Inea japi nirú echoná

Inea echi okuá menú

Testigo Jeobá

ralámuli

¿Jépuká ju japi nulá jenaʼí Wichimóbachi?

¿Jépuká ju japi nulá jenaʼí Wichimóbachi?

¿Ami animéeré...

  • ... Onorúami?

  • ... echi pagótami?

  • ... bilé japi ta ke machí?

 JAPI ANÍ ECHI BIBLIA

“Jenaʼí wichimóbachi piréami [...] abóniko arigá waminá omératami ju echi riablo jiti.” (1 Juan 5:19.)

“Echijiti echi Walubela Riosi Ranala [...] suwaba suwábama echi riablo olalila.” (1 Juan 3:8, El Nuevo Testamento de nuestro Señor Jesucristo en tarahumara de Samachique.)

CHÚSIÁ AʼLÁ JU JAPI MI MACHIMEA

Machiboa chúsiá we cha nokiwaa jenaʼí Wichimóbachi (Apocalipsis 12:12).

Ata machibóalé japi ke bi nirúlima cha nokiwáami (1 Juan 2:17).

 ¿A AʼLÁ KEʼRÉ BICHIWA JAPI ANÍ ECHI BIBLIA?

Ayena, jenaʼí mi ruyema jepuná náriwami:

  • Ata machí japi echi Satanás ma ke nulama jenaʼí Wichimóbachi. Jeobá ko ma ke riwema japi nulama echi Satanás. Echi ko aní japi “suwábama echi riablo” alí Jeobá ko aní kiti ma ke nirúlima echi chati namuti japi echi isili (Hebreos 2:14).

  • Onorúami chapili japi Jesucristo nulama. Jesús ko tasi nulama japi riká echi Satanás nulá jipi. Japalí Jesús nuláami niisa, Onorúami ko aní japi “echi Binói natimama echi japi risoa oliwáami ju alí echi japi ke olá japi nimíuma, alí niyúbima echi pagótami japi risóati ju” alí suwábima echi cheti chati nakówami, ayénachó echi japi risoaniliti echi pagótami (Salmo 72:13, 14).

  • Onorúami ko ke ikaléami ju. Echi Biblia ko aní “Riosi ke tasi bilé ikaléami ju” (Hebreos 6:18). Ata machí japi Jeobá ko né echi riká isima, japi riká anili (Isaías 55:10, 11). Echi ko isima japi echi “walula nuláami ju jenaʼí wichimóbachi ma waminá machí pátami níima” (Juan 12:31).

 AMI NÁRIKA IJÓSIRÉ ISINI KAACHI

¿Chúriká pirélipalé japalí Satanás ma ke nulasa jenaʼí Wichimóbachi?

Kiti mi machimea japi aní echi Biblia echoná SALMO 37:10, 11 alí APOCALIPSIS 21:3, 4.