Atambaʼtaa mu matraxnuu

Anújngaaʼ náa imbo̱o̱ ináa

Bi̱ nutaraʼa numuu Jeobá

me̱ʼpha̱a̱

Náa e̱ʼkha̱ mbújkha̱a̱ rí najmún bi̱ nutaraʼa numuu Jeobá rá.

Náa e̱ʼkha̱ mbújkha̱a̱ rí najmún bi̱ nutaraʼa numuu Jeobá rá.

Ñajunʼ rí nuʼnilú najmanumáá ga̱jma̱a̱ mbújkha̱a̱ rí nuxna ga̱jma̱a̱ xúgíʼ a̱jkiu̱ún bi̱ nutaraʼa numuu Jeobá. Náa nagimbáanʼxu tsextanda̱ʼa̱ mbújkha̱a̱. Ma̱ngaa tsétulu muxná diezmo (Mateo 10:7, 8). Á mu mbáa nandoo maxná mbújkha̱a̱, ma̱ndoo marajkuáa náa caja dí rígá náa nagimbáanʼlú. Tsejuiʼtá mbiʼñún bi̱ nuxna mbújkha̱a̱.

Rígá mbaʼa rí nayambáá mu xájmulú wéñuʼ mbújkha̱a̱. Timbá, náa ikháanʼxu nda̱wa̱a̱ mbáa ndxajkun bi̱ nadaʼ mbújkha̱a̱. Ma̱ngaa ikháanʼxu tsíruma índo̱ na̱jkua̱ gutaraʼa mámbá guʼwá, ga̱jma̱a̱ náa guʼwá nagimbáanʼxu na̱nguá gumaratáá wéñuʼ.

Mbújkha̱a̱ rí na̱jkha̱ náa sucursal ndrígu̱ún bi̱ nutaraʼa numuu Jeobá najmaa mu mixtambáñuun a̱ngiu̱lú bi̱ nigíʼniin gamiéjunʼ, mixtambáñuun misioneros ga̱jma̱a̱ viajantes, maguma guʼwá náa magimbíin náa xuajen rí migíná wéñuʼ ma̱ngaa rí maguma imprimir ga̱jma̱a̱ muxuʼmá Biblia ga̱jma̱a̱ i̱ʼwáʼ i̱yi̱i̱ʼ ndrígúxu̱.

Mámbáa xa̱bu̱ ma̱ndoo maxná mbújkha̱a̱ á mu nandoo mu majmaa náa congregación o rí majmaa náa ñajunʼ rí naguma xúgíʼ numbaaʼ. Náa xúgíʼ congregación nagájna̱a̱ má xúʼko̱ cuenta mu mbuyáá eʼwíínʼ náa nijmaa.