Inea japi nirú echoná

Inea echi okuá menú

Testigo Jeobá

ralámuli

¿A ta ma ke che risoa nilia pirélipiré?

¿A ta ma ke che risoa nilia pirélipiré?

¿Ami animéeré...

  • ... ayena a?

  • ... ke?

  • ... a kéremá?

 JAPI ANÍ ECHI BIBLIA

“Riosi galá ku kanílatama aboni [...] echi pagótami ma ketasi suwimea, nibilé auché nalákama, nibilé auché risúu animea, nibilé auché okoma.” (Apocalipsis 21:4, El Nuevo Testamento de nuestro Señor Jesucristo en tarahumara de Samachique.)

CHÚSIÁ AʼLÁ JU JAPI MI MACHIMEA

Tamujé ko né aʼlá machí japi ke Onorúami iyiri ju japalí ta risoa ikí (Santiago 1:13).

A mi kanílima machiyá japi Onorúami risoa cho nili japalí ta omona muchuwi (Zacarías 2:8).

Ata machí japi ma mulipi ke nirúlima echi pagótami we obátami japi risoa olá jarecho, ma ke wesi nirúlima japi tamujé omonárima (Salmo 37:9-11).

 ¿A AʼLÁ KEʼRÉ BICHIWA JAPI ANÍ ECHI BIBLIA?

Ayena, jenaʼí mi ruyema jepuná náriwami:

  • Onorúami ko ke kanili japalí ta risoa nilia piré. ¿Chu niili Jeobá japalí echi puéblowala risoa olárami nili chabéi? Echi Biblia ko aní, japi we okoa nili inea risoa olowáwachi binói puéblowala (Jueces 2:18).

    Onorúami ko we kichí echi pagótami japi risoa olá jarecho. Echi Biblia ko aní japi Onorúami we kichí echi rejoy japi miʼá echi ke ichibi isíiami alí japi “ruʼluwi echi lalá” (Proverbios 6:16, 17).

  • Onorúami ko we natéami niraa ineni ibili echi pagótami. Jeobá ko nakí japi mi echi anema suwaba namuti japi mi niili isini kaachi “mapujiti Riosi Binói ʼyemi mi kuʼwírama” (1 Pegro 5:7).

    Japalí Jesús silíami niisa, Onorúami ko aní japi echi pagótami ma ke amónika pirélima (Mateo 6:9, 10). We be nalí jipi ata mulíwisaká Jeobá echi ko we tamujé kanílitima (Hechos 17:27; 2 Corintios 1:3, 4).

 AMI NÁRIKA IJÓSIRÉ ISINI KAACHI

¿Chúsiá riwé Jeobá japi ta risoa nílipa?

Kiti mi machimea japi aní echi Biblia echoná 1 CORINTIOS 15:21 alí 2 PEGRO 3:15.