Inea japi nirú echoná

Inea echi okuá menú

Testigo Jeobá

ralámuli

¿Chu nokisáré echi niwíkami alí kúchuwala kiti kanílika pirélima?

¿Chu nokisáré echi niwíkami alí kúchuwala kiti kanílika pirélima?

¿Ami animéeré ma...

  • ... japi we nakíami nima?

  • ... japi winomíwami nima?

  • ... jarecho namuti?

 JAPI ANÍ ECHI BIBLIA

“¡Waminabi ne wabé kaníliami ju siʼnéami echi jaré mapu ikí galá kipusa Riosi Raʼíchala, echirigá ne galá nijéwaga olako!” (Lúkasi 11:28, El Nuevo Testamento de nuestro Señor Jesucristo en tarahumara de Samachique.)

CHÚSIÁ AʼLÁ JU JAPI MI MACHIMEA

Kiti mi we nakíami nima, sinéami echoná bitichí piréami yúa, echi riká mi we kanilia nima (Efesios 5:28, 29).

Aʼlá riwiika sinéami (Efesios 5:33).

Sinéami napawika kilii pirélima (Marcos 10:6-9).

 ¿A AʼLÁ KEʼRÉ BICHIWA JAPI ANÍ ECHI BIBLIA?

Ayena, jenaʼí mi ruyema jepuná náriwami:

  • Jeobá niwali echi niwíkami. Jeobá ko bachá napabuka niwítili echi rejoy mukí yúa (Génesis 2:18-24). Jeobá niwáala ju kiti bela kuchúwako. ¿Chúsiá we natéami ju japi mi machimea?

    Natá jepuná: Japalí mi koʼyá koʼwáami we raʼíami, ami machinali chúriká niwárami ka, ¿jépuká mi narímalé? Ami nárima japi niwali.

    Echi riká cho ju, ami machináliaká chúriká we kaníliami nima mujé kúchuwala, ami nárima Jeobá kiti echi ju japi niwali echi niwíkami alí kuuchi.

  • Ata we natéami keʼré Onorúami kitra. Japi mi niwíkami ju alí kúchuwami ami echoná Bíbliachi áasaré echi busuré japi Jeobá nijí, echi ko “Riosi Binói ‘yemi mi kuʼwírama” (1 Pegro 5:6, 7). Jeobá ko nakí japi ta we kanílika pirélipa. Echi ko nijí busuré, ke ta nijéwisaká tasi ta kanilia pirélipa (Proverbios 3:5, 6; Isaías 48:17, 18).

 AMI NÁRIKA IJÓSIRÉ ISINI KAACHI

A ni niwíkami nísaká alí kúchuwami ma, ¿piri ni isima kiti ta napawika kanilia pirélipa?

Kiti mi machimea japi aní echi Biblia echoná EFESIOS 5:1, 2 alí KOLOSENSES 3:18-21.