Inea japi nirú echoná

Inea echi okuá menú

Testigo Jeobá

ralámuli

¿A checho ku pirélimiré japi ma suwili?

¿A checho ku pirélimiré japi ma suwili?

¿Ami animéeré...

  • ... ayena a?

  • ... ke?

  • ... a kéremá?

 JAPI ANÍ ECHI BIBLIA

“Auchecho ku oʼwíntama echi jaré suwíami.” (Hechos 24:15, El Nuevo Testamento de nuestro Señor Jesucristo en tarahumara de Samachique.)

CHÚSIÁ AʼLÁ JU JAPI MI MACHIMEA

Japalí mi we omona asisaa kiti bilé mujé téemala mukuli, mujé ko ku kanílima japalí mi machisaa japi aní echi Biblia (2 Corintios 1:3, 4).

Kiti mi ke majama machiyá japi mi siné rawé mukumea (Hebreos 2:15).

Ami né bichíwali machimea japi mi checho ku inema mujé téemala japi ma suwili, japi ku mochísimaré (Juan 5:28, 29, Traducción del Nuevo Mundo).

 ¿A AʼLÁ KEʼRÉ BICHIWA JAPI ANÍ ECHI BIBLIA?

Ayena, jenaʼí mi ruyema jepuná náriwami:

  • Onorúami niwali suwaba japi ikí iwí. Echi Biblia aní japi Jeobá ju “japi isimí kiti suwaba japi ikí nirú iwima” (Salmo 36:9; Hechos 17:24, 25). Jeobá niwali suwaba namuti japi iwí, ¿we mi ko mayé japi ke omérima ku muchuwasia japi ma suwili?

  • Chabéi bamíali Onorúami ko ku muchuwásili jaré pagótami japi suwili. Echi Biblia ko aní japi osánaó pagótami nili (rarámuli, kúruwi, kulí ochérikami, mukí alí tewé) japi ku muchuwásitami nili kiti ku pirélima jenaʼí Wichimóbachi. Jarecho ko upami suwísili; bilé rejoy japi naó rawé buíli mukuká, ayénachó ku wilásitami nili (Juan 11:39-44).

  • Onorúami ko né iniili ku muchuwásinala japi ma suwili. Jeobá ko we iniili kichía echi mukuwáami kiti japi riká echi sayérami ju; Onorúami ko ke nakí japi suwimea echi pagótami (1 Corintios 15:26). Jeobá ko né iniili kiti ma ke che nirúlima echi mukuwáami alí isima japi checho ku pirélima jenaʼí Wichimóbachi pe aminana, japi Jeobá bijí a newalá japi ma suwili (Job 14:14, 15).

 AMI NÁRIKA IJÓSIRÉ ISINI KAACHI

¿Chúsiá ta wéakami nílisimi alí suwí?

Kiti mi machimea japi aní echi Biblia echoná GÉNESIS 3:17-19 alí ROMANOS 5:12.

Che machiwaami

RAʼÍCHALI KALABÉ JAPI ONORÚAMI NAWESA

¿A nirúiré bilé buyelíami echi suwíkami kitra?

¿Chu ta ikí japalí ta suwí? ¿Ata che ku riwiboalé tamujé teémala japi ma suwili?