Proverbios 3:1-35

3  Pa Chaunex ¡tauxü̃́ i nüxü̃ icuyarüngümaxü̃ i chorü ore i cuxü̃ changu̱xẽẽxü̃! ¡Rü mea cugüãẽgu namaxã nanguxü̃ i nhaa chorü ucu̱xẽgü!  Rü ngẽmaãcü tá nama̱x i curü maxü̃ rü aixcuma tá cutaãxẽ.  ¡Rü tauxü̃́ i nüxü̃ curüxoxü̃ nax cumecümaxü̃ rü quixaixcumaxü̃! ¡Rü nagu namaxü̃ rü cugüãẽgu namaxã nanguxü̃ nhama wüxi i nachagü yigü nagu ixüechaxü̃rüxü̃!  Rü ngẽmaãcü ya Tupana rü duü̃xü̃gü rü ta cumaxã nataãxẽ rü cuxü̃ nicua̱xüxü̃gü.  ¡Rü guxü̃ i curü maxü̃maxã nagu yaxõ ya Cori ya Tupana! ¡Rü tauxü̃́ i cuxrütama cua̱xgu curüxĩnüxü̃!  ¡Rü guxü̃ma i ta̱xacü icuxüxü̃wa rü Tupaname̱xẽgu naxǘ! Rü nüma rü tá cumaxã inacua̱x rü mea tá ínanguxuchi i ngẽma cuxüxü̃.  ¡Rü tauxü̃́ i nagu cuyaxõxü̃ i cuxrütama cua̱x! ¡Rü nüxna ixũgachi i ngẽma chixexü̃ rü Tupanaga naxĩnü!  Rü ngẽma nixĩ i üxüxü̃ i aixcuma mexü̃ nax cuporaxü̃ca̱x.  ¡Rü Tupanamaxã nangau i curü ngẽmaxü̃gü rü nüxna naxã i ngẽma nüxíraxü̃xü̃ i norü o i curü nanetügü i nüxna üxü̃! 10  Rü ngẽxguma ngẽmaãcü cunaxü̱xgux rü nüma rü tá nayamuxẽxẽ i curü nanetügü nax napaãcugüxü̃ca̱x i curü wíũchixü̃gü rü ngẽma curü chacugü rü tá naãcugümaxã narügáugü. 11  Pa Chaunex ¡tauxü̃́ i nüxü̃ cuxoxü̃ i ngẽxguma Cori ya Tupana cuxü̃ rüwe̱xãchixẽẽgu! ¡Rü tauxü̃́ i cunuãmaxü̃ ega ngẽxguma cuxü̃ naxucu̱xẽgu! 12  Erü nüma ya Cori ya Tupana rü tüxü̃ naxucu̱xẽ ya yíxema tüxü̃ nangechaxü̃xe nhama wüxi ya papá ya nane ya nüxü̃ nangechaü̃cüxü̃ naxucu̱xẽxü̃rüxü̃. 13   -- 14   -- 15   -- 16   -- 17   -- 18   -- 19   -- 20   -- 21   -- 22   -- 23   -- 24   -- 25   -- 26   -- 27  Rü ngẽxguma texé curü ngü̃xẽẽca̱x ícaxgu, rü tama name i tüxna cunachu̱xu ega cuxü̃́ nangexmagu i ngẽma cuxna naxca̱x taca̱xü̃. 28  Rü tama name i moxü̃ca̱x ícunaxüxüchi i ngẽma ngü̃xẽẽ i nhu̱xmatama cuxü̃́ tauxchaxü̃ nax cunaxüxü̃. 29  Rü tama name i nagu curüxĩnü i ta̱xacürü chixexü̃ tümamaxã cuxü ya yíxema cuxü̃́ yaxõgüxe. 30  ¡Rü tauxü̃́ i naxca̱x cudauxü̃ nax texémaxã cunuxü̃ ega taxúema ta̱xacürü chixexü̃ cumaxã ü̱xgux! 31  ¡Rü tauxü̃́ i cuxü̃́ nangúchaü̃xü̃ i nacüma i ngẽma yatü i máxwa̱xexü̃ rü tauxü̃́ i nüxü̃ cuyadauxü̃xü̃! 32  Erü nüma ya Cori ya Tupana rü nüxü̃ naxo i ngẽma chixexü̃ ügüxü̃, notürü tüxü̃́ nanatauxchaxẽxẽ nax namaxã taxãmücüxü̃ ya yíxema mexü̃gu rüxĩnüexe. 33  Rü nüma ya Cori ya Tupana rü chixexü̃ napatacüã̱xmaxã naxuegu i ngẽma chixexü̃ i duü̃xü̃, notürü mexü̃ tümapatacüã̱xmaxã naxuegu ya yíxema nape̱xewa mexe. 34  Rü nüma ya Cori rü nüxü̃ nacugü i ngẽma cugüwa̱xegüxü̃, notürü tümamaxã namecüma ya yíxema mecümagüxe ya tama tügü icua̱xüü̃güxe. 35  Erü nüma ya Tupana rü tümamaxã nataãxẽ ya yíxema mexü̃gu rüxĩnüexe, notürü nüxü̃ naxo i ngẽma tama naga ĩnüechaü̃xü̃.

Notas