Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Raʼíchali kalabé japi Onorúami nawesa

 BINELÍWAMI 8

¿Chúsiá riwé Onorúami japi nirúlima cha nokiwáami alí risoa níliwami?

¿Chúsiá riwé Onorúami japi nirúlima cha nokiwáami alí risoa níliwami?

1. ¿Chu kabú chotásili echi cha nokiwáami?

Onorúami ko risensia iyali echi pagótami kiti né wilí nulama, alí néwariwéliti japi ke omero kariwea echi chati

Echi cha nokiwáami chotásili jenaʼí Wichimóbachi japalí Satanás bachá ikaleka anili. Echi ko bilé ángel aʼlá wachía isíiami nili, we be nalí “ke né sinibí bichíwali isiili” (Juan 8:44, TNM). Kilipi kilipi niraa nakili japi echi nalí walúala niraa anérami nima, we nalí be Onorúami bi ju japi né Walubéala niraa anésaré. Ikaleka raʼíchika ékili Eva kiti echi nalí nijéwima alí Onorúami ko ke. Adán ayénachó isiili japi Eva isiili, ke nijéwili. Echi okuá iyiri ju kiti nirú risoa níliwami alí mukuwáami. Leeri Génesis 3:1-6, 19.

Japalí ékili Eva kiti ke nijéwima Onorúami, Satanás ko Onorúami sayérala najítili. Tasi bilé námiami nili japi Jeobá bi bineli ju japi nulésaré sinéami, echi bi ju né Walubéala. Jipi nokí sinéami pagótami nata japi riká echi Diablo, tasi Onorúami kitra nulérami nínali, kiti bela Satanás ju japi “nulé jenaʼí wichimóbachi piréami pagótami”. Leeri Juan 14:30 alí 1 Juan 5:19.

2. ¿Niwáliré Onorúami kiti cháriká nokimea?

Suwaba japi Jeobá niwáala ju né wabé aʼláala ju. Adán, Eva alí echi ángeles japi Jeobá niwali a aʼlá omeri nijewia suwaba echi Onorúami nuláala (Deuteronomio 32:4, 5). Ata niwárami nili kiti tamujé abói niraa nataba acha ta aʼlá nokiboa, chati ma. Tamujé ibili niraa ata omérosaré néwariwélitia japi chu me iyena ta nakíami ka Onorúami. Leeri Santiago 1:13-15 alí 1 Juan 5:3.

3. ¿Chúsiá riwé Onorúami japi a bijí nirúlisima echi risoa níliwami?

Jeobá ko pe teili bi rawé riwésimi japi nirúlima echi risoa níliwami. ¿Chúsiá? Kiti néwariwélitima japi tasi bilé nirú gobierno jenaʼí Wichimóbachi piréami japi oméroma  kuʼiria echi pagótami (Eclesiastés 7:29; 8:9). Jeobá ko riwé japi usani mili bamíali nulama echi isélikami alí tasi bilé omeri suwabia echi cha nokiwáami, echi weli nakóliami alí echi nawilí, jepuná ko né machiná niraa newaré. Leeri Jeremías 10:23 alí Romanos 9:17.

Sinéami echi japi Onorúami kitra nulérami nínali narema namuti kalabé (Isaías 48:17, 18). Ma kéayó, Jeobá suwábama sinéami echi isélikami. Pe echi pagótami bi japi Onorúami kitra nulérami nínali, jenaʼí Wichimóbachi pirélima (Isaías 11:9). Leeri Daniel 2:44.

4. ¿Piri ta néwariwélitisaré kiti Onorúami ke sapú iyóami ju?

Satanás ko anili japi echi pagótami a nijéwiami ju kiti Onorúami iyá wiká namuti. Sinéami tamujé a omérosaré néwariwélitia nijéwika Onorúami japi echi Diablo ikaléami ju alí japi ta nakí japi Onorúami nalí nulama alí echi pagótami ko ke. Leeri Job 1:8-12 alí Proverbios 27:11.

5. ¿Chúriká newaré japi ta nakí japi Onorúami nulama?

Japi ta noká, néwariwéliti acha ta nakí japi Onorúami nulama, ke ma

Bachá ko ata machisáré chúriká nakí echi japi ta nóchilipa, alí chotasia bichiwia echi bichíwiliami né bichíwali japi bineri japi aní echi Biblia (Juan 4:23). Ayénachó ata néwariwélitipa japi ta ke nakí japi Satanás nulama, ata nokisáaká japi Jesús anili alí ke nokiboa suwaba japi política aneliwa alí kecho nakoba. Leeri Juan 17:14.

Satanás ko nee binói jiwérala kiti echi pagótami abói risoa olaká nokimea alí japi nokimea suwaba japi chati ju. Japalí ta ke echi riká nokisaa, isini kaachi jaré amígowala alí najirémala achisá tamujé kitra alí ta risoa oláliwa (1 Pedro 4:3, 4). A echi riká ikisáaká, yúa napawipa japi a nakí Onorúami alí japi nijewi echi nuláala. Ata echi riká nokisáaká, ata néwariwélitipa japi Satanás ikaleka anili japalí anili japi ke wesi nijewi Onorúami japalí risoa nílisa. Leeri 1 Corintios 6:9, 10 alí 15:33.

We ta nakirúami ju Onorúami kitra, jepuná néwariwéliti japi echi risoa níliwami alí echi chati namuti ma kéayó suwibama. Japi jepuná bichiwi ko, sinibí pirélima jenaʼí Wichimóbachi. Leeri Juan 3:16.