Inea japi nirú echoná

Inea echi okuá menú

Inea: Jena’í mi riwimea

Testigo Jeobá

ralámuli

Kipú Onorúami alí sinibí mi bitélima

 PARTE 5

Japalí nawali Echi Walubé Ukí, ¿jépuká kipuli Onorúami?

Japalí nawali Echi Walubé Ukí, ¿jépuká kipuli Onorúami?

Japalí Noé biteili né nokí sinéami pagótami chati nokáami nili (Génesis 6:5)

Adán alí Eva olali kúchuwala, alí wiká muwésili echoná Wichimóbachi. Pe aminana mi jaré ángeles chati ayenli japi riká echi Satanás alí ke nijéwili Onorúami.

Echi ko tikili jenaʼí Wichimóbachi alí olali ripokala japi riká echi pagótami kiti oméroma niwía echi umukí yúa. Alí echi umukí ko olali kúchuwala japi we jiwérami nili alí we nakówami.

Omáana Wichimóbachi niruili pagótami japi we chati nokáami nili. Echi Biblia aní: “Wabé chati nili japi nokali echi pagótami jenaʼí wichimóbachi” alí sinibí chati nátami nili.

 Noé ko nijéwili Onorúami alí niwali echi arca (Génesis 6:13, 14, 18, 19, 22)

Noé ko we aʼláala nili. Jeobá aneli Noé japi suwábima riweili echi pagótami chati Echi Walubé Ukí kitra.

Onorúami ko aneli Noé kiti niwama bilé waʼlú kajoni kiti baʼwechi moba ayé inama, arca rewéami. A moʼisá riweili echi japi yúa pireili alí moʼasa riweili suwinárika namuti jákami.

Noé ko aneli echi pagótami japi waʼlú ukumea riweili, we be nalí echi pagótami ko ke tasi kipuli ba. Jaré ko achiyé Noé kitra, jarecho ko we naʼáwali.

Japalí ma sunili niwayá echi arca, Noé ko moʼali echi namuti jákami.

Che machiwaami

RAʼÍCHALI KALABÉ JAPI ONORÚAMI NAWESA

¿Chúsiá riwé Onorúami japi nirúlima cha nokiwáami alí risoa níliwami?

¿Chúriká chotásili echi cha nokiwáami alí chúsiá che bijí a nirúlisimi risoa níliwami? ¿A siné rawé ke riso nilia pirélipiré?