Proverbios 1:1-33

1  Nhaa nixĩ i norü ucu̱xẽgü ya Dawí nane ya Charumáu ya Iraéutanüxü̃güarü ãẽ̱xgacü ixĩcü.  Rü nüma rü norü duü̃xü̃güca̱x nanaxümatü i nhaa ucu̱xẽgü nax namaxã nangúexẽẽãxü̃ca̱x nax nhuxãcü tá nügü nangechaü̃güãcüma namaxẽxü̃ca̱x rü nhuxãcü tá nügümaxã namexẽẽgüaxü̃ca̱x ega ta̱xacürü guxchaxü̃ nügüca̱x ínanguxẽẽgügu.  Rü nüma nanaxwa̱xe nax norü duü̃xü̃gü rü mea naãxẽxü̃ yacuáxü̃ca̱x nax ngẽmaãcü Tupanape̱xewa yamexü̃ rü mea duü̃xü̃güpe̱xewa namaxẽxü̃ca̱x.  Rü nanaxwa̱xe nax ngẽma tama ixuãẽgüxü̃ rü mea naãxẽxü̃ yacuáxü̃ca̱x. Rü ngẽma ngextü̱xügüxü̃ i naechitamare maxẽxü̃ rü nüma nanaxwa̱xe nax ngẽma cua̱x i aixcuma mexü̃ nüxü̃́ ngẽxmaxü̃.  Rü ngẽma aixcuma naãxẽxü̃ icuáxü̃ rü tá naga naxĩnü i nhaa ucu̱xẽgü nax ngẽmaãcü yexeraxü̃ i cua̱x nüxü̃́ ngẽxmaxü̃ca̱x.  Rü ngẽmaãcü tá nüxü̃ nacua̱x i ta̱xacüchiga yixĩxü̃ i ngẽma ucu̱xẽgü rü ore i cua̱xruü̃gü i ngẽma duü̃xü̃gü i aixcuma nüxü̃ icua̱xüchixü̃ nüxü̃ ixugüxü̃.  ¿Rü texé tixĩ ya yíxema aixcuma cua̱x tüxü̃́ ngẽxmaxe? Rü yíxema Tupanaga ĩnüxe rü yíxema tixĩ ya aixcuma cua̱x tüxü̃́ ngẽxmaxe. Notürü yíxema tama Tupanaga ĩnüxe rü wüxi i ngeãxẽmarexü̃ tixĩ. Ucu̱xẽgü i ngextü̱xügüxü̃ca̱x ixĩxü̃  Pa Chaunex ¡naga naxĩnü i nhaa cunatüarü ucu̱xẽ! ¡Rü tauxü̃́ i nüxü̃ curüngümaxü̃ i ngẽma cué namaxã cuxü̃ ngu̱xẽẽxü̃!  Erü ngẽma ucu̱xẽgü rü wüxi i curü meruxü̃ nixĩ nhama wüxi i cuchagü rüe̱xna wüxi i curü nga̱xcueruü̃rüxü̃ nixĩ. 10  Rü ngẽxguma ngẽma chixexü̃arü üruü̃gü cuxü̃ womüxẽẽgüchaü̃gu ¡rü taxũtáma naga cuxĩnü, Pa Chaunex! 11  Erü nhanagürügü tá cuxü̃: “¡Nua naxũ rü totanügu naxã! ¡Rü ngĩxã ítayacu̱xeü̃gü nax yama̱xgüxü̃ca̱x rü nüxü̃ ingĩ́exü̃ca̱x i ngexü̃rüüxü̃ i ngẽ́ma üpetüxü̃! 12  Rü nüétama ega woo duü̃xü̃gü i mexü̃ yixĩgu rü tá tanadai. Rü nhama wüxi i duü̃xü̃ i yuxü̃ i waixümü ígaxü̃rüxü̃ tá namaxã tixĩgü. 13  Rü guxü̃ma i mexü̃gü rü tá tüxü̃́ nangexmagü rü tachiü̃gü rü tá tayapaxẽxẽ namaxã i ngẽma naxca̱x ingĩ̱xgüxü̃. 14  ¡Rü nua naxũ rü totanügu naxã! Rü toma rü cumaxã tá tangau i ngẽma naxca̱x ingĩ̱xgüxü̃”, nhanagürügü tá. 15  ¡Notürü taxũtáma namaxã cuxãmücü, Pa Chaunex! ¡Rü paxa nüxna ixũgachi i ngẽma duü̃xü̃gü i ngẽmaãcü chixexü̃gu rüxĩnüexü̃! 16   -- 17   -- 18   -- 19   -- 20   -- 21   -- 22   -- 23   -- 24   -- 25   -- 26   -- 27   -- 28   -- 29   -- 30   -- 31   -- 32   -- 33   --

Notas