuyamíjna̱” (Juan 13:34, 35). Xúʼko̱ kaʼnii rí phú nasngájma rí ni̱ndxu̱ún cristianos na̱nguá nindxu̱u̱ cruz o mbáa xándú, nindxu̱u̱ rí phú maʼndún kuyamijná.