Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Raʼíchali kalabé japi Onorúami nawesa

 BINELÍWAMI 1

¿Piri ju echi raʼíchali kalabé?

¿Piri ju echi raʼíchali kalabé?

1. ¿Piri ju echi raʼíchali kalabé japi Onorúami nawisásimi?

Onorúami ko nakí japi echi pagótami kanílika pirélima jenaʼí Wichimóbachi. Echi ko we nakí echi pagótami, kiti bela niwali echi Wichimóbachi alí suwaba japi ikí nirú echoná. Ma kéayó, echi ko isiima kiti echi pagótami omáana piréami we kanílika pirélima alí ma ke che risoa nílima. Leeri Jeremías 29:11.

Ni bilé gobierno omero iʼyea, kiti ke nirúlima, echi nakichíwami, nawilí alí echi mukuwáami. We be nalí nirú raʼíchali kalabé. Ma kéayó, Onorúami ko iyema echi gobiernos jenaʼí Wichimóbachi nirúami alí wilama binói gobiérnowala. Echi japi nulérami nima echi kitra kilii kanílika pirélima alí ke siné nayuma. Leeri Isaías 25:8; 33:24, alí Daniel 2:44.

2. ¿Chúsiá we natéami ju echi raʼíchali kalabé?

Ma ke che nirúlima echi risoa níliwami japalí Onorúami suwábisa echi pagótami chati (Sofonías 2:3). ¿Chu kabú ikimea jepuná? Echi Onorúami Raʼicháala ko anili japi ikimea riweili echi namuti chati japi ma ikísimi jipi omáana Wichimóbachi. Jepuná kitra ta newaláriwa japi Onorúami ma kéayó suwábima echi namuti chati. Leeri 2 Timoteo 3:1-5.

3. ¿Piri ta nokisáré?

Ata binésaré Onorúami kitra leérika echi Biblia, echi binói Raʼicháala. Japi riká bilé oserúami ju japi bilé onó we nakíami iyá abói kúchuwala. Aní chúriká aʼlá pirélipa jipi alí aní piri ta nokisáré kiti ta sinibí pirélipa jenaʼí Wichimóbachi pe aminana mi. Tasi sinéami kanílima japalí mi binériwa echi Biblia. We nalí be, ke mi siné riwésaré binea, kiti Onorúami nijima namuti kalabé pe aminana mi. Leeri Proverbios 29:25 alí Apocalipsis 14:6, 7.