Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Raʼíchali kalabé japi Onorúami nawesa

 BINELÍWAMI 15

¿Chúsiá mi sinibí binésabiré echi Biblia?

¿Chúsiá mi sinibí binésabiré echi Biblia?

1. ¿Chúriká mi kuʼíriwa ami binésaká bi echi Biblia?

Japi mi ma bineli echi Biblia kitra mi kuʼírili kiti mi che we nakimea Jeobá. We nalí we natéami ju japi mi nakísima Jeobá (1 Pedro 2:2). A mulíwisaká Jeobá bineka echi Raʼicháala, sinibí mi bitélima. Leeri Juan 17:3 alí Judas 21.

We mi binésaká Onorúami kitra, we muwésima mujé bichíwiala alí machimea japi chúriká kanílitima echi (Hebreos 11:1, 6). Echi bichíwiliami kitra ta kuʼíriwa kiti ta ma ke cha nokiboa alí kiti ta chotásipa nokayá echi aʼláala. Leeri Hechos 3:19.

2. ¿Chúriká mi omero bineria jarecho pagótami japi mi biné?

Ami omero Jeobá amígowala niya

Ama mi ruyémiré jarecho japi mi ma bineli, kiti sinéami kanilia nili ruyea echi kalabé kitra. Ami che binésaká, ami machimea chúriká mi néema echi Biblia kiti mi raʼichama Jeobá kitra alí echi namuti kalabé kitra japi iyama echi pagótami. Leeri Romanos 10:13-15, TNM.

Raʼichá mujé téemala yúa alí amígowala. Simá aníami nili alí riwiika. Kiti ané japi echi bichiwi ko ke bichíwali ju, nalí ami ruyésaré echi namuti kalabé japi isíimalé Onorúami. Ami newalásaré japi mi isimí we natéami ju alí ke me japi mi anema. Leeri 2 Timoteo 2:24, 25.

3. ¿A omérimiré Onorúami amígowala niya?

Ami binésaká echi Biblia jepuná ko mi kuʼírima kiti waʼlú muwésima mujé nakíala Onorúami kitra, alí kiti mi echi amígowala nima. Mujé ami omero niya japi riká Onorúami kúchuwala. Leeri 2 Corintios 6:18.

 4. ¿Piri mi kuʼírima kiti muwésima mujé bichíwiala?

Kiti riwé binea echi Onorúami Raʼicháala (Hebreos 5:13, 14). Ané bilé testigo Jeobá japi mi binérima echi Biblia kitra néeka echi oselí ¿Qué enseña realmente la Biblia? Ami che we binésaká, we mi kaníliami nima. Leeri Salmo 1:1-3 alí 73:27, 28.

Natá japi Jeobá, echi Onorúami kaníliami, nijí echi raʼíchali kalabé japi echoná Bíbliachi oserúa uchúi, alí japi mi mulíwima echi, ami mulíwisaká echi amígowala (Hebreos 10:24, 25). Ami jiwérika isíisaká isiá japi Jeobá kalé, ami narema echi bitéliwami: echi sinibí bitéliwami. Kiti bela wabé natéami ju kiti mi mulíwima Jeobá. Leeri 1 Timoteo 1:11 alí 6:19.